भजन संग्रह 68:13 - Sunuwar Bible

¹³ गे चहिं भेडा आन दातेमी इप्‍चा दाक्‍नीनी? चांदीम गिल्‍शो फ्रां पाइश्‍शो ढुकुर बाक्‍ब। मिनु आ ओफ्‍लापुकी टल्‍केशो सुनमी गिल्‍शो बाक्‍नीम।

भजन संग्रह 68:13 ပူးပေါင်းရင်းမြစ်များ

उत्पत्ती 49:14

इस्‍साकार बोल्‍यो गधा दुम्‍शा, भारी आस दातेमी इप्‍ब।

२ राजा 7:16

मिनु मुरपुकी ग्रूशा, अरामी आन बाक्‍तीक ङा मार मार नेल्‍ल लदमे बाक्‍त। मिनु परमप्रभु यावे आ देंशो खोदेंशो पा सेआह पुक्‍तीक का रिम्‍शो फस शेकेल का चांदीम नु पुक्‍तीक निक्‍शी क्‍योव़ज शेकेल का चांदीम लेयङमे बाक्‍त। शेकेल का ११.५ ग्राम चांदी के क्‍येट बाक्‍ब।

भजन संग्रह 105:37

मिनु नोले परमप्रभुमी इस्राएली आन कली सुन चांदी कुरपाइश्‍शा मेक रे ग्रुंइदीमी बाक्‍त। मिनु मेको रे ग्रूब नेल्‍ल बोल्‍यो बाक्‍मा बाक्‍त। प्रस्‍थान १२:३५

भजन संग्रह 149:4

मारदे हना परमप्रभु यावे आ मुर आन पर्बम ग्‍येरसीशो बाक्‍ब। आइक्‍च मुर आन कली ग्रातीकेमी ग्‍योम्‍ब।

भजन संग्रह 74:19

गे इन ढुकुर ब्‍वाकी ङा जन्‍तु आन कली मगेने। गे इन श्‍येत जशो मुर आन कली गेना हना यो मिम्‍शा बाक्‍कीन।

भजन संग्रह 81:6

मेको सेंदामी “गो इन बला रे भारी शोल्‍ता। गे भारी कुरचा ममाल्‍नीनी। प्रस्‍थान ६:६; यसैया ९:३

प्रस्‍थान 1:14

शुश श्‍येत गेशा, शुश गेय पपदमे बाक्‍त। मार गेय पपदमे बाक्‍त देंशा हना, हिलो निपदमे बाक्‍त, इंटा सेल्‍पदमे बाक्‍त, रू ङा गेय यो पपदमे बाक्‍त। तेको गेय गेमे, मेको शुश श्‍येत ङा गेय बाक्‍माक्‍त।

यसैया 33:23

गे इन जहाज ङा डोरी शुंइसीशो बाक्‍नीम। मुरपुकीम मेको डोंगा आ दातेम बाक्‍शो थाम बोल्‍यो पा राप्‍पाइश्‍शा सेल्‍ने मचबेम। मेकोपुकीम मेको आ वा क्‍युक्‍ने मचबेम। मेना रोइश्‍शो मार मार शुश योक्‍सीनीम। खोइल मदुक्‍बपुकीम यो रोइश्‍शो मार मार रे आन भाग ताक्‍नीम।

गन्‍ती 31:27

मेको नेल्‍ल के भाग निक्‍शी सेलीन। भाग का लडाइम लाइब आन कली नु भाग का अर्को मुर नेल्‍ल आन कली बाक्‍ब। यहोसु २२:८; १सामुएल ३०:२४-२५

लूका 15:16

मिनु जचा मतथु, शोव़लु बेक्‍शा, पोव़ कली जचा गेशो थोव़की यो जङ खोदेंशो दुम्‍माक्‍त। तन्‍न सुइमी मारेइ जचा मगेमे बाक्‍त। हितोपदेस २३:२१

लूका 15:22

मिनु आफोमी गेय पाइब आन कली ‘नेल्‍ल क्‍येङा दारशो फेक्‍तीक वा ग्रुंइशा, आं तौ कली फेक्‍तीने। आ गुइमी औंठी लिक्‍तीन। जुत्ता मुइक्‍पतीने।

१ कोरिन्‍थी 12:2

ख्रीस्‍त कली थमा सुइक्‍चा क्‍येङा ङोंइती गे मूर्ति पूजा पाइब बाक्‍तीनी। मिनु मेको मारेइ पने मचाप्‍ब मूर्ति गे इन थुं हिरशो बाक्‍तीनी। अय्‍युब २:१८-१९

तीतस 3:3

ङोंइती गो मरुप्‍ब बाक्‍तय। परमप्रभु यावे कली मटीब बाक्‍तय, हेंथे गाक्‍ब, मार मार दाक्‍तय, मेको दला दाक्‍स पाइब बाक्‍तय। ग्रांग्रा दिचा ङा गेय पाइब बाक्‍तय। गो मरिम्‍शो पा गेहे पाइतय। मिनु गोपुकी काइ मदाक्‍मुय। १कोरिन्‍थी ६:११; एफिसी २:२; एफिसी ५:८; १पत्रुस ४:३

यहोसु 10:16

मिनु मेको ५ जना पिपपुकी चहिं प्रोक्‍शा, माकेदा ङा पुक्‍खीमी ख्रुंइसाक्‍म।

न्‍यायाधीस 5:16

मारदे गोठम बाक्‍नीनी? मेको योव़ब आन ताप्‍शो नेंचा दाक्‍नीनी? मिनु रूबेन आ थर ङा मुर आन दातेमी शुश मिम्‍ना मिम्‍न बाक्‍तेक्‍म।

न्‍यायाधीस 5:19

कनान ङा पिपपुकी लडाइ पा जाक्‍तेक्‍म। मेगीददो आ नेक्‍था तानाक सहरमी लडाइ पाम्‍तेक्‍म। तन्‍न चांदी नु अरु रोइश्‍शो मारेइ यो लाइक्‍चा मताम।