भजन संग्रह 74:14 - Sunuwar Bible

¹⁴ गे लेव्‍याथन आ पियापुकी प्रोल्‍तीनी। मिनु मेको कली गोरशो रागी ङा जन्‍तु आन कली ब्‍वचा गेतीनी। अय्‍युब ४०:२५

भजन संग्रह 74:14 ပူးပေါင်းရင်းမြစ်များ

अय्‍युब 3:8

नाक्‍त कली सराप चीले पाइ‍ब मुरुम, मेको नाक्‍ती कली सराप चीले पवल। मेकोम लेव्‍याथन कली पोक्‍चा कली ठीक दुम्‍शो बाक्‍ब।

भजन संग्रह 72:9

गोरशो रागी ङा मुरपुकी मेको आ ङोंइती बाम्‍मल। मिनु आ जोरी सत्रुमी फुरक तुक्‍गमेक्‍ल।

प्रस्‍थान 14:30

मोपा परमप्रभु यावेमी मेको नाक्‍ती इस्राएली आन कली इजीप्‍त रागी ङा लडाइ पाइब रे प्रोंइतीमी। मिनु इस्राएलीपुकीमी इजीप्‍त ङा मुर आन कली दिल दिल थिश्‍शा, समुन्‍द्र आ नेक्‍था बेक्‍शो ताम्‍तेक्‍म।

यसैया 27:1

मेको नाक्‍ती परमप्रभु यावेमी आ हिंचा ङा, ठेयब नु सक्ति पाइश्‍शो तरवारमी खेदा पना पन लेव्‍याथन माइश्‍शो बुस्‍स कली सजाइ गेब। ग्रेशा गाक्‍ब बुस्‍स लेव्‍याथन नु समुन्‍द्रम बाक्‍ब ठेयब जन्‍तु कली साइक्‍ब। भजन संग्रह ७४:१४

गन्‍ती 14:9

गेपुकी परमप्रभु यावे कली गन गन मपने। मिनु मेको रागी ङा मुर आन क्‍येङा महिनीन। मारदे हना गो मेको आन कली शोब्‍ले खोदेंशो पा नेक्‍नय। मेको आन कली प्रोंइब सुइ मबाक्‍नीम। परमप्रभु यावे गोपुकी नु बाक्‍ब। मेको आन क्‍येङा महिंनीन” देंताक्‍स। गन्‍ती १३:३२

प्रकाश 20:2

मिनु मेकोमी ठेयब बुस्‍स कली ग्‍याइश्‍शा पाइक्‍ताक्‍व। मेको ठेयब बुस्‍स आ नें मार बाक्‍त देंशा हना, साइ ङोंइती ङा बुस्‍स, दियाबलस नु सैतान मेको आ नें बाक्‍त। मिनु मेको परमप्रभु यावे आ स्‍वर्ग ङा गेय पाइबमी मेको कली हजार का बर्स सम्‍म पाइक्‍ताक्‍व। दियाबलस आ देंशो “मुर आन कली खाल्‍ब” बाक्‍ब। प्रकाश १२:९