भजन संग्रह 67:1 - Sunuwar Bible

¹ परमप्रभुमी इं कली शिशी पा आसीक गेवल। मिनु इं कली आ शिशी कोंइदल। ठेयब सेंदा पा।गन्‍ती ६:२४-२५

भजन संग्रह 67:1 ပူးပေါင်းရင်းမြစ်များ

भजन संग्रह 119:135

इन कुल इन गेय पाइब तार नां खोदेंशो पा ब्रपतीन। मिनु इन फुल्‍लुम मुशा ब्रेक्‍शो लोव़ आं कली शेंदीनी।

भजन संग्रह 28:9

इन मुर आन कली प्रोनीन। इन रागी कली आसीक गेने। मिनु मेको आन कली गेना हना यो गोठला खोदेंशो पा योव़शा, गुप्‍शा, कुरशा पने।

भजन संग्रह 31:16

इन छेङछेङ ङा कुल इन वाइल तारी वोतीन। इन शिशी पतीकेमी आं कली प्रोंइयीनी। भजन संग्रह ८०:४; गन्‍ती ६:२५

भजन संग्रह 4:1

गो इन कली लोव़ पङानु, आं कली लोव़ लेत्‍तीने। गे आं कली ठीक सेल्‍ब परमप्रभु बाक्‍नीनी। गो श्‍येत जङानु, आं कली बाक्‍तीक गेतीनी। गे आं कली शिशी पने। आं पुंइशो नेंशा गेयीनी।

भजन संग्रह 4:6

शुश मुरुमी “सुमी आंइ कली रिम्‍शो बाक्‍चा गेबा” दे हिल्‍लो पाइनीम। परमप्रभु यावे, इन कुल ङा छेङछेङ आंइ तार ब्रपतीन। गन्‍ती ६:२५

भजन संग्रह 6:1

परमप्रभु यावे, गे आं कली तशा गाइक्‍ताक्‍नी हना यो, सजाइ मगेयीनी। गे गाइक्‍ताक्‍नी हना यो, आं कली श्‍येत मगेयीनी। येरमीया १०:२४

भजन संग्रह 76:1

यहूदा आ रागीमी परमप्रभु कली तुइक्‍नीम। मेको आ नें इस्राएल रागीमी ठेयब बाक्‍ब।

भजन संग्रह 80:19

परमप्रभु यावे, मुर नेल्‍ल आन परमप्रभु, आंइ कली लेंशा सेल्‍की। इन कुल ङा छेङछेङ आंइ तार वोतीन। मिनु गो ब्रोंइनीकी।

भजन संग्रह 80:7

मुर नेल्‍ल आन परमप्रभु, आंइ कली लेंशा सेल्‍की। इन कुल ङा छेङछेङ आंइ तार वोतीन। मिनु गो ब्रोंइने चाप्‍कल।

२ कोरिन्‍थी 13:14

इं प्रभु येसु ख्रीस्‍त आ शिशी, परमप्रभु यावे आ दाक्‍तीके नु परमप्रभु यावे आ सोक्‍त गेना हना यो गेपुकी नु लील।

२ कोरिन्‍थी 4:6

परमप्रभु यावेमी “छिङछिङ जाम्‍शा, छेङछेङ दुम्‍ल” देंमाक्‍त। मेकोमी आंइ थुंमी छेङछेङ ब्रपाइश्‍शो बाक्‍त। गो परमप्रभु यावे आ छेङछेङ ख्रीस्‍त रे पा रुप्‍नीकी। उत्‍पत्ती १:३; २कोरिन्‍थी ३:१८

एफिसी 1:3

इं प्रभु येसु ख्रीस्‍त आ आफ परमप्रभु यावे कली “गे ठेयब बाक्‍नीनी” देंय। मारदे हना मेकोमी स्‍वर्गम आ सोक्‍तीम पतीके इं कली आसीक गेप्‍तु। मेको नेल्‍ल ख्रीस्‍तम बाक्‍ब।

ब्‍यवस्‍था 21:8

मोपतीके परमप्रभु यावे इन श्‍येत रे प्रोंइशो इन मुर इस्राएली आंइ पाप क्‍याम्‍दीन। इन मुर इस्राएली आन दातेमी एको दोस मतशो मुर कली पोक्‍शो हुश ख्राक्‍श आ पाप गो आंइ दा‍तेमी मलील” दे पुंइचा माल्‍नीम। मिनु मेको हुश ख्राक्‍श पोक्‍तीके पाप क्‍याम्‍सीब।