भजन संग्रह 64:4 - Sunuwar Bible

⁴ मेकोपुकीमी बाप्‍शा, दोस मपाइश्‍शो मुर आन कली आप्‍नीम। मेकोपुकीमी मेको आन कली महिंथु ब्रा ब्रु आप्‍नीम।

भजन संग्रह 64:4 ပူးပေါင်းရင်းမြစ်များ

२ सामुएल 15:14

मिनु दाऊदम यरूसलेमम आं नु बाक्‍ब आ ठेयब गेय पाइब आन कली “बोक्‍कीन, गोपुकी रीब पा प्रोक्‍चा माल्‍नय। मो मपाइतय हना, गो सुइ अब्‍सालोम आ गुइ रे ब्रोंइचा मताइ‍नय। रीब पा पने, मो मदुम्‍त हना, मेकोमी इं क्‍येङा लाक्‍शा, इं कली शुश श्‍येत गेशा, सहर कली लडाइ तोइब” देंमाक्‍त।

नेहेम्‍याह 4:11

मिनु आंइ जोरी सत्रुपुकीमी “मेको आन मतुइक्‍थु, मतथु, मेको आन दातेमी जाक्‍दीश्‍शा, मेको आन कली साइश्‍शा, आन गेय थुम्‍पाइय्‍य” देंमुमा बाक्‍त।

भजन संग्रह 11:2

नेनीन, इन अरेशो मटीबपुकीमी आन लिब्रा कीशा, आन ब्रा डोरीम वोइश्‍शा, ठीक पाइब रिम्‍शो थुं पाइश्‍शो मुर आन कली ख्रुइश्‍शा आप्‍नीम।

भजन संग्रह 55:19

परमप्रभु गेना हना यो ठेयब नित्‍तीकेमी निश्‍शो बाक्‍ब। मेकोमी मेको आन लोव़ नेंशा, श्‍येत गेब। ठेयब सेंदा पा। मारदे हना मेकोपुकीमी आन लां गेनायो ठीक मसेल्‍नीम। परमप्रभु कली मान पा महिंनीम।

भजन संग्रह 55:22

इन थुं ङा श्‍येत नु मार पचा दो पचा देंतीके परमप्रभु यावे आ ङोंइती वोतीन। मिनु मेकोमी इन कली कुक्‍ब। मेकोमी ठीक पाइब आन कली गेनायो हिम्‍सीचा मगेब। १पत्रुस ५:७

भजन संग्रह 57:5

परमप्रभु, गे सरीङ क्‍येङा ठेयब बाक्‍नीनी। मिनु रागी इन सक्तिम प्रिंदीन।

भजन संग्रह 64:7

तन्‍न परमप्रभुमी मेको आन कली ब्रा आप्‍ब। मिनु मेको आन मतुइक्‍थु गोल्‍नीम।

हबकुक 3:14

मिनु गे मेको आ लडाइ पाइब आन ब्राम आन पिया ख्रित्‍तीनी। मेकोपुकी ख्रुइश्‍शा बाक्‍ब प्रुङग मुर आन कली साइक्‍चा थुं पा फश गिवार खोदेंशो पा जाक्‍शो बाक्‍‍तेक्‍म।

यूहन्‍ना 19:6

मिनु ठेयब चढ़ेब नु यहूदी आन ठेयब मुरपुकीमी “शीमी कांटी थोक्‍शा क्‍याइश्‍शा सतीन। शीमी कांटी थोक्‍शा क्‍याइश्‍शा सतीन” देंना देंन ग्रीतेक्‍म। मिनु पिलातसमी “गो एको कली मरिम्‍शो पाइब मसुइक्‍नुङ। मोपतीके गेपुकी एको कली लाइश्‍शा, शीमी कांटी थोक्‍शा क्‍याइश्‍शा सतीन” दे माइक्‍तीमी।

१ सामुएल 18:11

मेकोम “गो दाऊद कली गारोम क्‍येप्‍नुङ” दे मिम्‍शा, आ तूतीक आबा बाक्‍त। तन्‍न दाऊद निक्‍शी खेयप दिल्‍शा मख्रपांइसे बाक्‍त। १सामुएल १९:१०; १सामुएल २०:३३

१ सामुएल 19:10

मिनु सावलम दाऊद कली गारोम क्‍येप्‍चा ङा पा तूतीकेम आबा बाक्‍त। तन्‍न दाऊद दिल्‍माक्‍त। मिनु मेको तूतीक गारोम ग्रुक्‍से बाक्‍त। दाऊद चहिं ब्रोंइशा प्रोक्‍माक्‍त।