भजन संग्रह 69:35 - Sunuwar Bible

³⁵ मारदे हना परमप्रभुमी सियोन कली प्रोंइब। मिनु यहूदा ङा सहरपुकी लेंशा सेल्‍ब। मिनु मुरपुकी मेकेर बाक्‍शा, मेको आन के दुम्‍ब।

भजन संग्रह 69:35 ပူးပေါင်းရင်းမြစ်များ

१ इतिहास 16:32

समुन्‍द्र नु मेकेर बाक्‍ब मारेइ मारेइ नेल्‍ल ग्‍येरशा रेयके पामेक्‍ल। रू नु मेकेर बाक्‍ब मारेइ मारेइ ग्‍येरसीमल।

भजन संग्रह 102:13

गे बोक्‍शा, सियोन कली थमा पा शिशी पाइनीनी। मेको कली शिशी पतीक नाक्‍त जाक्‍शो बाक्‍ब।

भजन संग्रह 102:16

मारदे हना परमप्रभु यावेमी सियोन कली लेंशा सेल्‍ब। मिनु आ छेङछेङमी ग्रूब।

भजन संग्रह 145:10

परमप्रभु यावे, इन सेल्‍शो मारेइ मारेइमी इन कली “गे रिम्‍शो पाइब बाक्‍नीनी” देंचा माल्‍नीम। मिनु इन कली थमा सुइक्‍बपुकीमी ठेयब सेल्‍चा माल्‍नीम।

भजन संग्रह 145:21

गो परमप्रभु यावे कली ठेयब सेल्‍शा, लोव़ पाइनुङ। सोक्‍त पाइश्‍शो नेल्‍लेमी मेको कली गेना हना यो ठेयब सेल्‍नीम।

भजन संग्रह 148:4

नेल्‍ल क्‍येङा इर सरीङ नु मेको आ तार बाक्‍ब ब्‍वाक्‍कु नेल्‍लेमी मेको कली ठेयब सेलीन।

भजन संग्रह 51:18

इन दाक्‍शो खोदेंशो पा सियोन कली रिम्‍शो दुम्‍तीक गेने। यरूसलेम ङा गारो लेंशा सेलीने।

यसैया 14:32

मिनु रागी रागी ङा लोव़ कुरब आन कली मार देंनीनी? परमप्रभु यावेमी सियोन सेल्‍तु। मिनु आ मुर आन दाते ङा क्‍येट मथीब मेकेर रिम्‍शो पा बाक्‍नीम” देंत।

यसैया 44:23

गे सरीङ कुम्‍सो पावो। रागी नेल्‍ल रेयके पा, शुश कुम्‍सो पने। गे डांडा, ब्‍वाकी नु रवा नेल्‍लेमी कुम्‍सो पने। मारदे हना परमप्रभु यावेमी याकूब कली श्‍येत रे प्रोंइतु। इस्राएल रागीमी आं नें ठेयब सेल्‍शो बाक्‍ब। यसैया ४९:१३; यसैया ५५:१२; भजन संग्रह ९६:११-१३

यसैया 44:26

गो आं गेय पाइब आ लोव़ थमा बाक्‍ब। मिनु आं सोइश्‍शो लोव़ कुरबम आं देंशो पाइब। गो यरूसलेम आ पर्बम ‘मेकेर शुश मुर दुम्‍नीम’ देंनुङ। मिनु यहूदा ङा सहर लेंशा सेल्‍चा पुंइसीनीम। मेको आन प्रेश्‍शो खिं नक सेल्‍नुङ।

यसैया 46:13

आं पाप रे प्रोंइतीक चाक्‍नुङ, मेको ङोन मबाक्‍ब। गो इन कली रीब पा पाप रे प्रोंइनुङ। गो आं पाप रे प्रोंइतीक सियोनम वोइक्‍नुङ। इस्राएल कली आं छेङछेङ गेनुङ” देंत।

ओबदिया 1:17

तन्‍न सियोन डांडाम चहिं प्रोक्‍शो मुरपुकी जाक्‍नीम। मेको परमप्रभु यावे आ डांडा बाक्‍ब। मिनु याकूब आ खिंमी ङोंइती आंम कली अधिकार पाइब आन कली अधिकार पाइनीम। योएल ३:५; योएल ४:१७

प्रकाश 14:1

मिनु नोले गो मेको पाठा सियोन डांडामी राप्‍शो ताता। मिनु लाख का ४४ हजार मुर पाठा नु बाक्‍तेक्‍म। मेको आन कुप्‍फीमी येसु नु आ आफ आ नें ब्रेक्‍सीशो बाक्‍त। प्रकाश ७:४; प्रकाश ३:१२