भजन संग्रह 71:9 - Sunuwar Bible

⁹ गो खूशो दुम्‍ङानु, आं कली मप्रोंइयीनी। आं सक्ति जाम्‍मेनु यो आं कली मप्रोंइयीनी।

भजन संग्रह 71:9 ပူးပေါင်းရင်းမြစ်များ

२ सामुएल 19:35

मुल गो ८० बर्स दुम्‍ती। मुल गो रिम्‍शो नु मरिम्‍शो दोपा तुइक्‍नुङा? आं जशो तूशो ब्रोव़शो नु मब्रोव़शो मारेइ मतुइक्‍नुङ। वोंइश मुर मीश मरुम कुम्‍सो पशो, गो नेंने मचाप्‍नुङ। मोपतीके गो आं प्रभु पिप इन कली मारदे श्‍येत तेम्‍नुङा?

भजन संग्रह 71:18

परमप्रभु, गो खूशो दुम्‍शा, आं चां बोइक्‍म सम्‍म यो, आं कली मप्रोंइयीनी। मिनु गो आं नोले ङा पाला ङा मुर आन कली इन सक्ति नु इन ठीक पतीके आ पर्बम शेंनुङ। यसैया ४६:४

भजन संग्रह 73:26

आं रां नु आं थुं निम्‍फा ग्‍येत्‍थ लुक्‍च दुम्‍शो बाक्‍नीस। तन्‍न परमप्रभु गेना हना यो आं सक्ति नु आं भाग बाक्‍ब। भजन संग्रह १६:५

भजन संग्रह 90:10

आंइ ब्रोंइतीके ७० बर्स ला बाक्‍ब। बोल पा ब्रोंइतक हना, ८० बर्स सम्‍म ब्रोंइनीकी। मो हना यो आंइ ब्रोंइतीक नाक्‍ती नेल्‍ल श्‍येत नु मरिम्‍शो दुम्‍तीके ला बाक्‍ब। ब्रोंइतीक नाक्‍ती रीब पा नुप्‍ब। मिनु गो बेक्‍शा लाइनीकी। उपदेसक १:३

यसैया 46:4

गेपुकी खूशो दुम्‍नी सम्‍म गो खाल का ङा बाक्‍नुङ। इन चां बोइक्‍म सम्‍म यो इन कली कुरनन्‍नी। गो इन कली सेल्‍शा, कुरनुङ। इन कली कुरशा, पाप रे प्रोंइनन्‍नी। भजन संग्रह ७१:१८

२ तिमोथी 1:12

मोपतीके गो यो श्‍येत जाइनुङ। तन्‍न गो मुने मपाइनुङ, मारदे हना सु कली थमा सुइक्‍नुङा मेको तुइक्‍नुङ। मेकोमी आं कली मबेक्‍ङा सम्‍म कोव़ने चाप्‍ब, दे यो तुइक्‍नुङ।

२ तिमोथी 4:18

प्रभुमी आं कली आ स्‍वर्ग ङा राज्‍य लचा, दे नेल्‍ल श्‍येत रे प्रोंइब। मेको कली गेना हना यो मान पय। आमेन।