भजन संग्रह 74:3 - Sunuwar Bible

³ मिनु गे इन ब्रेश्‍शो खिं कली कोव़थ लने। इन जोरी सत्रुमी इन खिं मोदेंशो पा खतम पोक्‍तेक्‍म।

भजन संग्रह 74:3 ပူးပေါင်းရင်းမြစ်များ

२ राजा 25:9

मिनु मेकोमी परमप्रभु यावे आ खिं, पिप आ दरवार, यरूसलेम सहर ङा खिं नेल्‍ल नु ठेयब खिं नेल्‍ल मी सुइक्‍ता बाक्‍त।

नेहेम्‍याह 1:3

मिनु मेकोपुकीमी आं कली “ग्‍याइक्‍चा मपुंइसीशो मेक उइ लीशोपुकीम शुश श्‍येत जशा, खेदा पचा पुंइसीना सीन बाक्‍नीम। यरूसलेम ङा गारो ब्रेश्‍शो बाक्‍ब। मेकेर ङा ठेयब लाप्‍चोपुकी मीम दुप्‍शो बाक्‍नीम” देंतेक्‍म। २इतिहास ३६:१९

नेहेम्‍याह 2:13

मेको नाक्‍दो गो बेंसी लाप्‍चो रे ठेयब बुस्‍स माइश्‍शो ब्‍वाक्‍कु बुक्‍तीके नु मोव़ल लाप्‍चो गे लती। मिनु यरूसलेम ङा ब्रेश्‍शो गारो नु मीम दुप्‍शो ठेयब लाप्‍चोपुकी कोव़तामी।

नेहेम्‍याह 2:3

मिनु “हजुर, गेना हना यो ब्रोंइशा बाक्‍कीन। आं किकी पिपी आन कली थिम्‍शो सहर, खतम दुम्‍शो बाक्‍ब। मिनु गारो ङा ठेयब लाप्‍चो मीम दुप्‍शो बाक्‍नीम। मिनु गो दोपा सुर्ता मपाइनुङा ङा?” देंती।

भजन संग्रह 44:23

बोक्‍कीन, परमप्रभु, गे मारदे इप्‍नीनी? सेंसीने। आंइ कली मो पा मप्रोनीने।

भजन संग्रह 44:26

बोक्‍कीन। मिनु आंइ कली वारच पने। इन गेना हना यो दाक्‍तीकेमी आंइ कली एको श्‍येत रे प्रोंइकी।

भजन संग्रह 79:1

परमप्रभु, रागी रागी ङा मुरपुकी इन योव़शो रागीम जाक्‍तेक्‍म। मेकोपुकीमी इन खिं कली ग्रांग्रा दिशो सेल्‍तेक्‍म। यरूसलेम कली प्रेश्‍शा, फुल्‍लु देल्‍शो खोदेंशो सेल्‍तेक्‍म।

यसैया 10:6

गो अस्‍सुर कली आं कली मटीब रागी कली लडाइ पथ सोइक्‍नुङ। अस्‍सुर कली आं कली गाइक्‍पाइक्‍ब मुर नु सोइक्‍नुङ। मारेइ मारेइ रोइक्‍पाइक्‍चा कली सोइक्‍नुङ। मिनु मेको आन कली लांम दिम्‍पाइक्‍चा कली सोइक्‍नुङ।

यसैया 25:10

मारदे हना परमप्रभु यावे आ गुइ मेको डांडा तार बाक्‍ब। मिनु मोआब रागी ङा मुर आन बाक्‍तीके दिम्‍चा पुंइसीनीम। मेको नेल्‍ल मोव़ल वोइक्‍तीके खोदेंशो पा दिम्‍चा पुंइसीनीम।

यसैया 61:4

मिनु मेकोपुकीमी साइ ङोंइती खतम दुम्‍शो ब्रेश्‍शो माइत खिंपुकी लेंशा सेल्‍नीम। मेकोमी ब्रेश्‍शो सहर लेंशा सेल्‍नीम। मिनु शुश पाला रे मुर मबाक्‍थु, श्‍‍येत्‍थ दुम्‍शो सहर लेंशा सेल्‍नीम। यसैया ५८:१२

येरमीया 52:13

मिनु मेकोमी परमप्रभु यावे आ खिं, पिप आ दरवार नु यरूसलेम ङा खिं नेल्‍लेम मी सुइक्‍ताक्‍व। मेकोमी ठेयब खिं नेल्‍लेम मी सुइक्‍ताक्‍व।

