भजन संग्रह 68:5 - Sunuwar Bible

⁵ परमप्रभु आ बाक्‍तीकेमी बाक्‍शा, रोम रोइक्‍च आन आफ बाक्‍ब। वोंइश बेक्‍शो मीश मुर आन कली वारच पाइब यो बाक्‍ब। भजन संग्रह १०:१४

भजन संग्रह 68:5 ပူးပေါင်းရင်းမြစ်များ

२ इतिहास 30:27

मिनु चढ़ेबपुकी नु लेवीपुकी बोक्‍शा मुर आन कली आसीक गेमे बाक्‍त। मेको आन पुंइशो लोव़ परमप्रभु यावे आ बाक्‍तीक स्‍वर्ग सम्‍म नेंसे बाक्‍त।

२ इतिहास 6:2

गो इन कली गेना हना यो बाक्‍चा कली थम दारशो खिं का सेल्‍ता” देंमाक्‍त।

भजन संग्रह 10:14

परमप्रभु, गे नेल्‍ल ताइतीनी। गे श्‍येत जाइब नु मरिम्‍शो पाइक्‍चा पुंइसीब आन कली वारच पाइश्‍शा, क्‍येक्‍क लेप्‍ब बाक्‍नीनी। मेको श्‍येत जाइबपुकी इन कली जिम्‍मा गेंसीशो बाक्‍नीम। गे रोम रोइक्‍च आन कली वारच पाइब बाक्‍नीनी। भजन संग्रह ६८:६; प्रस्‍थान २२:२२

भजन संग्रह 10:18

गे रोम रोइक्‍च नु दिप्‍चा पुंइसीशो मुर आन पर्बम ठीक निसाफ पाइनीनी। मो दुम्‍मेनु, मुरपुकीमी अरु आन कली लेंशा श्‍येत मगेनीम।

भजन संग्रह 118:19

आं कली परमप्रभु यावे आ खिं ङा लाप्‍चो रोक्‍कीन। मिनु गो ओव़शा, परमप्रभु यावे कली “गे रिम्‍शो पाइब बाक्‍नीनी” देंनुङ।

भजन संग्रह 146:9

मिनु परमप्रभु यावेमी अर्को रागी ङा मुर आन कली कोव़ब। मेकोमी वोंइश बेक्‍शो मीश मुर नु रोम रोइक्‍च आन कली यो कोव़ब। तन्‍न आ अरेशो मटीब आन मिम्‍शो दुम्‍चा मगेब। प्रस्‍थान २२:२०-२१

भजन संग्रह 150:6

सोक्‍त पाइश्‍शो नेल्‍लेमी परमप्रभु यावे कली ठेयब सेलीन। परमप्रभु यावे कली ठेयब सेलीन। भजन संग्रह ४१:१४; प्रकाश ५:१३

भजन संग्रह 33:14

मेकोमी आ बाक्‍तीक रे रागीम बाक्‍ब मुर नेल्‍ल आन कली कोव़ब।

भजन संग्रह 72:2

मेकोमी इन मुर आन कली ठीक पतीकेमी निसाफ पवल। इन प्रुङग मुर आन कली ठीक पा निसाफ पवल।

भजन संग्रह 72:4

मेकोमी मुर आन दातेमी प्रुङग आन कली कोव़ङल। मिनु श्‍येत जाइब आन तमी तौ आन कली प्रोनल। मेकोमी दिप्‍ब आन कली खतम पोक्‍गल।

प्रस्‍थान 3:15

मिनु लेंशा परमप्रभुमी मोसा कली “इस्राएल ङा मुर आन कली मार देंचा माल्‍नेवे देंशा हना ‘परमप्रभु यावे, इन किकी पिपी अब्राहाम, इसहाक नु याकूब आन परमप्रभुमी इन कली ग्रुम्‍थ सोइक्‍ताक्‍यी। आं नें गेना हना यो लीब। नेल्‍ल पाला ङा मुरुम आं नें आन थुंमी मिम्‍शा वोइक्‍चा माल्‍नीम’ देंचा माल्‍नेवे। प्रस्‍थान ६:२-३; यसैया ४२:८

