भजन संग्रह 76:6 - Sunuwar Bible

⁶ याकूब आ परमप्रभु, इन हुइश्‍शोमी शारा नु शारा ङोइक्‍ब निम्‍फा बेक्‍ताक्‍स।

भजन संग्रह 76:6 ပူးပေါင်းရင်းမြစ်များ

२ सामुएल 10:18

तन्‍न इस्राएलीपुकीम मेको आन कली प्रोक्‍पदमे बाक्‍त। मेकेर दाऊदमी ७ सहे बग्‍गी ङोइक्‍ब नु ४० हजार शारा ङोइक्‍ब अरामी आन कली सदा बाक्‍त। लडाइ पाइब आन ठेयब मुर शोबाक कली बेक्‍चा ङा पा गार सेला बाक्‍त। मिनु मेको लडाइ पतीकेमीन बेक्‍माक्‍त।

२ राजा 19:35

मिनु मेको नाक्‍दो परमप्रभु यावे आ स्‍वर्ग ङा गेय पाइब का जाक्‍माक्‍त। मिनु मेकोमी अस्‍सुर ङा पिप आ लडाइ पाइब आन बाक्‍तीकेम ओव़शा, लाख का ८५ हजार मुर आन कली साइक्‍मी बाक्‍त। मिनु आ दीसा सुनी मुरपुकी बोक्‍मानु मेकेर बेक्‍शो मुर ला तामे बाक्‍त। यसैया ३७:३६-३८

२ इतिहास 32:21

मिनु परमप्रभु यावेम आ स्‍वर्ग ङा गेय पाइब का अस्‍सुर ङा पिप आ बाक्‍तीकेम सोइश्‍शा, आ बोल्‍यो लडाइ पाइबपुकी, आ कप्‍तानपुकी नु आ ठेयब मुरपुकी नेल्‍ल साइक्‍पदा बाक्‍त। मिनु सन्‍हेरीब मुने दोक्‍शा आ रागी लेम्‍माक्‍त। मिनु मेको आ देवता थान ओव़मेनु, आ तौ का निक्‍शीमी तरवारम क्‍योरशा सदमे बाक्‍त।

भजन संग्रह 104:7

गे हुइक्‍तीनीनु, मेको प्रोक्‍ब। इन बुंबु पशो सेंदामी मेको दोरोर पा लाइब।

भजन संग्रह 18:15

परमप्रभु यावे इन हुइक्‍तीकेमी नु इन नें रे ग्रूशो सोक्‍तमी समुन्‍द्र नु रागी आ जग ग्रूत।

भजन संग्रह 80:16

आंइ जोरी सत्रुमी मेको कली तुल्‍शा, मीम चोम्‍तेक्‍म। मेकोपुकी इन हुइश्‍शोमी खतम दुम्‍मल। इजीकीएल १५:२-४

प्रस्‍थान 15:1

मिनु नोले मोसा नु इस्राएलीपुकीमी परमप्रभु यावे कली कुम्‍सो पाम्‍तेक्‍म। “गो परमप्रभु यावे कली कुम्‍सो पाइनुङ। मारदे हना मेकोमी आ ठेयब सक्ति कोंइशा, ग्रात। शारा नु शारा ङोइक्‍ब आन कली समुन्‍द्रमी ताइक्‍ताक्‍व। प्रकाश १५:३

प्रस्‍थान 15:10

गे चहिं फश पपाइक्‍तीनी। मिनु समुन्‍द्रमी मेको आन कली सुम्‍तीमी। मेकोपुकी फलाम खोदेंशो पा ठेयब समुन्‍द्रम ग्रुम्‍तेक्‍म।

प्रस्‍थान 15:21

मिरयामम मेको आन कली कुम्‍सो पा लोव़ लेश्‍शा “परमप्रभु यावे कली कुम्‍सो पने। मारदे हना मेकोम ठेयब लडाइ पा ग्रात। शारा नु शारा ङोइक्‍ब आन कली समुन्‍द्रम ताइक्‍ताक्‍व” दे कुम्‍सो पाप्‍तु।

