भजन संग्रह 73:7 - Sunuwar Bible

⁷ मेको आन खकटा थुंम मरिम्‍शो पतीके बाक्‍ब। मेको आन थुं ङा मरिम्‍शो पतीके मिम्‍शा, मिम्‍ने मजाप्‍शो बाक्‍ब।

भजन संग्रह 73:7 ပူးပေါင်းရင်းမြစ်များ

एस्‍तर 3:11

मिनु पिपमी हामान कली “मेको चांदी नु मेको मुरपुकी इन केन बाक्‍नीम। गे मार दाक्‍नीनी मेको पने चाप्‍नीनी” देंत।

अय्‍युब 15:27

मारदे हना मेकोपुकी शुश जशा, दोम्‍शो बाक्‍नीम।

भजन संग्रह 119:70

मेको आन थुं थांइशो बाक्‍ब। तन्‍न गो इन अरेशो लोव़ तुइश्‍शा ग्‍येरसीशो बाक्‍नुङ।

भजन संग्रह 17:10

मेको आन थुं खकटा पा, ठेयब लेश्‍शो लोव़ ला पाइनीम।

भजन संग्रह 17:14

परमप्रभु यावे, इन गुइमी रागी दाक्‍ब मुर आन गुइ रे प्रोंइ‍यीनी। मेकोपुकी मबेक्‍मा सम्‍म रिम्‍शो ला ताइनीम। गे मेको आन कोव़ज ब्रोव़शो थोव़कम प्रिंनीनी। मेको आन तौपुकी यो रूथ्री जाइनीमी। मिनु आन लीशो मारेइ मारेइ आन तौपुकीम ताइनीम।

भजन संग्रह 73:12

परमप्रभु आ अरेशो मटीबपुकी मोदेंशो बाक्‍नीम। मेकोपुकी महिंथु, क्‍येट चेम्‍ना चेम्‍न बाक्‍नीम।

यसैया 3:9

मेको आन कुलमी आन मरिम्‍शो पशो तुइक्‍पाइक्‍ब। सोदोम ङा मुर खोदेंशो पा मेकोपुकीम आन पाप मख्रुइक्‍थु शोव़नीम। आबी, मेकोपुकीमी आंम कली ग्‍याइश्‍शा लाइक्‍चा पुंइसीब सेल्‍सीनीम। उत्‍पत्ती १९:५-९

येरमीया 5:28

मेकोपुकी दोम्‍शा लल जिशो नु शोंप पाइश्‍शो दुम्‍शो बाक्‍नीम। मेको आन परमप्रभु यावे आ अरेशो मटितीके कली तेक्‍तीक मारेइ मबाक्‍ब। मेकोपुकीम रोम रोइक्‍च आन कली रिम्‍शो दुम्‍ल, दे मेको आन कली ठीक निसाफ मगेनीम। मेकोपुकीमी क्‍येट मथीब आन कली वारच पा ठीक निसाफ मपाइनीम। प्रस्‍थान २२:२१; यसैया १:१७

इजीकीएल 16:49

इ लोक्‍ब सोदोम आ दोस मार बाक्‍त देंशा हना, मेको नु आ तमीपुकी ठेयब लेश्‍शा, शुश जशा ब्‍वशा, शोंप पाइश्‍शो दुम्‍शा बाक्‍तेक्‍म। मेकोपुकीम प्रुङग नु मारेइ मथीब आन कली वारच मपदेम।

१ सामुएल 25:2

माओनमी कारमेल ङा मुर का बाक्‍माक्‍त। मेको शुश शोंप पाइश्‍शो मुर बाक्‍माक्‍त। मेको के हजार सां भेडा नु हजार का क्‍यारश बाक्‍मा बाक्‍त। मेको कारमेलम आ भेडा आन ऊन प्रेक्‍शो बाक्‍माक्‍त। यहोसु १५:५५

१ सामुएल 25:36

मिनु अबीगेल लेश्‍शा जाक्‍मेनु, नाबालमी आ खिंमी, पिपम खोदेंशो पा ठेयब भोज सेल्‍शा भोज पशो तवा बाक्‍त। नाबाल ग्‍येरसीशा शांबुम दुक्‍शा बाक्‍शो बाक्‍माक्‍त। मेको थाम्‍पा दुक्‍शा बाक्‍तीके आ मीशेमी सुनी सम्‍म रिम्‍शो मरिम्‍शो मारेइ शेंने मचबा बाक्‍त।