यसैया 1:23

इ सासन पाइबपुकी मटीब नु खुइ आन वारच दुम्‍शा, घूस जशा, क्‍येट ताक्‍चा दाक्‍नीम। मेकोपुकीम रोम रोइक्‍च आन कली ठीक निसाफ मपाइनीम। वोंइश बेक्‍शो मीश मुर आन लोव़ मनेंनीम” देंत।

यसैया 12:4

मेको नाक्‍ती गेपुकीमी “परमप्रभु यावेमी रिम्‍शो पाप्‍तु” दे मुर आन कली देनीन। मेकोपुकी नु लोव़ पने। मेको आ गेय रागी रागी ङा मुर आन कली तुइक्‍पतीन। आ नें नेल्‍ल क्‍येङा ठेयब बाक्‍ब, दे शेंदीने। १इतिहास १६:८; भजन संग्रह १०५:१

यसैया 57:15

मिनु ठेयब नु इर ङा, गेना हना यो बाक्‍ब आ नें का ला बाक्‍शो परमप्रभुमी “गो नेल्‍ल क्‍येङा इर ङा आं बाक्‍तीकेमी बाक्‍नुङ। मिनु गो थुं लुक्‍च लशो नु दिप्‍चा पुंइसीशो मुर नु बाक्‍नुङ। गो दिप्‍शो मुर नु आन थुं लुक्‍च लशो आन थुं बारपाइक्‍चा कली मेकोपुकी नु बाक्‍नुङ। भजन संग्रह ११३:५-९; यसैया ६६:१-२; भजन संग्रह ५०:१९

यसैया 66:1

मिनु परमप्रभु यावेमी “स्‍वर्ग आं नित्‍तीके नु रागी आं खोइल वोइक्‍तीक बाक्‍ब। गे आं कली दोदेंशो खिं सेल्‍ने चाप्‍‍‍नीनी? तेकेर नाइक्‍नुङा? १राजा ८:२७; बिलाप २:१; प्रेरित ४:४९; प्रेरित १७:२४

येरमीया 49:11

इ रोम रोइक्‍च आन कली प्रोंइशा वोतो। गो मेको आन कली कोव़नुङमी। मिनु वोंइश बेक्‍शो मीश मुरपुकीमी यो आं कली थमा सुइक्‍चा तामेक्‍ल” देंत।

येरमीया 5:28

मेकोपुकी दोम्‍शा लल जिशो नु शोंप पाइश्‍शो दुम्‍शो बाक्‍नीम। मेको आन परमप्रभु यावे आ अरेशो मटितीके कली तेक्‍तीक मारेइ मबाक्‍ब। मेकोपुकीम रोम रोइक्‍च आन कली रिम्‍शो दुम्‍ल, दे मेको आन कली ठीक निसाफ मगेनीम। मेकोपुकीमी क्‍येट मथीब आन कली वारच पा ठीक निसाफ मपाइनीम। प्रस्‍थान २२:२१; यसैया १:१७

होसे 14:3

अस्‍सुर ङा मुरपुकीमी आंइ कली प्रोंइने मचाप्‍नीम। गोपुकी लडाइ पथ शारा ङोइश्‍शा मगाक्‍नीकी। मिनु गो आंम सेल्‍शो थोव़क कली ‘इं परमप्रभु’ दे गेनायो मदेंनीकी। मारदे हना रोम रोइक्‍चपुकीमी इन शिशी ताइनीम” दे परमप्रभु कली देंनीन।

एफिसी 5:1

गेपुकी परमप्रभु यावे आ दाक्‍शो तमी तौ दुम्‍तीके मेकोमी दोदेंशो पवा, मोदेंशो पने। लूका ६:३६

ब्‍यवस्‍था 10:18

मेकोमी रोम रोइक्‍च नु वोंइश बेक्‍शो मीश मुर आन कली ठीक निसाफ पाइब। मेकोमी अर्को रागी ङा मुर आन कली दाक्‍ब। मिनु मेको आन कली जचा फेक्‍चा गेब।

ब्‍यवस्‍था 26:15

इन स्‍वर्ग ङा बाक्‍तीके रे कोव़शा, इन मुर, इस्राएली, आंइ कली आसीक गेने। मिनु आंइ किकी पिपी नु कसम जशा गेशो शुश दूध नु खुदो बाक्‍शो रागी कली यो आसीक गेने” दे परमप्रभु कली लोव़ पचा माल्ब।