भजन संग्रह 65:3 - Sunuwar Bible

³ गो आंइ पापमी ग्रुम्‍कानु, आंइ मरिम्‍शो पशो माफ गेतीनी।

भजन संग्रह 65:3 ပူးပေါင်းရင်းမြစ်များ

१ राजा 9:3

मिनु परमप्रभु यावेमी मेको कली “गो इ आं ङोंइती पशो प्रार्थना नु इ पुंइशो लोव़ नेंता। गो एको इ सेल्‍शो खिं कली आं के सेल्‍ता। मिनु गो गेना हना यो एकेर बाक्‍नुङ। आं थुं एकेर बाक्‍शा, गो एको खिं कली गेना हना यो कोव़नुङ। १राजा ८:२९

२ राजा 19:20

मिनु आमोज आ तौ यसैयाम हिज्‍कीयाह कली “परमप्रभु यावे, इस्राएली आन परमप्रभुमी मार देंत देंशा हना ‘गो अस्‍सुर ङा पिप सन्‍हेरीब आ पर्बम इ पुंइशो लोव़ नेंता’ देंत।

२ राजा 20:5

मार लोव़ पवा बाक्‍त देंशा हना “लेश्‍शा लशा, परमप्रभु यावे इ किकी दाऊद आ परमप्रभुमी ‘आं मुर आन कली सासन पाइब हिज्‍कीयाह कली “गो इ पुंइशो लोव़ नेंता। मिनु इ प्रेक्‍कु ताता। गो इ कली सापाइक्‍नुङ। मिनु नाक्‍त सां नोले गे परमप्रभु यावे आ खिं लाइनेवे।

भजन संग्रह 38:4

आं मरिम्‍शो पशोमी आं पिया सम्‍म ग्रुम्‍शो बाक्‍ब। मेको आं कुरने मचाप्‍चा ङा पा हेल्‍शो बाक्‍नीम। बिलाप १:१४;

भजन संग्रह 40:12

मारदे हना हिक्‍ने मचाप्‍चा ङा श्‍येतपुकीमी आं कली पुम्‍शो बाक्‍नीम। आं मरिम्‍शो पतीकेम आं पिया खुक्‍शो बाक्‍ती। मेकोपुकी आं पिया ङा चां क्‍येङा यो शुश बाक्‍नीम। मोपा आं थुं लुक्‍च लशो बाक्‍ब।

भजन संग्रह 51:7

गे हिस्सोप के ब्राक्‍सुमी आं पाप क्‍याम्‍दीन। मिनु आं पाप क्‍याम्‍सीशो बाक्‍ब। मिनु आं कली चिक्‍तीनी। मिनु गो फुं क्‍येङा बुश दुम्‍नुङ। प्रस्थान १२:२२-२३; यसैया १:१८

भजन संग्रह 79:9

आंइ कली श्‍येत रे प्रोंइब परमप्रभु, इन नें ङा सक्तिमी आंइ कली वारच पने। इन नें आ पर्बम आंइ कली प्रोनीन। मिनु आंइ पाप क्‍याम्‍दीने।

यसैया 6:7

मिनु मेकोमी आं शोव़ मीम थिपाइश्‍शा “मुल एको मीम इ शोव़ थिप्‍तु, इ दोस ततीक लोव़ नु इ पाप क्‍याम्‍साक्‍व” देंत।

यसैया 66:23

मिनु नोले औंसी रे औंसी सम्‍म नु नाइक्‍तीक नाक्‍ती रे नाइक्‍तीक नाक्‍ती सम्‍म मुर नेल्‍ले आं कली ठेयब सेल्‍चा कली आं ङोंइती जाक्‍नीम। गन्‍ती १०:१०

येरमीया 16:19

मिनु मेकोपुकीमी “परमप्रभु यावे, गे आं सक्ति नु आं ख्रुइश्‍शा, ब्रोंइशा बाक्‍तीक बाक्‍नीनी। गे श्‍येत जची ना आं ख्रुइक्‍तीके बाक्‍नीनी। रागी रागी ङा मुर रागी ङा सुर रे इन ङोंइती जाक्‍नीम। मिनु मेकोपुकीमी ‘आंइ किकी पिपी आन देवी देवता जोल ला बाक्‍तेक्‍म। मेको शोर गाक्‍शो बाक्‍तेक्‍म। भजन संग्रह ३६:७

जकरिया 13:1

मेको नाक्‍ती दाऊद आ खिं नु यरूसलेममी बाक्‍ब मुर आन पाप नु आन मरिम्‍शो पशो क्‍याम्‍चा कली ब्‍वाक्‍कु बुक्‍तीके का बुक्‍शा ग्रू‍ब। यसैया १२:३; यसैया ५५:१

यूहन्‍ना 1:29

आ दीसा यूहन्‍नामी येसु कली आ बाक्‍तीक गे पिना पिन पशो तशा “परमप्रभु यावे आ पाठा मेकोन बाक्‍ब। मेकोमी रागी नेल्‍ल ङा मुर आन मरिम्‍शो पशो क्‍याम्‍ब। यसैया ५३:७

गलाती 5:17

मुर आ थुंमी मिम्‍शो पचा नु परमप्रभु यावे आ सोक्‍तीम ब्रीशो थुं आ मिम्‍शो पचा मगारब। रिम्‍शो पय देंतीनी हना यो, रिम्‍शो पने मचाप्‍नीनी। रोमी ७:१५,२३

हिब्रू 9:14

ख्रीस्‍त आ हुशेमी मेको क्‍येङा इं पशो जाम्‍शा लतीक गेय रे चोव़खो सेल्‍ने चाप्‍ब। गेपुकी ब्रोंइशा बाक्‍ब परमप्रभु यावे आ गेय पचा कली ख्रीस्‍त गेना हना यो बाक्‍शो सोक्‍तीम पतीके मारेइ मरिम्‍शो मपथु, परमप्रभु यावे आ ङोंइती आंम कली चढ़ेवा बाक्‍त। १पत्रुस १:१८-१९; १यूहन्‍ना १:७; प्रकाश १:५; हिब्रू १:३

प्रकाश 1:5

मिनु येसु ख्रीस्‍तमी यो मो देंत। मिनु मेको सु बाक्‍ब देंशा हना, परमप्रभु यावे आ देंशो थमा पाइब सांकछी नु नेल्‍ल क्‍येङा ङोंइती बेक्‍शो रे सेंसीशो नु रागी ङा पिप आन कली सासन पाइब बाक्‍ब। येसु ख्रीस्‍तमी इं कली दाक्‍शा, आ हुशेमी इं पाप रे प्रोंइतु। प्रकाश ३:१४; यूहन्‍ना १८:३७; १तिमोथी ६:१३