भजन संग्रह 65:9 - Sunuwar Bible

⁹ गे रागी हिरशा, रेउ यिपाइक्‍‍नीनी। गे मेको कली शुश ग्रेल्‍पाइक्‍नीनी। परमप्रभु आ खोला ब्‍वाक्‍कुम ब्रीशो बाक्‍नीम। मोपा मुर आन कली शुश अन्‍न ख्रेल्‍नीनी। मारदे हना मेकोन इन मिम्‍शो बाक्‍ब। भजन संग्रह ६७:७

भजन संग्रह 65:9 ပူးပေါင်းရင်းမြစ်များ

उत्पत्ती 26:12

मिनु इसहाकमी मेको रागीमी मार मार शोक्‍शा, मेको बर्सम गेडा का के सहे का गेडा सम्‍म सिप्‍पाइश्‍शा ख्रेला बाक्‍त। मारदे हना परमप्रभु यावेमी इसहाक कली आसीक गेवा बाक्‍त। हितोपदेस १०:२२

भजन संग्रह 107:37

मेकोपुकीमी रूमी वांचेर शोक्‍नीम। अङगुर ख्रुम्‍नीम। मिनु मेको नेल्‍ल शुश ग्रेल्‍नीम।

भजन संग्रह 147:14

मेकोमी इ सांदमी लडाइ मदुम्‍पाइक्‍ब। मेकोमी इ कली रिम्‍शो चेरबीम रूपाइक्‍ब।

भजन संग्रह 46:4

मिनु ठेयब खोला का बाक्‍ब। मेको रे पा ब्राशो आइक्‍च खोलापुकीमी परमप्रभु आ बाक्‍तीके सहर कली ग्‍येरपाइक्‍नीम। मेको नेल्‍ल क्‍येङा ठेयब आ बाक्‍तीके सहर बाक्‍त। यसैया १२:५

भजन संग्रह 63:1

परमप्रभु, गे आं परमप्रभु बाक्‍नीनी। गो इन कली थमा पा माल्‍नुङ। गो ब्‍वाक्‍कु तूतू दाक्‍शो खोदेंशो पा आं थुंमी इन कली माल्‍नुङ। गो ब्‍वाक्‍कु मबाक्‍शो रागीम ब्‍वाक्‍कु माल्‍शो खोदेंशो पा इन कली माल्‍स ङा माल्‍स बाक्‍नुङ। भजन संग्रह ४२:३

भजन संग्रह 65:11

गे इन गेना हना यो दाक्‍तीकेमी शुश अन्‍न ग्रेल्‍ब सेल्‍नीनी। इन बग्‍गी मारेइ मारेइम ब्रीशो बाक्‍नीम।

यसैया 41:5

समुन्‍द्र आ नेक्‍था बाक्‍ब मुरपुकी मेको तशा, हिंनीम। रागी आ सुर सम्‍म हिम्‍सीब। मिनु मेकोपुकी जाक्‍शा, आं नेक्‍था पिम्‍तेक्‍म।

येरमीया 14:22

रागी रागी ङा मुर आन देवी देवता आन दाते ङा तेकोइमी रेउ यिपाइक्‍ने चाप्‍नीमी ङा? मार, सरीङ आमा रेउ यिपाइक्‍ने चाप्‍बा ङा? मेको पाइब गे परमप्रभु यावे, आंइ परमप्रभु मननी ङा? मोपतीके गो इन कली आस पाइ‍नीकी। मारदे हना गे ला एको नेल्‍ल पने चाप्‍नीनी” देंती।

येरमीया 5:24

मेकोपुकीमी ‘गोपुकी परमप्रभु यावे, इं परमप्रभु कली मान पा हिंय। मेकोमी माल्‍ची ना रेउ गेब। मेकोम बर्खा नु हिंउद ङा रेउ गेब। मिनु अन्‍न रिक्‍शा खुप्‍ची ना ङा नाक्‍ती गेब’ मदेंम” देंत। ब्‍यवस्‍था ११:१४

दानीएल 4:2

नेल्‍ल क्‍येङा ठेयब परमप्रभुमी आं कली चिन्‍ड नु छक लाक्‍चा ङा गेय कोंइताक्‍यी। मिनु मेको लोव़ इन कली शेंचा रिम्‍शो लाक्‍ती।

लेवी 26:4

गो रेउ यिची ना रेउ यिपाइक्‍नुङ। मिनु इन रूम शुश अन्‍न ग्रेल्‍नीम। मिनु रवाम शुश फल फुल सित्‍नीम।

मलाकी 1:11

“नां दाप्‍तीक रे नां पेरतीक सम्‍म रागी रागी ङा मुर आन दातेमी आं नें ठेयब बाक्‍ब। रागी नेल्‍ल ङा मुरपुकीमी आं कली धूप चोशा, रिम्‍शो थोव़क चढ़ेनीम। मारदे हना रागी रागी ङा मुर आन दातेमी आं नें ठेयब बाक्‍ब” दे मुर नेल्‍ल आन परमप्रभु यावेमी देंत। यसैया ६०:१-७

प्रेरित 14:17

आन दला दाक्‍स पा बाक्‍तेक्‍म हना यो, परमप्रभुमी मेको आन कली तुइक्‍पांइसीन सीन बाक्‍त। दोपा तुइक्‍पांइसीन सीन बाक्‍त देंशा हना, रेउ यिपा मार मार वापा इन कली जाक्‍दीत्‍चा ङा पा जचा नु फेक्‍चा गेशा, ग्‍येरशा बाक्‍चा गेशो बाक्‍त” देंसा बाक्‍त।

प्रकाश 22:1

मिनु परमप्रभु यावे आ स्‍वर्ग ङा गेय पाइबमी ब्रोंइचा गेब खोला कोंइताक्‍यी। मेको खोला टल्‍केशो सिसा खोदेंशो तांइसाक्‍व। मिनु मेको खोला परमप्रभु यावे नु पाठा आस ठेयब नित्‍तीके रे ग्रूशा, इजीकीएल ४७:१-१२; जकरिया १४:८; उत्‍पत्ती २:९-१०

रूथ 1:6

मिनु नोले नाओमी आ चाइमी निक्‍शी नु मोआब रे आ रागी लेत्‍चा चिक्‍ता बाक्‍त। मारदे हना मोआब रागीम बाक्‍मेनु, नाओमीमी “परमप्रभु यावेम आ मुर आन कली मिम्‍शा, मेको आन कली जचा गेप्‍तु” देंशो लोव़ नेना बाक्‍त। २राजा ८:३