भजन संग्रह 69:6 - Sunuwar Bible

⁶ इन कली आस पाइबपुकी आं पतीके मुने मदोक्‍मल। परमप्रभु, मुर नेल्‍ल आन परमप्रभु यावे, इन कली माल्‍बपुकी आं पतीके मुने मदोक्‍मल। गे इस्राएली आन परमप्रभु बाक्‍नीनी।

भजन संग्रह 69:6 ပူးပေါင်းရင်းမြစ်များ

२ सामुएल 23:3

इस्राएली आन परमप्रभुम लोव़ पाप्‍तु। इस्राएली आन सेरथे फुल्‍लुमी आं कली ‘सुमी मुर आन कली ठीक निसाफ पाइ‍बा, सुम परमप्रभु कली मान पा हिंशा हुकुम पाइ‍बा,

भजन संग्रह 25:3

इन लां कोव़ब नेल्‍ल मुने मदोक्‍मल। मोशान श्‍येत गेबपुकी चहिं मुने दोक्‍मल।

भजन संग्रह 35:26

गो श्‍येत जङानु, आं पर्बम रिप्‍ब नेल्‍ले मुने दोक्‍मल। मिनु मेको “क्‍येङा ठेयब नकी” देंबपुकी मुने दोक्‍शा आइक्‍च सेल्‍चा पुंइसीमल।

भजन संग्रह 7:7

मिनु रागी रागी ङा मुरपुकी इन ङोंइती राप्‍नीम। मोपतीके इर ङा इन बाक्‍तीकेम मेको आन कली निसाफ पचा कली इन ठेयब नित्‍तीकेमी निस्‍सीन।

भजन संग्रह 72:18

परमप्रभु, परमप्रभु यावे, इस्राएली आन परमप्रभु ठेयब बाक्‍ब। मेकोमी ला छक लाक्‍चा ङा गेय पाइब। भजन संग्रह ४१:१४

यसैया 49:23

मिनु पिपपुकी इ कली कोव़ब आफ नु पिपीमपुकी इ कली दूध तुंइब ममा दुम्‍नीम। मेकोपुकी इ ङोंइती बाप्‍शा, इ फुरक लुम्‍सीशो खोइली तुक्‍नीम। मिनु गो परमप्रभु यावे नङ, दे तुइक्‍नेवे। आं लां रिम्‍शा बाक्‍बपुकी मुने मदोक्‍नीम” देंत। भजन संग्रह ७२:९; यसैया ६०:१६

प्रेरित 13:17

इस्राएली आन परमप्रभु यावेमी आंइ किकी पिपी आन कली योव़शा, इजीप्‍त रागीमी बाक्‍मानु, शुश सोशा बोशा ठेयब जात दुम्‍पाइक्‍मी बाक्‍त। मिनु शुश सक्ति पाइश्‍शो गेय कोंइशा, मेको आन कली श्‍येत रे प्रोंइशा ग्रुंइदीमी बाक्‍त। प्रस्‍थान १२:३७,४०,४१; प्रस्‍थान १४:८

प्रेरित 13:23

परमप्रभु यावेमी इस्राएली आन कली पाप रे प्रोंइब का सोइक्‍नुङ, दे लोव़ गेशो बाक्‍माक्‍त। मेको पाप रे प्रोंइब दाऊद आ खिं ङा येसु बाक्‍ब। यसैया ११:१

प्रेरित 4:7

मेको नेल्‍ल खुम्‍सीशा बाक्‍मानु, पत्रुस नु यूहन्‍ना आस कली जेल्‍खान रे ग्रुंइपाइश्‍शा, आन बाक्‍तीके चाक्‍पाइश्‍शा आन ङोंइती राप्‍पदमे बाक्‍त। मिनु “मेको खोइल मदुक्‍ब मुर कली सु आ सक्तिमी, सु आ नें ब्रशा सापांइसी, लो देनीस” दे हिल्‍लो पामे बाक्‍त। मत्ती २१:२३