भजन संग्रह 79:3 - Sunuwar Bible

³ मेकोपुकीमी मेको आन हुश ब्‍वाक्‍कु खोदेंशो पा यरूसलेम आ एर ओंथ नेल्‍ल शाइक्‍पाइक्‍तेक्‍म। मिनु मेको आन कली थिम्‍ब सुइ मबाक्‍म।

भजन संग्रह 79:3 ပူးပေါင်းရင်းမြစ်များ

भजन संग्रह 141:7

दोपा फुल्‍लु प्रोल्‍शा रू मेर फ्राइनीमी, मोपान मेको आन रुश बेक्‍शो मुर आन बाक्‍तीकेमी ब्रशो बाक्‍नीम।

भजन संग्रह 79:10

मारदे रागी रागी ङा मुरपुकीमी “मेको आन परमप्रभु ते बाक्‍म?” दे हिल्‍लो पाइनीमी। रागी रागी ङा मुरपुकीमी इन मुर आन कली आन ङोंइती साइश्‍शो आ क्‍येक्‍क लेप्‍ब, दे तुइक्‍तमेक्‍ल। भजन संग्रह ११५:२; योएल २:१७

येरमीया 14:16

मिनु जोल पा आं लोव़ नेंपाइक्‍चा पुंइसीबपुकी चहिं तरवार नु अन्‍कालम पतीके यरूसलेम ङा लां मेर ताइक्‍चा पुंइसीनीम। मेको, मेको आन मीश नु मेको आन तमी तौ आन कली थिम्‍ब सुइ मबाक्‍नीम। मारदे हना गो मेको आन तचा ङा श्‍येत मेको आन तारी मोइक्‍नुङ” दे माइक्‍ती। येरमीया ९:२१

येरमीया 15:3

गो मेको आन कली ४ ओटा साइक्‍तीक श्‍येत सोइक्‍नुङमी। गो साइक्‍चा कली तरवार, कीशा लाइक्‍चा कली कुचुम, दाक्‍पाइक्‍चा कली नु खतम सेल्‍चा कली सरीङ ङा चिक्‍ब नु रागी ङा जन्‍तु सोइक्‍नुङमी। इजीकीएल १४:२१; येरमीया ७:३३

येरमीया 16:4

“मेकोपुकी मसाब रोइम बेक्‍नीम। मेको आन पर्बम सुइम रोंका मपाइनीम। मेको आन कली सुइम मथिम्‍नीम। मेकोपुकी खपीम मोव़ल खोदेंशो पा बाक्‍नीम। मेको तरवार नु अन्‍कालम बेक्‍नीम। आन बेक्‍शो रां सरीङ ङा चिक्‍ब नु रागी ङा जन्‍तु आन ब्‍वतीक थोव़क दुम्‍नीम” देंत। येरमीया ९:२१

येरमीया 25:33

मेको नाक्‍ती परमप्रभु यावे आ साइश्‍शोपुकी रागी आ सुर का रे अर्को सुर सम्‍म बाक्‍नीम। मेको आन पर्बम सुइ रोंका मपाइनीम। मेको बेक्‍शो मुर आन कली सुइमी खुप्‍शा मथिम्‍नीम। मेको आन कली सुइम मथिम्‍नीम। मेकोपुकी खपीम मोव़ल खोदेंशो दुम्‍नीम। येरमीया ९:२१

येरमीया 34:20

आन जोरी सत्रु आन गुइम नु आन कली साइक्‍चा माल्‍ब आन गुइम गेचा पुंइसीनीम। मेको आन बेक्‍शो रां सरीङ ङा चिक्‍ब नु रागी ङा जन्‍तु आन ब्‍वतीक दुम्‍ब। येरमीया ७:३३

सेफन्‍याह 1:17

गो मुर आन कली शुश श्‍येत गे‍नुङ। मिनु मेको मिक्‍च मताइब खोदेंशो पा गाक्‍नीम। मारदे हना मेकोपुकीम परमप्रभु यावे आ ङोंइती पाप पाम्‍तेक्‍म। मेको आन हुश फुरक खोदेंशो नु श्‍ये ख्री खोदेंशो पा ताइक्‍नीम।

मत्ती 23:35

मेको मोपा खेदा पा साइश्‍शो पाप नेल्‍ल इन कली राइब। साइ नेसी रिम्‍शो पाइब हाबील साइश्‍शो रे बेरेक्‍याह आ तौ जकरिया साइश्‍शो सम्‍म ङा आन हुशेमी लां मताइनीनी। जकरिया कली परमप्रभु यावे आ खिंमी चढ़ेतीके आ ङोंइती साइश्‍शो बाक्‍मा बाक्‍त। उत्‍पत्ती ४:८; २इतिहास २४:२०-२१

रोमी 8:36

श्‍येत जचा आ पर्बम “इन नें आ पर्बम साइक्‍चा पुंइसीन सीन बाक्‍नीकी। क्‍योरचा चिक्‍शो भेडा खोदेंशो दुम्‍तक” दे ब्रेक्‍शो बाक्‍ब। भजन संग्रह ४४:२२; २कोरिन्‍थी ४:११

प्रकाश 11:9

मिनु थर नेल्‍ल ङा, जात नेल्‍ल ङा, आंम आंम लोव़ पाइब नु रागी रागी ङा मुर नेल्‍लेमी मेको आस बेक्‍शो रां नाक्‍त सां नु आधा मेकेर बाक्‍त। मुरपुकीमी मेको आस कली तुरसुमी वोइक्‍चा मगेमे।

प्रकाश 16:6

रागी ङा मुरपुकीमी इन योव़शो मुर नु इन लोव़ पाइब आन कली क्‍योरशा, आन हुश शाइक्‍पाइश्‍शा साइक्‍तेक्‍म। मिनु गे मेको रागी ङा मुर आन कली हुश तूपाइक्‍तीनी। मार पामे, मेको ताम्‍तेक्‍म” देंशो नेंता।

प्रकाश 17:6

मिनु गो मेको मीश मुर कली परमप्रभु यावे आ योव़शो मुर नु येसु आ सांकछी आन हुशेमी दुक्‍शो ताता। मेको कली तङानु, गो शुश छक लाक्‍ती। प्रकाश १८:२४

प्रकाश 18:24

मिनु मेको सहर ङा मुरपुकीमी परमप्रभु यावे आ लोव़ पाइबपुकी नु परमप्रभु यावे आ योव़शो मुर आन कली साइश्‍शो बाक्‍तेक्‍म। नेल्‍ल रागी ङा सु सु मुर साइश्‍शो बाक्‍मा, मेको सहरमी साइश्‍शो बाक्‍तेक्‍मे” दे परमप्रभु यावे आ स्‍वर्ग ङा गेय पाइबमी देंत। प्रकाश ६:१०; प्रकाश १७:६