भजन संग्रह 69:29 - Sunuwar Bible

²⁹ परमप्रभु, गो श्‍येत जशा, रोइ पशो बाक्‍नुङ। इन प्रोंइतीकेमी आं कली खाल पयील” दे परमप्रभु कली लोव़ पाता।

भजन संग्रह 69:29 ပူးပေါင်းရင်းမြစ်များ

भजन संग्रह 109:22

गो प्रुङग नु श्‍येत जाइब दुम्‍ती। मिनु आं थुं खाइश्‍शो बाक्‍ब।

भजन संग्रह 109:31

मारदे हना मेको श्‍येत जाइब आन कली साइक्‍ब आन गुइ रे प्रोंइशा वारच पाइब बाक्‍ब।

भजन संग्रह 18:48

मेकोमी आं जोरी सत्रु रे प्रोंइती। मेको आन क्‍येङा आं कली ठेयब सेल्‍ती। मिनु आं कली दिप्‍शा हुश ख्राक्‍श पोक्‍ब आन क्‍येङा प्रोंइती।

भजन संग्रह 20:1

गे श्‍येत जनीनु, परमप्रभु यावेमी इन लोव़ लेत्‍तल। याकूब आ परमप्रभु आ नें आ पर्बम इन जोरी सत्रुम थिन्‍ने मचाप्‍मेक्‍ल। हितोपदेस १८:१०

भजन संग्रह 40:17

गो प्रुङग नु श्‍येत जाइब बाक्‍ती हना यो, परमप्रभुम आं कली मिम्‍ब। गे आं कली वारच पाइब नु आं कली श्‍येत रे प्रोंइब बाक्‍नीनी। आं परमप्रभु देश मपने” दे लोव़ पाता।

भजन संग्रह 59:1

आं परमप्रभु, आं जोरी सत्रु रे प्रोंइयीनी। आं कली मरिम्‍शो पाइब आन क्‍येङा प्रोंइयीनी।

भजन संग्रह 70:5

गो प्रुङग नु श्‍येत जाइब बाक्‍ती हना यो, परमप्रभु रीब पा आं बाक्‍तीक जाक्‍कीन। गे आं कली वारच पाइब नु आं कली राइक्‍ब बाक्‍नीनी। परमप्रभु यावे, रीब पा जाक्‍कीन” दे पुंइता।

प्रस्‍थान 32:33

मिनु परमप्रभु यावेमी मोसा कली “सुमी आं देंशो मटिथु पाप पाइबा, मेको आ नें आं ब्रेक्‍शो किताब रे क्‍याम्‍नुङ।

येरमीया 17:13

गे इस्राएली आन आस पशो परमप्रभु यावे, इन कली प्रोंइब नेल्‍ल मुने दोक्‍नीम। इन कली प्रोंइशा गाक्‍ब मुर नेल्‍ल फुरकुम नें ब्रेक्‍शो खोदेंशो ला बाक्‍नीम। मारदे हना मेकोपुकीमी गेना हना यो ब्रोंइचा गेब ब्‍वाक्‍कु, परमप्रभु यावे कली प्रोंइशो बाक्‍नीम। येरमीया २:१३

मत्ती 8:20

मिनु येसुमी “फ्‍याउरे आन बाक्‍तीके ढोडोङगा बाक्‍ब। चिक्‍ब आन बाक्‍तीके ग्‍योव़ बाक्‍ब। रागीम जरमेशो के बाक्‍तीक मबाक्‍ब” देंमाक्‍त। २कोरिन्‍थी ८:९

२ कोरिन्‍थी 8:9

मारदे हना गे इं प्रभु येसु ख्रीस्‍त आ शिशी तुइक्‍नीनी। मेको शोंप पाइश्‍शो बाक्‍त हना यो इन पर्बम प्रुङग दुम्‍त। मेको प्रुङग दुम्‍तीकेम गे शोंप पाइश्‍शो दुमीन, दे मो पाप्‍तु। मत्ती ८:२०; फिलिप्‍पी २:७