भजन संग्रह 71:7 - Sunuwar Bible

⁷ शुश मुरपुकीमी आं कली तशा “परमप्रभुमी मेको कली ताइक्‍ताक्‍व” दे मिम्‍नीम। तन्‍न गे आं ख्रुइश्‍शा बाक्‍तीक बाक्‍नीनी।

भजन संग्रह 71:7 ပူးပေါင်းရင်းမြစ်များ

भजन संग्रह 61:3

मारदे हना गे आं ख्रुइक्‍तीके बाक्‍नीनी। गे ङोंइती रे आं जोरी सत्रुमी मथित्‍तीके बोल्‍यो लाइश्‍शो खिं बाक्‍नीनी। भजन संग्रह ७१:३; हितोपदेस १८:१०

भजन संग्रह 62:7

आं कली श्‍येत रे प्रोंइतीके नु मान ततीके परमप्रभु रे जाक्‍ब। परमप्रभु आं ख्रुइक्‍तीक सेरथे फुल्‍लु नु आं बोल्‍यो दरवार बाक्‍ब।

भजन संग्रह 62:8

मुर नेल्‍ले, गेना हना यो परमप्रभु कली थमा सुतीन। मेको आ ङोंइती इन थुं ङा लोव़ देंनीन। मारदे हना परमप्रभु इं ख्रुइक्‍तीके बाक्‍ब। ठेयब सेंदा पा।

भजन संग्रह 62:9

महिक्‍सीशो मुरपुकी फश ला बाक्‍नीम। हिक्‍सीशो मुर आन ठेयब दुम्‍तीके जोल ला बाक्‍ब। मेकोपुकी नाक्‍सीमानु, मारेइ मबाक्‍नीम। हिक्‍सीशो नु महिक्‍सीशो मुर नेल्‍ल मुठी का सोक्‍त ङा ला बाक्‍नीम।

यसैया 8:18

मुर नेल्‍ल आन परमप्रभु यावे सियोन डांडाम बाक्‍ब। परमप्रभु यावेमी आं कली नु आं कली गेशो आलपुकी इस्राएली आन दातेमी चिन्‍ड नु कोंइतीक सेल्‍तीकी। यसैया ८:३; यसैया ७:३; हिब्रू २:१३

येरमीया 16:19

मिनु मेकोपुकीमी “परमप्रभु यावे, गे आं सक्ति नु आं ख्रुइश्‍शा, ब्रोंइशा बाक्‍तीक बाक्‍नीनी। गे श्‍येत जची ना आं ख्रुइक्‍तीके बाक्‍नीनी। रागी रागी ङा मुर रागी ङा सुर रे इन ङोंइती जाक्‍नीम। मिनु मेकोपुकीमी ‘आंइ किकी पिपी आन देवी देवता जोल ला बाक्‍तेक्‍म। मेको शोर गाक्‍शो बाक्‍तेक्‍म। भजन संग्रह ३६:७

जकरिया 3:6

मिनु नोले परमप्रभु यावे आ स्‍वर्ग ङा गेय पाइबमी यहोसु कली

जकरिया 3:8

यहोसु, नेल्‍ल क्‍येङा ठेयब चढ़ेब नु इ नेक्‍था बाक्‍ब इ खोदेंशो गेय पाइबपुकी नोफा दाइश्‍शा नेनीन। गो नोले आं गेय पाइब, राशी माइश्‍शो चाक्‍नुङ, मेकोपुकी मेको आ पर्बम चिन्‍ड बाक्‍नीम। यसैया ८:१८; जकरिया ६:१२; येरमीया २३:५; येरमीया ३३:१५

लूका 2:34

मिनु सिमियोनम मेको आस कली आसीक गेशा, मरीयम कली “एको आल इस्राएली आन दातेमी लां कोंइशा मुर आन कली फ्राब। का निक्‍शी खतम दुम्‍नीम, का निक्‍शी रिम्‍शो दुम्‍नीम। मिनु शुश मुरुमी एको कली मदाक्‍नीम। लूका २०:१७-१८; प्रेरित २८:२२; १कोरिन्‍थी १:२३

प्रेरित 4:13

पत्रुस नु यूहन्‍ना शुश मशेंसीशो बाक्‍ताक्‍स हना यो, जोक्‍ब तुइक्‍ब खोदेंशो पा महिंथु, ठेयब थुं पा लोव़ पाम्‍से बाक्‍त। मेको लोव़ नेंशा, कछडी पाइबपुकी छक लाक्‍मा बाक्‍त। मिनु मेको निक्‍शी थमा पा येसु नु काथा गाक्‍ब काथा बाक्‍ब बाक्‍सा बाक्‍त, दे तुइक्‍तमे बाक्‍त।

१ कोरिन्‍थी 4:9

परमप्रभु यावेमी आ सोइश्‍शो, आंइ कली मुर नेल्‍ल आन क्‍येङा आइक्‍च सेल्‍शा साइक्‍चा पुंइसीचा कली वोइक्‍तु, दे मिम्‍नुङ। मारदे हना रागी रागी ङा मुर नेल्‍ल नु परमप्रभु यावे आ स्‍वर्ग ङा गेय पाइबम आंइ कली कोव़ना कोव़न बाक्‍नीमी। रोमी ८:३६; हिब्रू १०:३३