भजन संग्रह 74:21 - Sunuwar Bible

²¹ दिप्‍चा पुंइसीब आन कली मुने दोक्‍चा मगेने। प्रुङग नु श्‍येत जाइबपुकीमी इन नें ठेयब सेल्‍मेक्‍ल।

भजन संग्रह 74:21 ပူးပေါင်းရင်းမြစ်များ

एज्रा 3:11

मिनु मेकोपुकीमी पालो पालो पा कुम्‍सो पाम्‍तेक्‍म। परमप्रभु यावे कली ठेयब सेल्‍ना सेल्‍न “गे रिम्‍शो पाइब बाक्‍नीनी” दे मान पा कुम्‍सो पाम्‍तेक्‍म। मेकोपुकीमी “परमप्रभु यावे रिम्‍शो पाइब बाक्‍ब, नु आ गेना हना यो दाक्‍तीक इस्राएली नु ली‍ब” दे कुम्‍सो पाम्‍तेक्‍म। परमप्रभु यावे आ खिं ङा जग वोइश्‍शो बाक्‍तीके मुर नेल्‍लेमी ठेयब सेंदा पा परमप्रभु यावे कली ठेयब सेल्‍तेक्‍म। २इतिहास ५:१३; भजन संग्रह ११८:१

भजन संग्रह 103:6

परमप्रभु यावेमी दिप्‍चा पुंइसीशो नेल्‍ल आन कली वारच पा ठीक निसाफ पाइब।

भजन संग्रह 109:22

गो प्रुङग नु श्‍येत जाइब दुम्‍ती। मिनु आं थुं खाइश्‍शो बाक्‍ब।

भजन संग्रह 12:5

परमप्रभु यावेमी “गो प्रुङग आन कली दिप्‍शो ताता। श्‍येत जाइब आन ङाक्‍शो नेंता। मोपतीके गो मुल बोक्‍नुङ, मेको आन कली श्‍येत मजतीकेम वोइक्‍नुङ” देंब।

भजन संग्रह 35:10

मिनु गो आं रां नेल्‍लेमी “परमप्रभु यावे, इन खोदेंशो सु बाक्‍बा?” देंनुङ। गे मचाप्‍ब नु श्‍येत जाइब आन कली बोल्‍यो मुर आ गुइ रे प्रोंइनीनी।

भजन संग्रह 9:18

परमप्रभुमी श्‍येत जाइब आन कली मप्रेंब। मिनु प्रुङग आन आस पशो गेना हना यो मिम्‍ब। भजन संग्रह २२:२५; भजन संग्रह १०:१७

यसैया 45:17

तन्‍न परमप्रभु यावेमी इस्राएल कली श्‍येत रे प्रोंइब। मेको गेना हना यो लीब श्‍येत रे प्रोंइतीकेमी बाक्‍ब। गे गेना हना यो मुने मदोक्‍थु, इन कुल मकिक्‍पाइक्‍नीनी।

येरमीया 33:11

थुं नाइश्‍शा बाक्‍तीक, ग्‍येरशो सेंदा, ग्‍युम्‍ली ग्‍युम्‍ले आन सेंदा, कुम्‍सो पशो सेंदा नु परमप्रभु यावे आ खिंम, गे रिम्‍शो पाइब बाक्‍नीनी’ देंशा सेंदा लेंशा नेंसीब। मुर नेल्‍ल आन परमप्रभु यावे कली ‘परमप्रभु यावे, गे शिशी पाइब बाक्‍नीनी’ देनीन। मारदे हना मेको रिम्‍शो पाइब बाक्‍ब। मेको आ दाक्‍तीक गेना हना यो बाक्‍ब। गो रागी ङा मुर आन कली ङोंइती ङा खोदेंशो पा थुं नाइक्‍चा गेनुङ” दे परमप्रभु यावेम देंत। येरमीया ७:३४; एज्रा ३:११; बजन संग्रह १०६:१