भजन संग्रह 78:10 - Sunuwar Bible

¹⁰ मेकोपुकीमी परमप्रभु आ कबल पशो मटीम। मिनु मेको आ अरेशो लोव़ मटीम।

भजन संग्रह 78:10 ပူးပေါင်းရင်းမြစ်များ

नेहेम्‍याह 9:17

इन कली टिने मबिस्‍सम। आन दातेमी पशो इन चिन्‍ड नु छक लाक्‍चा ङा गेय ममिम्‍शो बाक्‍तेक्‍म। मेकोपुकी इन देंशो मटीब दुम्‍शो बाक्‍तेक्‍म। मिनु आन काइ मटितीकेमी इजीप्‍त रागी लेश्‍शा लशा, लेंशा वाइलीम वाइल दुम्‍चा कली थुंम वोइश्‍शो बाक्‍तेक्‍म। गे चहिं आंइ मरिम्‍शो पशो क्‍याम्‍शा गेब परमप्रभु बाक्‍नीनी। शिशी पाइब नु गेना हना यो दाक्‍ब बाक्‍नीनी। गे ओंखां पा चुरब बाक्‍शा, गेना हना यो दाक्‍तीके पाइश्‍शो बाक्‍नीनी। मोपतीके गे इन मुर आन कली दाक्‍शा मप्रोंइ‍नी। प्रस्‍थान ३४:६

प्रस्‍थान 16:28

मिनु परमप्रभु यावेमी मोसा कली “गेपुकी आं शेंशो नु आं अरेशो गेना सम्‍म मटीनीनी?

येरमीया 31:32

मेको कबल मेको आन किकी पिपी आन कली इजीप्‍त रे ग्रुंइची ना पशो कबल खोदेंशो ममाइ। गो मेको आन वोंइश खोदेंशो बाक्‍ती हना यो, मेकोपुकीमी मेको कबल मखबेम।

इजीकीएल 20:21

तन्‍न मेको आलपुकी आं कली मटीब दुम्‍तेक्‍म। मेकोपुकीम आं फुल्‍लुम मुशा ब्रेक्‍शो लोव़म मटीम। मिनु आं निसाफ पतीक लोव़ होस पा मपाम। मेको टिशा पाइब मुर मेको रे ब्रोंइनीम। मेकोपुकीम आं नाइक्‍तीक नाक्‍ती ग्रांग्रा दिशो सेल्‍तेक्‍म। मिनु एको गोरशो रागीमीन आं चुरशो आन तारी मोइश्‍शा, मेको आं गाइश्‍शा पशो गेय कोंइनुङ।

ब्‍यवस्‍था 31:16

मिनु परमप्रभु यावेमी मोसा कली “गे इ किकी पिपी नु बाक्‍चा चिक्‍शो बाक्‍नेवे। गे बेक्‍ङे नोले मेको मुर आन लशो रागीम जाक्‍दीश्‍शा, मेको रागी ङा आन मतुइश्‍शो देवी देवता आन कली खोइक्‍नीम। आं कली प्रोंइशा, गो नु पशो कबल क्‍याम्‍नीम।

ब्‍यवस्‍था 31:20

गो मेको आन किकी पिपी आन कली गेनुङ, दे कसम जशो दूध नु खुदो शुश बाक्‍शो रागी मेको आन कली गेनुङ। मिनु मेकोपुकी जशा ब्‍वशा, रूशा दोम्‍नीम। मिनु मेकोपुकीमी देवी देवता खोइश्‍शा, मेको आन गेय पाइनीम। आं कली चहिं आइक्‍च सेल्‍नीम गो नु आं कबल क्‍याम्‍नीम।