भजन संग्रह 74:15 - Sunuwar Bible

¹⁵ ब्‍वाक्‍कु बुक्‍पाइक्‍ब नु खोल्‍सा सेल्‍ब गे बाक्‍नीनी। मिनु गे गेना हना यो यिस ङा यिस बाक्‍ब ठेयब खोला आन कली सोव़पाइक्‍तीनी।

भजन संग्रह 74:15 ပူးပေါင်းရင်းမြစ်များ

२ राजा 2:14

मिनु मेकोमी एलीया आ फेक्‍शो वामी ब्‍वाक्‍कु तुप्‍शा “परमप्रभु यावे, एलीया आ परमप्रभु ते बाक्‍म?” देंमाक्‍त। मिनु ब्‍वाक्‍कु तुबा बाक्‍त। मिनु ब्‍वाक्‍कु ग्‍युरा गे नु पेरा गे ब्रामेनु, मेको ओंथ हांबु शोक्‍से बाक्‍त।

२ राजा 2:8

मिनु एलीयामी आ फेक्‍शो वा प्रुइश्‍शा ओल्‍शा यर्दन खोला ङा ब्‍वाक्‍कु तुबा बाक्‍त। मिनु ब्‍वाक्‍कु ग्‍युरा गे नु पेरा गे ब्राशा, सोव़शो लां दुम्‍माक्‍त। मेको निक्‍शी आइक्‍ची हांबु मजाक्‍दीस्‍सा सम्‍म मोपा ब्राशा बाक्‍माक्‍‍त। प्रस्‍थान १४:२१-२२; यहोसु ३:१६

भजन संग्रह 105:41

मेकोमी सेरथे फुल्‍लु रे ब्‍वाक्‍क बुक्‍पदा बाक्‍त। मिनु मेको गोरशो रागीमी खोला खोदेंशो पा शांइसे बाक्‍त। प्रस्‍थान १७:६

भजन संग्रह 114:3

मोदेंशो दुम्‍शो तशा समुन्‍द्र प्रोक्‍त। यर्दन खोला दूली पा शाइक्‍त। प्रस्‍थान १४:२१-२२; यहोसु ३:१३,१६

भजन संग्रह 78:15

मेकोमी गोरशो रागीमी सेरथे फुल्‍लु कली प्रोल्‍शा ब्‍वाक्‍कु बुक्‍पाइक्‍तु। मिनु शुश ब्‍वाक्‍कु तूचा गेम्‍तीमी। प्रस्‍थान १७:६; गन्‍ती २०:७-११; ब्‍यवस्‍था ३२:१८

यसैया 11:16

अस्‍सुर ङा लीशो आ मुर इस्राएली आन कली जाक्‍चा कली ठेयब लां का दुम्‍ब। मेको लां इस्राएली इजीप्‍त रे ग्रूशा गाक्‍शो लां खोदेंशो दुम्‍ब। प्रस्‍थान १४:२९

यसैया 44:27

गो शुश लुक्‍च लशो ब्‍वाक्‍कु सोव़पाइक्‍नुङ। गो इ खोला आन कली सोव़पाइक्‍नुङ। यहोसु ४:२३

यसैया 48:21

मेकोमी मेको आन कली गोरशो रागीम लदानु, मेकोपुकी ब्‍वाक्‍कु तूतू मदाक्‍म। मारदे हना मेकोमी सेरथे फुल्‍लु रे ब्‍वाक्‍कु बुक्‍पाइक्‍तु। सेरथे फुल्‍लु प्रोलानु, शुश ब्‍वाक्‍कु ग्रूत।

हबकुक 3:9

गे इन लिब्रा ग्रुंइताक्‍नी। गे इन ब्रा ते देंनी मेक लत। गे खोला शाइक्‍‍तीकेमी रागी कली चेत्‍तीनी।

गन्‍ती 20:11

मिनु मोसामी आ गुइ क्‍युक्‍शा आ कोक्‍केमी निक्‍शी खेयप मेको सेरथे फुल्‍लु कली तुप्‍तु। मिनु मेकेर शुश ब्‍वाक्‍कु बुक्‍शा ग्रूत। मिनु मुरपुकी नु आन बी ब्‍यफ, क्‍यारश भेडामी तूतेक्‍म।

यहोसु 2:10

गे इजीप्‍त रागी रे ग्रूशा पिनीनु, परमप्रभु यावेमी इन ङोंइती लल समुन्‍द्र सोव़पाइक्‍तु। मिनु यर्दन आइक्‍ची हांबु ङा एमोरी आन पिप सीहोन नु ओग आस कली साइश्‍शा खतम सेल्‍शो लोव़ गोपुकीमी नेंतक। प्रस्‍थान १४:२१; गन्‍ती २१:२१-२६

प्रकाश 16:12

मिनु लेंशा अर्को परमप्रभु यावे आ स्‍वर्ग ङा गेय पाइबमी आ कुरशो डप्‍का युफ्रेटीस माइश्‍शो ठेयब खोलामी मोइक्‍तु। मिनु मेकोमी मोदानु, खोला ङा ब्‍वाक्‍कु सोव़त। मारदे सोव़त देंशा हना, नां दाप्‍तीके रे पीब पिप आन लां ठीक पचा कली सोव़त। यसैया ११:१५-१६