भजन संग्रह 79:4 - Sunuwar Bible

⁴ आंइ नेक्‍था बाक्‍ब मुरपुकीमी आंइ कली शुक्‍शी पाइक्‍नीम। मिनु आंइ एर ओंथ ङा मुरपुकीमी आंइ कली रिश्‍शा तोक्‍शा लोव़ पाइनीम। भजन संग्रह ४४:१४

भजन संग्रह 79:4 ပူးပေါင်းရင်းမြစ်များ

१ राजा 9:7

गो इस्राएली आन कली आं गेशो रागी रे खेरनुङमी। मिनु एको आं कली सेल्‍शो खिं कली प्रोंइशा मकोव़नुङ। मिनु इस्राएली चहिं मुर नेल्‍ल आन दातेमी मुने दोक्‍शा, ग्रांग्रा दित्‍तीक दुम्‍नीम। ब्‍यवस्‍था ४:२६; ब्‍यवस्‍था ८:१९-२०; मत्ती २३:३८

नेहेम्‍याह 1:3

मिनु मेकोपुकीमी आं कली “ग्‍याइक्‍चा मपुंइसीशो मेक उइ लीशोपुकीम शुश श्‍येत जशा, खेदा पचा पुंइसीना सीन बाक्‍नीम। यरूसलेम ङा गारो ब्रेश्‍शो बाक्‍ब। मेकेर ङा ठेयब लाप्‍चोपुकी मीम दुप्‍शो बाक्‍नीम” देंतेक्‍म। २इतिहास ३६:१९

नेहेम्‍याह 2:19

मिनु होरोनी सान्‍बल्‍लत, आ गेय पाइब अम्‍मोनी तोबीयाह नु अराबी गेशेममी चहिं एको लोव़ नेंशा, आंइ कली शुक्‍शी पा ठेयब लेश्‍शा “गे मार पाइनीनी, हां? पिप आ सासन प्रोंइचा माल्‍नी?” दे हुइक्‍ताक्‍की।

भजन संग्रह 80:6

गे आंइ कली आंइ नेक्‍था ङा मुर आन कली जीब सेल्‍शो बाक्‍तीनी। मिनु आंइ जोरी सत्रुमी आंइ कली शुक्‍शी पाइब सेल्‍तीनी।

भजन संग्रह 89:41

मेको लां रे पा लाइब नेल्‍लेमी मेको आ मार मार रोइश्‍शा लाइक्‍तेक्‍म। मेको आ नेक्‍था ङा मुरपुकीमी मेको कली शुक्‍शी पाइक्‍तेक्‍म।

यसैया 43:28

मोपतीके गो आं खिंम चढ़ेब आन कली ‘गेय पचा मदुम्‍ब’ सेल्‍तामी। गो याकूब कली खतम सेल्‍ता। मिनु इस्राएल शुक्‍शी पाइक्‍चा पुंइसीब सेल्‍ता” दे परमप्रभुमी देंत।

येरमीया 24:9

गो मेको आन कली रागी ङा राज्‍य नेल्‍लेमी शुश हिंचा ङा नु काइ मरिम्‍शो सेल्‍नुङ। मेको आन कली शिशी मताइब, शुक्‍शी लोव़ नु सराप पाइक्‍चा पुंइसीब सेल्‍नुङमी। मेको आन कली खेरशो रागी नेल्‍लेम मोदेंशो पाइनुङमी। १राजा ९:७

येरमीया 25:18

मिनु मुलाक्‍ती तशो खोदेंशो पा यरूसलेम नु यहूदा ङा सहर नेल्‍ल आन कली श्‍येत्‍थ नु मुर मबाक्‍तीके सेलो। मेकेर ङा पिप नु आन सरकार आ गेय पाइब मुर खतम दुम्‍नीम। मेको सहर शुक्‍शी पाइक्‍चा नु सराप पाइक्‍चा पुंइसीब दुम्‍त।

येरमीया 42:18

मुर नेल्‍ल आन परमप्रभु यावे, इस्राएली आन परमप्रभुम “दोपा आं गाइश्‍शो नु चुरशो यरूसलेमम बाक्‍ब मुर आन तार मोंइसे, मोपान गेपुकी इजीप्‍त लाइतीनी हना, आं चुरतीके इन तार मोंइसीब। इन श्‍येत जशो तशा मुर हिंनीम। गेपुकी सराप राइब नु शुक्‍शी पाइक्‍चा पुंइसीब दुम्‍नीनी। गेपुकीम लेंशा एको रागी गेनायो कोव़चा मताइनीनी” देंशो बाक्‍ब। येरमीया २५:९; येरमीया ४४:१२

