भजन संग्रह 76:12 - Sunuwar Bible

¹² मेकोमी सासन पाइब आन ठेयब लेत्‍तीके फस पोक्‍ब। मेको रागी ङा पिप आन कली हिंपाइक्‍ब बाक्‍ब।

भजन संग्रह 76:12 ပူးပေါင်းရင်းမြစ်များ

२ इतिहास 32:21

मिनु परमप्रभु यावेम आ स्‍वर्ग ङा गेय पाइब का अस्‍सुर ङा पिप आ बाक्‍तीकेम सोइश्‍शा, आ बोल्‍यो लडाइ पाइबपुकी, आ कप्‍तानपुकी नु आ ठेयब मुरपुकी नेल्‍ल साइक्‍पदा बाक्‍त। मिनु सन्‍हेरीब मुने दोक्‍शा आ रागी लेम्‍माक्‍त। मिनु मेको आ देवता थान ओव़मेनु, आ तौ का निक्‍शीमी तरवारम क्‍योरशा सदमे बाक्‍त।

भजन संग्रह 2:10

मोपतीके गे पिपपुकी, जोक्‍ब तुइक्‍ब दुम्‍शा बाक्‍कीन। गे निसाफ पाइब हिंशा, होस पा रुप्‍ब दुमीन।

भजन संग्रह 2:5

मिनु नोले मेको गाइश्‍शा, लोव़ पाइब। मोपा चुरशा, मेको आन कली हिंच कोंइब। यसैया ३४:२; प्रकाश ६:१५-१७

भजन संग्रह 47:2

मारदे हना परमप्रभु यावे, नेल्‍ल क्‍येङा ठेयब नु हिंचा ङा बाक्‍ब। मेको रागी नेल्‍ल ङा ठेयब पिप बाक्‍ब।

भजन संग्रह 50:14

गे आं कली ‘गे रिम्‍शो पाइब बाक्‍नीनी’ देनीन। मिनु नेल्‍ल क्‍येङा ठेयब, आं कली इन कसम जशो खपीन। योना २:१०

भजन संग्रह 68:12

लडाइ पाइब आन पिप हिंशा दाम दाम पा प्रोक्‍नीम। मिनु मीश मुरपुकीमी मेको प्रोक्‍ब आन प्रोंइशो मारेइ मारेइ योक्‍सीनीम।

भजन संग्रह 68:35

परमप्रभु, इन बाक्‍तीकेमी हिंचा ङा बाक्‍नीनी। इस्राएली आन परमप्रभुम आ मुर आन कली सक्ति नु बोल गेब। परमप्रभु ठेयब बाक्‍ब।

यसैया 24:21

मेको नाक्‍ती परमप्रभु यावेमी स्‍वर्गम बाक्‍ब सक्ति पाइश्‍शो आन कली सजाइ गेब। मिनु रागी कली सासन पाइब पिप आन कली सजाइ गेब। दानीएल १०:१३; येरमीया ४६:२५

लेवी 23:38

मेको क्‍येङा परमप्रभु यावे आ नाइक्‍तीक नाक्‍ती ङा, इन दाक्‍शा गेतीक थोव़क, इन कबल पशो गेतीक थोव़क नु इन ग्‍येरशा गेशो थोव़क परमप्रभु यावे कली चढ़ेचा माल्‍नीनी।

सेफन्‍याह 3:6

गो रागी रागी ङा मुर आन कली खतम पोक्‍ता। मेको आन ब्रोंइशा बाक्‍तीक खिं प्रेश्‍शा गेता। मेको आन लां नेल्‍ल श्‍येत्‍थ सेल्‍ता। मेकेर रे सुइ मगाक्नीम। मेको आन सहरपुकी श्‍येत्‍थ बाक्‍नीम। मेकेर सुइ मुर मबाक्‍नीम।

यहोसु 5:1

मिनु यर्दन आइक्‍ची हांबु पच्‍छिम गे ङा एमोरी आन पिप नेल्‍ल नु ठेयब समुन्‍द्र आ नेक्‍था ङा कनानी आन पिप नेल्‍लेमी “परमप्रभु यावेमी इस्राएली आन ङोंइती यर्दन खोला मशोक्‍सीमा सम्‍म सोव़पाइक्‍तु” दे नेंशा, मेकोपुकी इस्राएली आन कली तशा, साप्‍पा हिंशा आन थुं लुक्‍च लत। यहोसु ३:१६; यहोसु २:२४

प्रकाश 6:15

मेना रागी ङा पिपपुकी नु ठेयब मुरपुकी, फौज ङा कप्‍तानपुकी, शोंप पाइश्‍शो नु बोल्‍यो मुरपुकी, वाइलीम वाइल नु मुर नेल्‍ल पहाड ङा सेरथे फुल्‍लु नु पुक्‍खीमी ख्रुंइ‍साक्‍म। यसैया २:१०,१९