भजन संग्रह 68:6 - Sunuwar Bible

⁶ परमप्रभुमी आ का ला बाक्‍शो मुर कली बाक्‍तीक खिं गेब। मेकोमी चोक्‍सीशो आन कली प्रोंइशा रिम्‍शो सेल्‍ब। तन्‍न मटीबपुकी चहिं नांम दुप्‍शा सोव़शो रागीम बाक्‍चा माल्‍नीम।

भजन संग्रह 68:6 ပူးပေါင်းရင်းမြစ်များ

भजन संग्रह 10:14

परमप्रभु, गे नेल्‍ल ताइतीनी। गे श्‍येत जाइब नु मरिम्‍शो पाइक्‍चा पुंइसीब आन कली वारच पाइश्‍शा, क्‍येक्‍क लेप्‍ब बाक्‍नीनी। मेको श्‍येत जाइबपुकी इन कली जिम्‍मा गेंसीशो बाक्‍नीम। गे रोम रोइक्‍च आन कली वारच पाइब बाक्‍नीनी। भजन संग्रह ६८:६; प्रस्‍थान २२:२२

भजन संग्रह 107:10

का निक्‍शी श्‍येत जशा छिङछिङम बाक्‍तेक्‍म। चोक्‍चा पुंइसीशोपुकी साङलोम पाइक्‍चा पुंइसीशा, श्‍येत जशो बाक्‍तेक्‍म।

भजन संग्रह 107:14

मेकोमी मेको आन कली आन श्‍येत नु छिङछिङ रे ग्रुंइताक्‍मी। मिनु मेको आन साङलो प्रोइक्‍तु।

भजन संग्रह 107:34

मेकोमी ग्रेल्‍ब रू कली हिक्‍सी रू सेल्‍ब। मारदे हना मेकेर बाक्‍ब मुर आ अरेशो मटीब बाक्‍नीम। उत्‍पत्ती १९:२४-२५

भजन संग्रह 113:9

मिनु मेकोम आल मथीब मीश मुर आन कली ग्‍येरसीशो ममा सेल्‍ब। परमप्रभु यावे कली ठेयब सेलीन। उत्‍पत्ती २१:२ १सामुएल १:२०; लूका १:५७-५८

भजन संग्रह 146:7

मेकोमी दिप्‍चा पुंइसीब आन कली ठीक निसाफ पाइब। शोव़लु बेक्‍शो आन कली जचा गेब। परमप्रभु यावेमी चोक्‍चा पुंइसीशो आन कली प्रोंइब।

भजन संग्रह 69:33

परमप्रभु यावेमी प्रुङग आन पुंइशो नेंब। मिनु ग्‍याइक्‍चा पुंइसीशो आ मुर आन कली आइक्‍च ममिम्‍ब।

हितोपदेस 23:11

मारदे हना मेको आन कली श्‍येत रे प्रोंइब बोल्‍यो बाक्‍ब। मेकोमी मेको आन पर्बम इ कली श्‍येत गेब।

यसैया 61:1

“परमप्रभु, परमप्रभु यावे आ सोक्‍त आं तार बाक्‍ब। मारदे हना परमप्रभु यावेमी तेल लुक्‍‍ताक्‍यी। मेकोमी आं कली दिप्‍‍शो प्रुङग मुर आन कली ग्‍येरपाइक्‍ब लोव़ नेंपाइक्‍चा कली, थुं जिक्‍शो आन कली आन थुं बारपाइक्‍चा कली, चोक्‍चा पुंइसीशो मुर आन कली प्रोंइ‍चा कली नु जेल्‍खान बाक्‍ब आन कली ग्रुंइचा कली सोइक्‍ताक्‍यी। यसैया १:२; मत्ती ११:५; लूका ४:१८-१९

होसे 2:3

मो मपाप्‍तु हना, गो मेको आ वा प्रुइश्‍शा, मेको जरमेशो नाक्‍ती खोदेंशो पा शिश्रा पोक्‍नुङ। गो मेको कली गोरशो रागी खोदेंशो सेल्‍नुङ। सोव़शो रागी खोदेंशो पा ब्‍वाक्‍कु मबाक्‍शो सेल्‍नुङ।

मलाकी 1:3

तन्‍न एसाव कली काइ मदाक्‍तु। मोपतीके मेको आ बाक्‍तीक पहाड कली गोरशो रागी सेल्‍ता। आ थेरशो रू सिवार आन बाक्‍तीक दुम्‍पाइक्‍ता” देंत। यसैया ३४:१३

प्रेरित 16:26

मिनु प्रार्थना नु कुम्‍सो पना पन बाक्‍सानु, ठेयब ख्रिनु कुशा, जेल्‍खान ङा जग यो हिम्‍पदा बाक्‍त। ख्रिनुमी हिम्‍दानु, लाप्‍चो नेल्‍ल रोक्‍समा बाक्‍त। जेल्‍खानमी चोक्‍सीशो आन साङलो, ठेंङरो नेल्‍ल ब्रुइक्‍मा बाक्‍त।

गलाती 4:27

मारदे हना “ए गेनायो आल मथीब मीश मुर, कुम्‍सो पा ग्‍येरसो। गे आल मथिशो मुर बाक्‍ते हना यो, इ कली ममा देंब शुश दुम्‍नीम। ग्‍युंबे पा आल थिशो नेल्‍ल आन क्‍येङा गे मान पाइक्‍चा पुंइसीनेवे” दे ब्रेक्‍शो बाक्‍ब। यसैया ५४:१

ब्‍यवस्‍था 10:18

मेकोमी रोम रोइक्‍च नु वोंइश बेक्‍शो मीश मुर आन कली ठीक निसाफ पाइब। मेकोमी अर्को रागी ङा मुर आन कली दाक्‍ब। मिनु मेको आन कली जचा फेक्‍चा गेब।

१ सामुएल 2:5

ङोंइती मारेइ मारेइम गाप्‍शो मुर यो मुल जचा आ पर्बम गेय पाइनीम। तन्‍न शोव़लु बेक्‍शोपुकी रूशो बाक्‍नीम। आल मथीब मीश मुरुमी ७ जना आल थिप्‍तु। तन्‍न शुश आल थीब ममा आ थुं बेक्‍ब।