बिलाप 1:10

आ जोरी सत्रुमी आ शोंप नेल्‍ल रोइक्‍ताक्‍यीमी। गे मेको आन कली इन बाक्‍‍तीके खिंम ओव़चा मगेतीनी हना यो, यरूसलेममी रागी रागी ङा मुर इन खिं ओव़चा ताम्‍तेक्‍म। येरमीया ५२:१७-१९; ब्‍यवस्‍था २३:४

दानीएल 11:31

मिनु मेको पिप आ सोइश्‍शो लडाइ पाइबपुकीमी परमप्रभु यावे आ खिं नु दरवार कली ग्रांग्रा दिशो सेल्‍नीम। मिनु मेकोपुकीमी नाक्‍त किंत किंत चोशा चढ़ेतीक गेय तेक्‍नीम। मिनु मेकेर ग्रांग्रा दिचा ङा मार मार थोव़क वोइक्‍नीम। दानीएल ९:२७

दानीएल 9:17

मोपतीके आंइ परमप्रभु, इन गेय पाइब, आं देंशो नु पुंइशो लोव़ नेनीने। मिनु इन नें आ पर्बम इन ब्रेश्‍शो बाक्‍तीके कली लेंशा शिशी पा कोव़ङीन।

दानीएल 9:27

मेकोमी हप्‍ता का सम्‍म शुश मुर नु कबल पाइब। मिनु आधा हप्‍तामी चढ़ेतीक नेल्‍ल तेक्‍ब। मिनु मेकोमी चढ़ेतीक आ पा ङा शुश ग्रांग्रा दिचा ङा गेय पाइब। मेको कली खतम सेल्‍तीक लोव़ मग्रूम सम्‍म मोदेंशो पाइ‍ब” देंत। दानीएल ८:११; दानीएल ११:३१; दानीएल १२:११; मत्ती २४:१५; यसैया १०:२२-२३

मीका 1:3

लो कोव़ङीन, परमप्रभु यावे आ बाक्‍तीक रे जाक्‍ना जाक्‍न बाक्‍ब। मेको यीब नु रागी ङा लाइश्‍शो डांडाम गाक्‍ब। आमोस ४:१३

मीका 3:12

मोपा इन पतीके सियोन वाक्‍शो रू दुम्‍ब। यरूसलेम ब्रेश्‍‍शो खिं ङा फुल्‍लु देल्‍तीके दुम्‍ब। परमप्रभु यावे आ खिं ङा डांडा ब्‍वाकी दुम्‍शो बाक्‍ब” देंत। भजन संग्रह ७९:१; येरमीया ९:१०; येरमीया २६:१८

मर्कूस 11:17

“जात जात ङा मुरपुकीमी एकेर प्रार्थना पामेक्‍ल दे आं खिं वोइश्‍शो बाक्‍त दे ब्रेक्‍शो बाक्‍बा, ममाइ ङा? गेपुकीमी चहिं खुइपुकीमी खुइ पा चाक्‍शा आन बाक्‍तीके पुक्‍खी सेल्‍तीनी” दे हुइक्‍तीमी बाक्‍त। यसैया ५६:७; येरमीया ७:११

लूका 21:24

कोइ तरवारम बेक्‍नीमी। कोइ ग्‍याइश्‍शा अर्को रागीम लाइक्‍चा पुंइसीनीम। मिनु आन नाक्‍त मजाक्‍दीम सम्‍म अर्को जात ङा मुरपुकीमी यरूसलेम कली दिप्‍‍शा वोइक्‍नीम। यसैया ६३:१८; प्रकाश ११:२; रोमी ११:२५

यहोसु 10:24

मिनु मेको आन कली यहोसु आ बाक्‍तीक चाक्‍ग्‍मे नोले, यहोसुमी इस्राएली नेल्‍ल आन कली खुप्‍शा, लडाइ पाइब आन ठेयब मुर आन कली “एको पिप आन शुरमी इन खोइलीमी दिम्‍दीन” देंत। मिनु मेकोपुकीमी जाक्‍शा, आन खोइलीमी मेको पिप आन शुर दिम्‍ताक्‍म।

प्रकाश 11:2

मिनु परमप्रभु यावे आ खिं ङा लाङगा रागी रागी ङा मुर आन कली गेशो बाक्‍त। मेको मपुक्‍को। मेकोपुकीमी परमप्रभु यावे आ योव़शो सहर ४२ महिना सम्‍म खोइलीमी दिप्‍शा ताइश्‍शा बिग्रेनीम” देंत। लूका २१:२४