भजन संग्रह 69:8 - Sunuwar Bible

⁸ गो आं लोक्‍ब आन दातेमी मतुइश्‍शो मुर खोदेंशो दुम्‍शो बाक्‍नुङ। गो आं ममा आ तौ आंइ दातेमी अर्को रागी ङा मुर खोदेंशो दुम्‍ती। भजन संग्रह ३८:१२

भजन संग्रह 69:8 ပူးပေါင်းရင်းမြစ်များ

भजन संग्रह 31:11

आं जोरी सत्रु आन क्‍येङा आं नेक्‍था ङा मुरपुकीमी शुश शुक्‍शी पाइक्‍चा पुंइसीब दुम्‍ती। आं तुइश्‍शो मुर आं कली तशा हिंनीम। आं कली लांम ग्रुम्‍ब मुरपुकी आं कली तशा हिंशा प्रोक्‍नीम।

भजन संग्रह 38:11

आं वारच नु आं खिं ङा मुर आं श्‍येत तशा, ङोन बाक्‍नीम। मिनु आं नेक्‍था ङा मुरपुकीमी ङोन रे कोव़नीम। भजन संग्रह ६९:९; भजन संग्रह ८९:९; अय्‍युब १९:१३-१९

भजन संग्रह 89:51

परमप्रभु यावे, मारदे इन जोरी सत्रुमी आं कली शुक्‍शी पाइय्‍यीमी? मेकोपुकीमी मारदे इन तेल लुक्‍शो, आं कली ते ते थेक्‍तु, मेक मेक शुक्‍शी पाइय्‍यीमी?

भजन संग्रह 89:52

परमप्रभु यावे गेना हना यो ठेयब बाक्‍ल। मेको थमा बाक्‍ब, आमेन। भजन संग्रह ४१:१४

यसैया 50:6

गो आं ची तुप्‍ब आन कली तुप्‍चा गेतामी। गाल शोक्रे ब्‍विप्‍ब आन कली चोव़चो दाइश्‍शा गेतामी। गो शुक्‍शी पाइक्‍चा नु तोक्‍चा पुंइसीतीक रे आं कुल मख्रुइक्‍तु। यूहन्‍ना १९:१; मत्ती २६:६७-६८

यसैया 53:3

मिनु अरुमी मेको कली ग्रांग्रा दिशा प्रोंइतेक्‍म। मेको श्‍येत जाइब नु रोइ पाइक्‍ब बाक्‍त। मेको कली तशा, मुरुम आन कुल ख्रुइक्‍ताक्‍म। मेको ग्रांग्रा दित्‍चा पुंइसेनु, सुइम महिक्‍गेम। भजन संग्रह २२:७-८; मर्कूस ९:१२

यसैया 53:4

थमा पा मेकोमी आंइ श्‍येत कुरतु, आंइ रोइ पतीक नेल्‍ल लाइक्‍तु। मो हना यो गोपुकीमी मेको कली परमप्रभुमी सजाइ गेशा, तुप्‍शा, दिप्‍शो खोदेंशो लाक्‍तक। मत्ती ८:१७

येरमीया 15:15

मिनु गो “परमप्रभु यावे, गे नेल्‍ल तुइश्‍शो बाक्‍नीनी। आं कली मिम्‍तीन। मिनु आं कली कोव़ङीन। आं कली श्‍येत गेब आन कली क्‍येक्‍क लेत्‍तीन। गे मेको आन पर्बम शुश फाल्‍शा बाक्‍नीनी। आं कली मसाइय्‍‍यीनी। गो इन पर्बम शुक्‍शी पाइक्‍चा पुंइसाक्‍यी, गे मेको तुइक्‍नीनी।

मत्ती 26:56

परमप्रभु यावे आ लोव़ पाइब आन ब्रेक्‍शो लोव़ नेल्‍ल थमा दुम्‍चा माल्‍ब, मोपतीके आं कली ओदेंशो दुम्‍चा माल्‍ब” दे माइक्‍तीमी। मिनु आ शेंसीबपुकी येसु कली प्रोंइशा, साव सुव ब्राशा प्रोक्‍तेक्‍म।

यूहन्‍ना 1:11

आंम रागी जाक्‍मेनु, आंम सेल्‍शो मुरपुकीमी मेको कली मब्राम। भजन संग्रह २४:१

यूहन्‍ना 7:5

मारदे हना आ लोक्‍बपुकीमी यो येसु कली थमा मसुइक्‍बाक्‍तेक्‍म।

१ सामुएल 17:28

मेको कली मुरपुकी नु लोव़ पा बाक्‍शो आ लोक्‍ब एलीआबम नेना बाक्‍त। मिनु मेको गाइक्‍ता बाक्‍त। मेकोम दाऊद कली “गे मारदे एक बाक्‍ङे? गोरशो रागीम बाक्‍शो मेको इच्‍का खोइ भेडापुकी यो सु कली कोव़पाइक्‍मी? गो इ कली तुइक्‍नुङ। गे मटीब नु हेंथे पाइब बाक्‍नेवे। गे एक लडाइ कोव़थ ला जाक्‍शो नवे” दे मदा बाक्‍त।