भजन संग्रह 72:14 - Sunuwar Bible

¹⁴ मेको आन कली दिप्‍तीक नु हुश ख्राक्‍श पोक्‍तीक रे प्रोंइब। मारदे हना मेको आ ङोंइती हिक्‍सीशो बाक्‍नीम। भजन संग्रह ९:१३; भजन संग्रह ११६:१५

भजन संग्रह 72:14 ပူးပေါင်းရင်းမြစ်များ

उत्पत्ती 48:16

आं कली श्‍येत रे प्रोंइब परमप्रभु यावे आ स्‍वर्ग ङा गेय पाइबम एको वोंइश आल आस कली आसीक गेवल। मिनु एको आस पतीके आं नें नु आं किकी पिपी अब्राहाम नु इसहाक आस नें मप्रेंसेक्‍ल। एको निक्‍शी रे पा रागीमी शुश दुम्‍मल” दे आसीक गेम्‍सी बाक्‍त। उत्‍पत्ती ३२:२५-३०; यसैया ४१:१४

२ सामुएल 23:17

मेकोमी “परमप्रभु यावे आ नेंमी गो एको ब्‍वाक्‍कु मतूनुङ। मार, गो एको मुर आन हुश तूनुङा? एकोपुकीम एको ब्‍वाक्‍कु हेररा आन गिंम सोइक्‍चा ङा पा लशा चाक्‍तेक्‍म” देंमाक्‍त। मोपतीके दाऊदमी मेको ब्‍वाक्‍कु मतूङा बाक्‍त। मेको बोल्‍यो लडाइ पाइब सां आन ठेयब गेय मेकोन बाक्‍त।

२ सामुएल 4:9

मिनु दाऊदमी बेयरोथ सहर ङा रिम्‍मोन आ तौ रेकाब नु बानाह आस कली “परमप्रभु यावे ब्रोंइशा बाक्‍शो खोदेंशो पा, मेकोमी आं कली आं श्‍येत नेल्‍ल रे प्रोंइती।

भजन संग्रह 116:15

परमप्रभु यावे आ मुर बेक्‍चा मेको कली थम ठेयब बाक्‍ब। भजन संग्रह ७२:१४

भजन संग्रह 130:8

मिनु मेकोमी इस्राएली आन कली आन मरिम्‍शो पशो नेल्‍ल रे प्रोंइब। मत्ती १:२१

भजन संग्रह 25:22

परमप्रभु, इस्राएल कली आ श्‍येत नेल्‍ल रे प्रोनीन। भजन संग्रह १३०:८

भजन संग्रह 69:18

आं नेक्‍था जाक्‍कीन। मिनु आं कली प्रोंइयीनी। आं जोरी सत्रु रे आं कली प्रोंइयीनी।

तीतस 2:14

येसु ख्रीस्‍तम आंम कली काइ ममिम्‍थु, साइक्‍चा पुंइसाक्‍व। मारदे साइक्‍चा पुंइसाक्‍व देंशा हना, इं कली मटितीके रे प्रोंइचा कली साइक्‍चा पुंइसाक्‍व। मिनु इं कली परमप्रभु यावे आ योव़शो मुर सेल्‍चा नु इं कली शुश रिम्‍शो गेय पपाइक्‍चा कली आंम कली साइक्‍चा, दे जिम्‍मा गेसाक्‍व। गलाती १:४; १तिमोथी २:६; प्रस्‍थान १९:५; एफिसी २:१०

प्रकाश 17:6

मिनु गो मेको मीश मुर कली परमप्रभु यावे आ योव़शो मुर नु येसु आ सांकछी आन हुशेमी दुक्‍शो ताता। मेको कली तङानु, गो शुश छक लाक्‍ती। प्रकाश १८:२४

प्रकाश 19:2

मारदे हना परमप्रभु यावे आ पशो निसाफ थमा नु ठीक बाक्‍ब। मिनु परमप्रभु यावेमी रागी नेल्‍ल ङा मुर आन कली खतम सेल्‍ब तेल्‍लेम कली ठीक पा सजाइ गेप्‍तु। मेको तेल्‍लेममी शुश परमप्रभु यावे आ वाइलीम वाइल आन कली साइक्‍तीके, मुल मेको कली क्‍येक्‍क लेत्‍ताक्‍व” दे ग्रीशो नेंता। प्रकाश ६:३०; ब्‍यवस्‍था ३२:४३

१ सामुएल 26:21

मिनु सावलमी “गो मरिम्‍शो पाता। आं तौ दाऊद, लेश्‍शा जाक्‍को। मुलाक्‍ती गे आं कली ब्रोंइचा गेती मुल रे गो इ कली गेनायो श्‍येत मगेनुङ। गो मूर्ख दुम्‍ती। गो थमा पा मरिम्‍शो पाता” देंमाक्‍त।