भजन संग्रह 64:9 - Sunuwar Bible

⁹ नोले मुर नेल्‍ल हिंनीम। मिनु परमप्रभु आ पशो आ पर्बम लोव़ पाइनीम। मिनु मेको आ पशो मिम्‍नीम। प्रस्‍थान ८:१५

भजन संग्रह 64:9 ပူးပေါင်းရင်းမြစ်များ

भजन संग्रह 119:20

आं थुं गेना हना यो इन पतीक लोव़ तुइक्‍चा कली माल्‍स ङा माल्‍स बाक्‍ब।

भजन संग्रह 140:10

गे मेको आन तारी ब्रशो कोइला मोतीन। मेकोपुकी गेनायो ग्रूने मचाप्‍चा पा खाल्‍टाम बिक्‍मल।

भजन संग्रह 40:3

मेकोमी आं कली नक कुम्‍सो का पपाइक्‍ती। आंइ परमप्रभु कली ठेयब सेल्‍तीक कुम्‍सो पपाइक्‍ती। मिनु शुश मुरुम एको तशा, नेंशा, परमप्रभु यावे कली मान पा हिंशा, मेको कली थमा सुइक्‍नीम। भजन संग्रह ३३:३

भजन संग्रह 53:5

मिनु नोले मेकोपुकी थाम्‍पा हिंनीम। ङोंइती मोपा हिंतीके मबा। मारदे हना परमप्रभुमी थमा मसुइक्‍ब आन रुश फ्राइब। मिनु मेकोपुकी मुने दोक्‍नीम। मारदे हना परमप्रभुमी मेको आन कली तिल्‍शो बाक्‍ब।

भजन संग्रह 58:11

मिनु मुरपुकीमी “ठीक पाइबपुकीमी थमा पा इनाम ताइनीम। थमा पा, परमप्रभु रागीम निसाफ पाइब बाक्‍ब” देंनीम।

भजन संग्रह 59:13

मेको आन कली इन गाइक्‍तीकेमी सतीन। गे मेको आन कली रागी रे क्‍याम्‍ताक्‍नी हना, मुर नेल्‍लेमी परमप्रभुमी याकूब कली सासन पाइब, दे तुइक्‍नीम। ठेयब सेंदा पा।

यसैया 5:12

बीना, तार पाइश्‍शो ठेयब ताप्‍तीके, खैजडी नु बांसुरी नेंशा, शांबु दुक्‍नीनी। तन्‍न परमप्रभु यावे आ पशो प्रेंशा ममिम्‍नीनी। आ गुइ ङा गेय मताइनीनी। आमोस ६:५-६; भजन संग्रह ४४:२

येरमीया 50:28

मिनु परमप्रभुमी “नेनीन, बेबीलोन रे प्रोक्‍ब मुर नु मेकेर बाक्‍ब अर्को रागी रे प्रोक्‍शो मुरुम सियोनम ‘परमप्रभु यावे, आंइ परमप्रभुमी क्‍येक्‍क लेप्‍ब। आ खिं आ पर्बम क्‍येक्‍क लेप्‍ब’ दे नेल्‍लेम नेंचा ङा पा शेंनीम।

येरमीया 51:10

परमप्रभु यावेमी आंइ ठीक पतीके कोंइताक्‍व। जाक्‍कीन, मिनु इं परमप्रभु यावेमी मार पवा, मेको सियोनमी नेंपाइश्‍शा देंय।

इजीकीएल 14:23

मेको आन मिम्‍शो नु आन पशो तशा, मेकोपुकीम इ थुं नाइक्‍पाइक्‍नीम। मिनु गो मेकेर मार मार पङा, मेको नेल्‍ल मोशीन मपङ, दे तुइक्‍नेवे” दे परमप्रभु, परमप्रभु यावेमी देंत।

होसे 14:9

सु जोक्‍ब तुइक्‍ब बाक्‍बा, मेकोमी एको लोव़ तुइक्‍तल। सु के रुप्‍ब थुं बाक्‍मे, मेकोमी एको लोव़ रुबल। परमप्रभु यावे आ लां ठीक बाक्‍नीम। मिनु ठीक पाइबपुकी मेको आ लांमी गाक्‍नीम। तन्‍न आ देंशो मटीबपुकी मेको आ लांमी दाइल पाइसीनीम” दे परमप्रभुम देंत।

प्रकाश 11:13

मिनु मेको निक्‍शी लसानु, ठेयब ख्रिनु कुत। मेको सहर ङा १० भाग ङा भाग का ब्रेत्‍त। मिनु ७ हजार मुर मेको ख्रिनुमी बेक्‍तेक्‍म। मेको लीशो मुरपुकी चहिं क्‍युल क्‍युल पा हिंशा, स्‍वर्ग ङा परमप्रभु यावे कली मान पाम्‍तेक्‍म।