भजन संग्रह 7:2 - Sunuwar Bible

² गे आं कली मप्रोंइतीनी हना, मेकोपुकीमी आं कली गुप्‍सम खोदेंशो पा दिप्‍शा ब्‍वाइनीम। मिनु सुइमी आं कली मेको आन गुइ रे प्रोंइने मचाप्‍नीम।

भजन संग्रह 7:2 ပူးပေါင်းရင်းမြစ်များ

२ सामुएल 14:6

मेको इन वाइल आ तौ निक्‍शी बाक्‍ताक्‍स। मेको निक्‍शी दिंमम राम्‍शी पाम्‍से बाक्‍त। मेको आस कली फ्राब सुइ मबाक्‍मा बाक्‍त। मिनु काम आ लोक्‍ब कली तुप्‍शा सदा बाक्‍त।

अय्‍युब 10:7

गो दोस मताइब बाक्‍नुङ, दे गे तुइक्‍ताक्‍नी हना यो, इन गुइ रे आं कली सुइम प्रोंइने मचाप्‍ब, दे यो तुइक्‍नीनी।

भजन संग्रह 10:9

गुप्‍स ब्‍वाकीम बाप्‍शो खोदेंशो पा ख्रुइश्‍शा, प्रुङग आन कली रिम्‍नीम। प्रुङग आन कली आन ब्‍वारदम रेश्‍शा ग्‍याइक्‍नीम।

भजन संग्रह 11:1

गो परमप्रभु यावे कली जिम्‍मा गेसाक्‍यी। गेपुकीम आं कली “चिक्‍ब खोदेंशो पा पहाडम बेरो” दे दोपा देंने चाप्‍नीनी?

भजन संग्रह 16:1

“परमप्रभु, आं कली कोव़यीनी। मारदे हना गो इन कली जिम्‍मा गेंसीशो बाक्‍नुङ।

भजन संग्रह 17:12

मेकोपुकी शोव़लु बेक्‍शो गुप्‍स खोदेंशो बाक्‍नीम। ठिटा गुप्‍सम बाप्‍शो खोदेंशो पा बाप्‍शो बाक्‍नीम।

भजन संग्रह 22:13

शोव़लु बेक्‍शा ग्रीशो गुप्‍स खोदेंशो पा आन शोव़ पाक्‍शा, ग्राम्‍चा चिक्‍ताक्‍यीमी।

भजन संग्रह 31:2

इन नोफा दाइक्‍तीने, आं कली रीब पा प्रोंइयीनी। गे आं ख्रुइक्‍तीक सेरथे फुल्‍लु नु आं कली प्रोंइब बोल्‍यो दरवार दुमीन। भजन संग्रह ७१:३

भजन संग्रह 35:15

तन्‍न गो दाइल पांइसीङानु, मेकोपुकी रिश्‍शा, आं पर्बम शुक्‍शी पचा कली बुक्‍तेक्‍म। आं मतुइश्‍शो शुक्‍शी पाइबपुकी आं कली मरिम्‍शो पचा कली बुक्‍तेक्‍म। मिनु मेकोपुकीम आं कली शुक्‍शी पस ङा पस पतीमी।

भजन संग्रह 50:22

गे परमप्रभु कली प्रेंबपुकी तुइक्‍तीन। मो मपाइतीनी हना, गो इन कली साइक्‍नन्‍नी। मिनु इन कली सुइमी प्रोंइने मचाप्‍नीम।

भजन संग्रह 59:2

आं कली मरिम्‍शो पाइब नु हुश ख्राक्‍श पोक्‍ब आन रे प्रोंइयीनी।

हितोपदेस 19:12

पिप आ गाइश्‍शो गुप्‍स आ ग्रीशो खोदेंशो बाक्‍ब। आ दाक्‍तीक चहिं घांस तार दोक्‍शो सुनी ङा सीत खोदेंशो बाक्‍ब। हितोपदेस १६:१४-१५

यसैया 38:13

सुनी सम्‍म आं थुं कली रिम्‍पाइक्‍ना पाइक्‍न बाक्‍ती। गुप्‍सम खोदेंशो पा आं खोइल जिक्‍ताक्‍यीनी। काबु नाक्‍दो नाक्‍तीमी गे आं कली खतम पोक्‍तीनी।

ब्‍यवस्‍था 33:20

मिनु गाद आ पर्बम मार देंशो बाक्‍त, देंशा हना “गाद कली सोशो बोशो दुम्‍शा ग्‍येरसो। गाद गुप्‍स खोदेंशो पा बाप्‍शा बाक्‍ब। मेकोमी गुइ नु पिया रेप्‍ब।

२ तिमोथी 4:17

तन्‍न प्रभु गो नु बाक्‍शा, अर्को रागी ङा मुर आन कली परमप्रभु यावे आ लोव़ नेल्‍ल शेंचा सक्ति गेती। मोपा आं कली गुप्‍स रे प्रोंइती। प्रेरित २३:११; प्रेरित २७:२३

१ पत्रुस 5:8

गेय पचा ङोंइती मिम्‍तीन। होस पा बाक्‍कीन। मारदे हना इन कली मदाक्‍ब सैतानमी शोव़लु बेक्‍शो गुप्‍स खोदेंशो पा “सु कली ब्‍वाइनुङा” दे माल्‍ना माल्‍न गाक्‍ब। १थिस्‍सलोनिकी ५:६; लूका २२:३१; २कोरिन्‍थी २:११

न्‍यायाधीस 18:28

मेको आन कली प्रोंइब सुइ मबाक्‍मा बाक्‍त। मारदे हना मेको सहर सीदोन रे शुश ङोन बाक्‍‍माक्‍त। मेको सहर बेथ-रेहोब आ नेक्‍था ङा दिंममी बाक्‍माक्‍त। मिनु दान आ थर ङा मुरपुकीमी मेको सहर सेल्‍शा बाक्‍चा गोव़मे बाक्‍त।