भजन संग्रह 68:1 - Sunuwar Bible

¹ परमप्रभु बोक्‍ब। मिनु आ जोरी सत्रु ब्रशा, आ ङोंइती रे प्रोक्‍नीम। गन्‍ती १०:३५

भजन संग्रह 68:1 ပူးပေါင်းရင်းမြစ်များ

२ इतिहास 6:41

परमप्रभु यावे, परमप्रभु, मुल बोक्‍कीन। गे नु इन सक्ति ङा कबल पशो सन्‍दोस इन नाइश्‍शा बाक्‍तीकेम जाक्‍कीन। परमप्रभु यावे, परमप्रभु, इन कली चढ़ेबपुकीम इन मुर आन कली पाप क्‍याम्‍तीक गेय पपतीन। मिनु इन कली थमा सुइक्‍ब इन रिम्‍शो पशो तशा ग्‍येरसमल। भजन संग्रह १३२:८

भजन संग्रह 21:8

गे इन गुइमी इन जोरी सत्रु नेल्‍ल आन कली माल्‍शा ग्‍याइक्‍नीनी। इन कली काइ मदाक्‍ब आन कली इन ग्‍युरा गुइमी साइक्‍नीनी।

भजन संग्रह 44:26

बोक्‍कीन। मिनु आंइ कली वारच पने। इन गेना हना यो दाक्‍तीकेमी आंइ कली एको श्‍येत रे प्रोंइकी।

भजन संग्रह 59:11

मेको आन कली मसतीन। मो पाइतीनी हना, आं मुरपुकीमी प्रेंनीमी। परमप्रभु, गे आंइ तेक्‍तीक बाक्‍नीनी। गे मेको आन कली इन सक्तिमी एर ओंथ ब्रपाइश्‍शा, आइक्‍च सेलीन।

भजन संग्रह 68:14

मिनु नेल्‍ल क्‍येङा सक्ति पाइश्‍शोमी पिप आन कली ब्रपाइक्‍ची ना सल्‍मोन डांडामी फुं यिपाइक्‍तु। न्‍यायाधीस ५:१६

भजन संग्रह 68:30

बुदी मीलु आन दातेम बाक्‍ब जन्‍तु खोदेंशो मुर आन कली हुइक्‍तीन। जात जात ङा बाछा आन दातेम बाक्‍ब ब्‍यफ खोदेंशो मुर आन हुल कली खेरीन। मेकोपुकी ब्रुमा नोले चांदी चाक्‍चा माल्‍नीम। लडाइ पचा दाक्‍ब जात जात ङा मुर आन कली ब्रपतीन।

भजन संग्रह 89:10

गे राहाब कली बेक्‍शो जन्‍तु खोदेंशो पा साइक्‍तीनी। इन जोरी सत्रु आन कली इन सक्तिमी एर ओंथ ब्रपाइक्‍तीनी। इजीप्‍त रागी कली राहाब यो देंनीम। भजन संग्रह ८७:४ अय्‍युब ९:१३; अय्‍युब २६:१२; यसैया ३०:७; यसैया ५१:९

प्रस्‍थान 20:5

मेको आन कली बाप्‍शा सेउ मपने। मेको आन कली ठेयब मसेलीने। मारदे हना गो परमप्रभु यावे, इन परमप्रभु नङ। गो रुश पाइब परमप्रभु नङ। आं कली काइ मदाक्‍ब नु आ अरेशो मटीब मुर आन आल, चच, युइ नु युइ आन युइ आन पाला सम्‍म यो सजाइ गेब परमप्रभु नङ। प्रस्‍थान ३४:१४; ब्‍यवस्‍था ४:२४; ब्‍यवस्‍था ५:९; ब्‍यवस्‍था ६:१५; अय्‍युब २१:१९; येरमीया ३१:२९-३१; इजीकीएल १८:२५

यसैया 33:3

शुश रेयके नेंशा, जात जात ङा मुर प्रोक्‍नीम। इन सक्ति तशा, रागी रागी ङा मुर एर ओंथ ब्राइनीम।

इजीकीएल 5:2

मिनु मेको चां के भाग का सहर पुम्‍चा नुप्‍ची ना सहरम चोवो। मिनु अर्को भाग तरवारम सहर आ एर ओंथ फ्रावो। मिनु नोले ङा भाग फशेम बेरपतो। मारदे हना गो मेको आन कली तरवारम खेदा पाइनुङमी। इजीकीएल ५:२

दानीएल 2:35

मिनु मेको फलाम, खप, कांसा, चांदी नु सुन नेल्‍ल ब्रोल चिल दुम्‍तेक्‍म। मिनु फशेमी खला ङा भूस हुरशा लाइश्‍शो खोदेंशो पा मारेइ मवोइक्‍थु, ग्‍यौ फिक्‍शा योल्‍ताक्‍व। मिनु मेको मूर्ति कली ख्रशो फुल्‍लु बारना बारन लशा, ठेयब डांडा दुम्‍शा, रागी नेल्‍ल ब्रीत।

गन्‍ती 10:35

मिनु कुरबपुकीमी मेको कबल पशो सन्‍दोस कुरशा गाक्‍मानु, गेना हना यो मोसामी “परमप्रभु यावे, बोक्‍कीन। इन जोरी सत्रु एर ओंथ ब्रामल। मिनु इन जोरी सत्रु इन क्‍येङा प्रोक्‍मल” देंबाक्‍त। २इतिहास ६:४१; भजन संग्रह ३:८; भजन संग्रह ९:२०; भजन संग्रह १०:१२; भजन संग्रह १७:१३; भजन संग्रह ६८:२; भजन संग्रह १३२:८

ब्‍यवस्‍था 7:10

मेकोमी आ कली मदाक्‍ब आन कली चहिं क्‍येक्‍क लेश्‍शा, साइक्‍ब। आ कली मदाक्‍ब आन कली शुश मफाल्‍थु, मेको आन कली शोल्‍मो पा साइक्‍ब। नहुम १:२