यसैया 37:36

मिनु परमप्रभु यावे आ स्‍वर्ग ङा गेय पाइब का अस्‍सुर ङा मुर आन बाक्‍तीकेम लशा, लाख का ८५ हजार जना मुर सदा बाक्‍त। मिनु मुरपुकी सुनी बोक्‍शा कोव़ङमेनु, बेक्‍शो मुर ला ताम्‍तेक्‍म। यसैया १७:१४; यसैया ३१:८

येरमीया 51:39

नोले मेकोपुकी बोक्‍शा, मार मार माल्‍मेनु, गो मेको आन कली तूतीक ख्रेत्‍नुङ। मिनु गो मेको आन कली रिश्‍शा ग्‍यारशा मपामे सम्‍म दुक्‍पाइक्‍नुङमी। मिनु गेना हना यो कली इप्‍नीम। मिनु गेनायो मसेंसीनीम” दे परमप्रभु यावेमी देंत।

येरमीया 51:57

गो मेको आ सरकार ङा गेय पाइब, जोक्‍ब तुइक्‍ब, मेको आ हुकुम पाइब, नु आ लडाइ पाइब नेल्‍ल आन कली दुक्‍पाइक्‍नुङमी। मिनु मेकोपुकी गेना हना यो कली इप्‍नीम। लेंशा मबोक्‍नीम” दे पिपम देंत। मेको पिप आ नें मुर नेल्‍ल आन परमप्रभु यावे बाक्‍ब।

इजीकीएल 39:20

गेपुकी आं भोजम शारा, बग्‍गी ङोइक्‍ब, सक्ति पाइश्‍शो मुर नु नेल्‍ल खाल ङा लडाइ पाइब ब्‍वशा रूनीनी’ ” दे परमप्रभु, परमप्रभु यावेमी देंत।

नहुम 1:6

परमप्रभु यावे गाइक्‍तानु, मेको आ ङोंइती सु राप्‍ने चाप्‍‍बा ङा? मेको आ चुरशो सुम फाल्‍ने चाप्‍बा ङा? मेको आ गाइश्‍शो मी खोदेंशो पा ब्राइब। मिनु मेकोमी सेरथे फुल्‍लु आन कली प्रोल्‍ब।

नहुम 2:13

मिनु मुर नेल्‍ल आन परमप्रभु यावेमी “गो इ कली काइ मदाक्‍थु, इ पर्बम बोक्‍ती। गो इ बग्‍गी चोशा गेनन। मिनु गुप्‍स आ चाइक्‍ब खोदेंशो इ तमी तौ तरवारमी साइक्‍चा पुंइसीनीम। इ रोइश्‍शो, इ साइश्‍शो रागी रे ग्रुंइनुङ। मिनु इ लोव़ कुरब मुर आन सेंदा मनेंसीब” देंशो बाक्‍ब।

नहुम 3:18

अस्‍सुर ङा पिप, इ गोठलापुकी इप्‍शो बाक्‍नीम। इ ठेयब मुरपुकी नाइश्‍शा गोल्‍शा बाक्‍शो बाक्‍नीम। इ मुर नेल्‍ल डांडाम ब्रशो बाक्‍नीम। मिनु मेको आन कली खुप्‍ब सुइ मबाक्‍नीम।

जकरिया 12:4

मेको नाक्‍ती गो शारा नेल्‍ल आन कली शुश हिंपाइक्‍नुङ। मिनु शारा ङोइक्‍ब आन कली निप्‍स ग्‍यशो सेल्‍नुङ। गो यहूदा आ खिं ङा मुर आन कली कोव़नुङ। मिनु आन जोरी सत्रु आन शारा मिक्‍च मताइब सेल्‍नुङ।

१ सामुएल 26:12

मिनु दाऊदम मेको आ पिया आ नेक्‍था बाक्‍शो तूतीक नु आ ब्‍वाक्‍क तूतीक कुरशा गाक्‍सा बाक्‍त। सुइमी मेको आस कली मतामे बाक्‍त। मिनु सुइ मसेंसीमा बाक्‍त। मारदे हना परमप्रभु यावेम मेको आन कली मारेइ मतुइक्‍चा ङा पा निन्‍द्रा पपदा बाक्‍त। उत्‍पत्ती १५:१२