येरमीया 51:51

मेकोपुकीमी “आंइ कली शुक्‍शी पाइश्‍शो नेंशा, गो मुने दोक्‍तक। गो आंइ कुल सुम्‍तक। मारदे हना परमप्रभु यावे आ खिंम अर्को रागी ङा मुर जाक्‍शा ओव़तेक्‍म” देंतेक्‍म।

बिलाप 1:11

मेको आ मुर नेल्‍ल हुकयी पा, अन्‍न माल्‍ना माल्‍न गाक्‍नीम। लेंशा बोल्‍यो दुम्‍चा कली आन शोंप लेयनीम। परमप्रभु यावे, मुल आं कली कोव़ङीन। गो महिक्‍सीशो दुम्‍ती” देंती।

बिलाप 5:1

मिनु “परमप्रभु यावे, गो आंइ कली मार दुम्‍शो बाक्‍बा, मेको मिम्‍तीन। आंइ कली मरिम्‍शो पशो कोव़ङीन।

इजीकीएल 22:5

ए, हिक्‍चा मपुंइसीशो नु ग्रांग्‍ये माग्‍येम ब्रीशो सहर, इ नेक्‍था नु ङोन बाक्‍ब मुरपुकीम इ कली शुक्‍शी पाइ‍नीम।

इजीकीएल 35:12

मिनु गे गो परमप्रभु यावे नङ, दे तुइक्‍नेवे। मिनु गो इस्राएल ङा पहाड आन पर्बम इ शुक्‍शी पा पशो लोव़ नेल्‍ल नेंता। गे मार देंते देंशा हना ‘इस्राएल ङा पहाड नेल्‍ल मुर मबाक्‍तीके दुम्‍शो बाक्‍नीम। मिनु मेको आं कली गेशो बाक्‍ब’ देंते।

इजीकीएल 36:15

गो रागी रागी ङा मुरपुकीम इन कली शुक्‍शी पचा मगेनन्‍नी। मिनु मुरपुकीम इन कली दिप्‍शो फाल्‍चा ममाल्‍नीनी। मिनु इन रागी ङा मुर आन कली दाइल मपपाइक्‍नीनी” दे परमप्रभु, परमप्रभु यावेमी देंत।

इजीकीएल 36:3

मोपतीके आं लोव़ पावो, परमप्रभु, परमप्रभु यावेमी ‘मारदे हना मेकोपुकीम इन कली नेल्‍ल मुर मबाक्‍तीके सेल्‍शा, एर ओंथ रे श्‍येत गेम्‍तेक्‍म। मिनु गे रागी रागी ङा लीशो मुर आन रागी दुम्‍तीनी। मिनु गे मुर आन दातेम शुक्‍शी पाइक्‍तीक दुम्‍शो बाक्‍तीनी।

दानीएल 9:16

परमप्रभु, इन ठीक पतीकेमी इन सहर यरूसलेम नु इन योव़शो डांडा आ पर्बम मगाइक्‍तीन, मचुरीन। आंइ पशो पाप नु आंइ किकी पिप आन मरिम्‍शो पशो आ पर्बम यरूसलेम नु इन योव़शो मुर आन नेक्‍था बाक्‍ब मुर रे पा शुक्‍शी पाइक्‍चा पुंइसीब दुम्‍तेक्‍म।

सेफन्‍याह 3:18

चाडमी ग्‍येरशो खोदेंशो पा कुम्‍सो पाइब। आन क्‍येङा ङोन बाक्‍ब आन कली खुप्‍नुङ। मेको इन मुर नम। आं पर्बम शुक्‍शी पाइक्‍चा पुंइसीनीम।

जकरिया 8:13

यहूदा नु इस्राएल ङा मुरपुकी गे रागी रागी ङा मुर आन दातेमी सराप रशो बाक्‍तीनी। दोपा गेपुकी सराप रनी, मोपा आसीक ताइब दुम्‍नीनी। महिनीन, बोल्‍यो दुमीन” देंत। उत्‍पत्ती १२:२

ब्‍यवस्‍था 28:37

मिनु परमप्रभु यावेमी इन कली खेरशा जात जात ङा मुर आन दातेमी इन पर्बम शुक्‍शी पा, देंतीके सेल्‍शा, शुक्‍शी पचा पुंइसीनीनी। १राजा ९:७; येरमीया २४:९