भजन संग्रह 7:13 - Sunuwar Bible

¹³ मिनु आन साइक्‍तीक या आंम कली ठीक पशो बाक्‍नीम। आन ब्राम मी ब्रपाइश्‍शो बाक्‍नीम।

भजन संग्रह 7:13 ပူးပေါင်းရင်းမြစ်များ

अय्‍युब 6:4

नेल्‍ल क्‍येङा ठेयब सक्ति पाइश्‍शो आ ब्राम आं कली ग्रुक्‍शो बाक्‍नीम। आं सोक्‍तीम मेको आन बीख तूचा माल्‍ब। परमप्रभुमी आं कली हिंपाइश्‍शो बाक्‍ब। भजन संग्रह ३८:३

भजन संग्रह 11:2

नेनीन, इन अरेशो मटीबपुकीमी आन लिब्रा कीशा, आन ब्रा डोरीम वोइश्‍शा, ठीक पाइब रिम्‍शो थुं पाइश्‍शो मुर आन कली ख्रुइश्‍शा आप्‍नीम।

भजन संग्रह 144:6

चिला दाप्‍पाइश्‍शा, मेको एर ओंथ ब्रपतीन। इन ब्रा आप्‍शा मेको आन कली खेदा पने।

भजन संग्रह 18:14

मिनु मेकोमी आ ब्रा आबानु, आं जोरी सत्रु ब्रपाइक्‍तीमी। ठेयब चिला पपाइश्‍शा, प्रोक्‍पाइक्‍तीमी।

भजन संग्रह 45:5

गे इन हेश्‍शो ब्रामी इन जोरी सत्रु आन लुङगीरमी देत्‍नीम। जात जात ङा मुर इन ङोंइती साइक्‍चा पुंइसीनीम।

भजन संग्रह 64:3

मेकोपुकीमी तरवार खोदेंशो पा आन लें हेप्‍पाइक्‍नीम। मेको आन लोव़मी साइक्‍ब ब्रा खोदेंशो पा आप्‍नीम।

भजन संग्रह 64:7

तन्‍न परमप्रभुमी मेको आन कली ब्रा आप्‍ब। मिनु मेको आन मतुइक्‍थु गोल्‍नीम।

बिलाप 2:4

परमप्रभुमी सियोन आ जोरी सत्रु खोदेंशो दुम्‍शा, आ लिब्रा की‍तु। आ जोरी सत्रु खोदेंशो दुम्‍त। आंइ दाक्‍शो नेल्‍ल आन कली साइक्‍तु। परमप्रभुमी आ चुरशो मी खोदेंशो पा सियोन आ तमी आ ताम्‍बु तारी मोइक्‍तु।

हबकुक 3:11

इन आप्‍शो ब्रा जिल पा ब्रशा बेरमेनु, इन तूतीक जिल्‍मील पवानु, नां मसोव़। मिनु तास्‍ला सरीङम नांइसाक्‍व। यहोसु १०:१३

हबकुक 3:13

गे इन आंम योव़शो मुर आन कली प्रोंइचा, दे जाक्‍तीनी। इन तेल लुक्‍शो मुर कली प्रोंइथ जाक्‍तीनी। तन्‍न गे इन अरेशो मटीब रागी ङा ठेयब मुर आ खिं तला तारी रे जग सम्‍म प्रेत्‍तीनी। भजन संग्रह १८:८,१६

ब्‍यवस्‍था 32:23

गो मेको आन कली शुश श्‍येत गे‍नुङ। गो मेको आन कली ब्रा आप्‍नुङ। दोपा आप्‍नुङ देंशा हना,

ब्‍यवस्‍था 32:41

गो आं टल्‍केशो या शेप्‍ता हना, आं गुइमी निसाफ पचा कली ग्‍याइक्‍ताक्‍ङ हना, आं जोरी सत्रु आन कली क्‍येक्‍क लेत्‍नुङ। आं कली काइ मदाक्‍ब आन कली क्‍येक्‍क लेत्‍नुङ। येरमीया ४६:१०

ब्‍यवस्‍था 32:42

आं ब्रा आन कली ग्‍याइश्‍शा साइश्‍शो मुर आन हुशेमी गिल्‍नुङ। आं या लाइश्‍शो चां पाइश्‍शो आं जोरी सत्रु आन श्‍ये ब्‍वाइब खोदेंशो सेल्‍नुङ’ दे परमप्रभुमी देंत।

२ थिस्‍सलोनिकी 1:6

परमप्रभु यावेमी थमा पा इन कली श्‍येत गेब आन कली क्‍येक्‍क लेप्‍ब। रोमी १२:१९; प्रकाश १८:६-७

प्रकाश 16:6

रागी ङा मुरपुकीमी इन योव़शो मुर नु इन लोव़ पाइब आन कली क्‍योरशा, आन हुश शाइक्‍पाइश्‍शा साइक्‍तेक्‍म। मिनु गे मेको रागी ङा मुर आन कली हुश तूपाइक्‍तीनी। मार पामे, मेको ताम्‍तेक्‍म” देंशो नेंता।

प्रकाश 6:10

मिनु मेकोपुकीमी ठेयब सेंदामी “परमप्रभु, गे का ला परमप्रभु नु थमा पा नेल्‍ल आन कली सासन पाइब बाक्‍नीनी। गेना आंइ कली साइक्‍ब आन कली निसाफ पाइनीनी? गेना रागीम बाक्‍ब आन कली क्‍येक्‍क लेत्‍नीनी?” देंतेक्‍म।