भजन संग्रह 72:3 - Sunuwar Bible

³ मोदेंशो ठीक पतीके तशा, डांडा नु पहाड ङा रूपुकी अन्‍न ग्रेल्‍ब दुम्‍मल।

भजन संग्रह 72:3 ပူးပေါင်းရင်းမြစ်များ

भजन संग्रह 65:12

गोरशो रागी ङा बी ब्‍यफ योव़तीके गिग दुम्‍नीम। पहाड थाम्‍पा ग्‍येरसीशो बाक्‍नीम।

भजन संग्रह 72:16

मिनु रागी शुश अन्‍नम ब्रील। डांडा तार यो अन्‍न ग्रेल्‍ल। मिनु फल फुल लेबानोन ङा खोदेंशो पा सिल्‍ल। सहरम बाक्‍ब मुर घांस खोदेंशो पा सोशा बोशा शुश दुम्‍मल।

यसैया 45:8

सरीङ, रेउ यिपतो। ठीक पतीके रेउ खोदेंशो पा यिल। रागी रोक्‍सेक्‍ल, पाप रे प्रोंइतीके ठोसा खोदेंशो पा ग्रूब। मेको ठीक पतीके नु कालेमीन कोल्‍सल। मेको नेल्‍ल सेल्‍ब, गो, परमप्रभु यावे नङ।

यसैया 52:7

डांडा मेरे ग्‍येरपाइक्‍ब लोव़ शेंशा गाक्‍ब आन खोइली शुश रिम्‍शो बाक्‍नीम। मेकोपुकीमी थुं नाइक्‍चा आ पर्बम लोव़ शेंनीम। मेकोपुकी रिम्‍शो लोव़ पाइब बाक्‍नीम। पाप रे प्रोंइतीक शेंनीम। सियोन कली “इ परमप्रभुम सासन पाइब” देंनीम। यसैया ४१:२७; नहुम २:१; रोमी १०:१५

यसैया 60:17

मिनु गो कांसा आ पा ङा सुन चाक्‍नुङ। फलाम आ पा ङा चांदी चाक्‍नुङ। शी आ पा ङा कांसा नु फुल्‍लु आ पा ङा फलाम चाक्‍नुङ। मिनु गो थुं नाइक्‍तीके इ कली कोव़ब सेल्‍नुङ। ठीक पतीके इ ठेयब मुर सेल्‍नुङ।

दानीएल 9:24

इ मुर नु परमप्रभु आ सहर ७० हप्‍ता सम्‍म श्‍येत जचा माल्‍नीम। मिनु मे नोले मरिम्‍शो नु पाप पतीके नुप्‍ब। मेना अरेशो मटितीके क्‍याम्‍तीके गेय पशो बाक्‍ब। मिनु ठीक पतीके गेना हना यो लीब। मिनु मेको कोंइतीक नु परमप्रभु यावे आ लोव़ पाइब कली छाप थोक्‍शा नोले परमप्रभु आ बाक्‍तीक लेंशा सेल्‍शा तेल ख्रेक्‍नीम।

योएल 3:18

मेको नाक्‍ती डांडाम शुश अङगुर सित्‍नीम। मिनु पहाडम दूध शुश बाक्‍ब। यहूदा ङा खोला नेल्‍लेमी ब्‍वाक्‍कु शाइक्‍नीम। मिनु परमप्रभु यावे आ खिं रे पा ब्‍वाक्‍कु बुक्‍तीके शित्तीम ङा दिंम जिप्‍पाइक्‍ब। आमोस ९:१३; इजीकीएल ४७:१