6 परमप्रभु यावे, गे गाइश्शा, बोक्कीन। आं जोरी सत्रु आन पशो तशा, आं कली वारच पथ बोक्कीन। गे “गो निसाफ पचा माल्नुङ” दे लोव़ पाइतीनी।
मिनु अब्सालोम नु इस्राएली नेल्लेमी “अहीथोफेल आ अर्ती क्येङा अरकी आ हुशाइमी गेशो अर्ती रिम्शो बाक्ब” देंमा बाक्त। मारदे हना परमप्रभु यावेमी अहीथोफेल आ अर्ती क्याम्शा, अब्सालोम कली खतम पोक्चा कली मो पवा बाक्त। २सामुएल १५:३१-३४
परमप्रभु यावेमी दिप्चा पुंइसीशो नेल्ल आन कली वारच पा ठीक निसाफ पाइब।
परमप्रभु यावेमी “गो प्रुङग आन कली दिप्शो ताता। श्येत जाइब आन ङाक्शो नेंता। मोपतीके गो मुल बोक्नुङ, मेको आन कली श्येत मजतीकेम वोइक्नुङ” देंब।
मिनु गो शुश श्येत जाता हना यो, गे आं कली प्रोंइनीनी। गे आं कली तशा आं जोरी सत्रु आन गाइश्शो रे प्रोंइनीनी। गे इन सक्तिमी आं कली प्रोंइनीनी।
आं जोरी सत्रुमी आं कली खेदा पतीमी। आं कली खपीम खोल्शा, साइक्चा चिक्ताक्यीमी। मेकोपुकीमी आं कली बेक्शो मुर आन बाक्तीकेम खोदेंशो पा छिङछिङम बाक्पाइक्तीमी।
आं परमप्रभु यावे, बोक्कीन। आं परमप्रभु, आं जोरी सत्रु रे प्रोंइयीनी। मिनु गे मेको आन चोव़चो राप्तीने। इन अरेशो लोव़ मटीब आन ख्रुइ जिक्तीने। गन्ती १०:३५
परमप्रभु यावे, आं कली जिचा तोइब आन कली जिचा तोने। आं कली लडाइ तोइब आन कली लडाइ तोने।
बोक्कीने। मिनु आं कली वारच पाइय्यीनी। परमप्रभु, आं परमप्रभु यावे, आं पोन बोक्कीन।
बोक्कीन, परमप्रभु, गे मारदे इप्नीनी? सेंसीने। आंइ कली मो पा मप्रोनीने।
बोक्कीन। मिनु आंइ कली वारच पने। इन गेना हना यो दाक्तीकेमी आंइ कली एको श्येत रे प्रोंइकी।
परमप्रभु यावे, मुर नेल्ल आन परमप्रभु, इस्राएल आ परमप्रभु, रागी रागी आन कली सजाइ गेचा कली बोक्कीन। इन कली प्रोंइशा, मरिम्शो पाइब आन कली काइ शिशी मपने। ठेयब सेंदा पा।
दोपा मुरपुकी सुनी सेंसीमानु, ङोमु पशा, थमा ममाइ, दे तुइक्नीमी, मोपा परमप्रभु, गे बोक्ची ना मेको आन कली क्याम्नीनी।
मिनु गे इन ब्रेश्शो खिं कली कोव़थ लने। इन जोरी सत्रुमी इन खिं मोदेंशो पा खतम पोक्तेक्म।
मिनु नोले परमप्रभु निन्द्रा रे सेंसीशो खोदेंशो पा सेंसाक्व। लडाइ पाइब मुर अङगुर शांबु तूशा नोले रिम्शो दुम्शो खोदेंशो पा, ठेयब सेंदाम ग्रीत।
परमप्रभु यावेमी निसाफ पचा चिक्शो बाक्ब। मेकोमी मुर आन कली निसाफ पाइब।
परमप्रभु यावेमी “मुल गो बोक्नुङ। गो गेय पचा गोइनुङ। गो मान पाइक्चा पुंइसीनुङ।
परमप्रभु यावे, आंइ परमप्रभु, मुल आंइ कली सन्हेरीब आ गुइ रे प्रोनीन। रागी नेल्ल ङा मुरपुकीम गे ला परमप्रभु यावे बाक्नीनी, दे तुइक्तमेक्ल” दे पुंइशा, लोव़ पाप्तु। यसैया ४०:५; दानीएल ६:२७
परमप्रभु यावे सेंसीन, सेंसीन। सक्ति पाइश्शो दुमीन। साइ ङोंइती आंइ किकी पिपी आन कली पशो खोदेंशो पा, पने। साइ गे राहाब माइश्शो समुन्द्र ङा जन्तु कली मसाइक्नी ङा? ठेयब बुस्स कली मतूदीनी ङा? भजन संग्रह ८९:११