भजन संग्रह 6:2 - Sunuwar Bible

² परमप्रभु यावे, गे आं कली शिशी पने। मारदे हना गो बेक्‍चा चिक्‍शो बाक्‍नुङ। गे आं कली सापाइय्‍यीनी। मारदे हना आं खोइली ख्रिंख्रि पाइब।

भजन संग्रह 6:2 ပူးပေါင်းရင်းမြစ်များ

उत्पत्ती 20:17

मिनु अब्राहामम अबीमेलेक आ पर्बम परमप्रभु कली पुना बाक्‍त। मिनु परमप्रभुमी अबीमेलेक, आ मीश नु आ गेय पाइब नेल्‍ल आन पर्बम आल मथितीक रोइ रे सापदा बाक्‍त।

अय्‍युब 19:21

आं वारचपुकी, आं कली शिशी पाइय्‍यीनी, शिशी पाइय्‍यीनी। मारदे हना परमप्रभुम आं कली दिप्‍शा, श्‍येत गेशो बाक्‍ब।

अय्‍युब 5:18

मारदे हना मेकोमी गार सेल्‍ब। मिनु मेकोमीन फ्रेंब। मेकोमी तुप्‍ब। मिनु मेकोमीन सापाइक्‍ब। ब्‍यवस्‍था ३२:३९; होसे ६:१

भजन संग्रह 22:14

गो लुक्‍शो ब्‍वाक्‍कु खोदेंशो दुम्‍ती। आं रुश नेल्‍ल गलाक गुलुक दुम्‍तेक्‍म। आं लुङगीर मयीन खोदेंशो दुम्‍शा, यशो बाक्‍ब।

भजन संग्रह 30:2

परमप्रभु यावे, आं परमप्रभु, इन कली “वारच पाइय्‍यीनी” दे ब्रेङङानु, गे आं कली सापाइक्‍तीनी।

भजन संग्रह 31:10

आं थुं ग्‍येत्‍थ लुक्‍च लतीके, गो बेक्‍चा चिक्‍शो बाक्‍ती। हुक‍यी पतीकेमी आ ब्रोंइतीक नाक्‍ती योल्‍तेक्‍म। आं ठीक मपशोमी आं बोल नेल्‍ल ग्‍युम्‍शो बाक्‍ब। मिनु आं रुश नेल्‍ल मुक्‍शो बाक्‍नीम।

भजन संग्रह 32:3

गो आं मरिम्‍शो पशो आ पर्बम सिक्‍सी पा बाक्‍शा, नाक्‍त रे आं श्‍येत जशोमी हुक‍यी पाता। मिनु आं रुश नेल्‍ल मुक्‍ताक्‍मे।

भजन संग्रह 38:2

मारदे हना इन ब्राम आं कली देश्‍शो बाक्‍नीम। मिनु इन गुइमी आं कली चिप्‍शो बाक्‍ब। अय्‍युब ६:४

भजन संग्रह 38:3

इन गाइक्‍तीकेमी आं रां नेल्‍ल खाइश्‍शो बाक्‍ब। आं मरिम्‍शो पतीकेम आं रुश नेल्‍ल मुक्‍शो खोदेंशो बाक्‍नीम।

भजन संग्रह 38:7

आं ची नेल्‍ल खाइश्‍शो बाक्‍ब। आं रां नेल्‍ल सेस मबाक्‍ब।

भजन संग्रह 51:8

आं कली ग्‍येरतीके नु थुं नाइक्‍तीके लोव़ नेंपाइय्‍यीनी। मिनु इन फस पोक्‍शो आं रुश लेंशा ग्‍येरसमल। भजन संग्रह ३२:३-४

प्रस्‍थान 15:26

मिनु मेकोमी “गे परमप्रभु यावे, इन परमप्रभु आं लोव़ नेंशा, आं ङोंइती ठीक पाइतीनी हना, आं शेंशो लोव़ नेंशा, टि‍शा, आं अरेशो लोव़ टीतीनी हना, गो इजीप्‍त रागी ङा मुर आन कली पपाइश्‍शो रोइ इन कली मपपाइक्‍नुङ। मारदे हना गो इन कली सापाइक्‍ब परमप्रभु यावे नङ” देंत। ब्‍यवस्‍था ७:१५; उत्‍पत्ती २०:१७; ब्‍यवस्‍था ३२:३९; भजन संग्रह ३०:३; यसैया ५७:१८

येरमीया 10:24

परमप्रभु यावे, आं कली रिम्‍शो सेल्‍यीनी। तन्‍न ठीक निसाफ पतीकेम ला रिम्‍शो सेल्‍यीनी। इन गाइक्‍तीकेम ममाइ। मो दुम्‍त हना, गे आं कली साइक्‍नीनी। येरमीया ३०:११; येरमीया ४६:२८; भजन संग्रह ६:२; हबकुक १:१२

येरमीया 17:14

मिनु गो “परमप्रभु यावे आं कली सापाइय्‍यीनी। मिनु गो सानुङ। आं कली प्रोंइयीनी। मिनु गो ब्रोंइनुङ। मारदे हना गे आं सक्ति बाक्‍नीनी। प्रस्‍थान १५:२६; बजन संग्रह ६:३

होसे 6:1

मिनु मार लोव़ पाइनीम देंशा हना “पिन, गोपुकी परमप्रभु यावे गे लेय्‍य। मेकोमी आंइ कली टुक्रा टुक्रा पशो बाक्‍त। मिनु आंइ कली सापाइक्‍ब। मेकोमी आंइ कली तुप्‍तु। मिनु मेकोमी आंइ कली ओख्‍ती पाइक्‍ब। होसे ५:१४

गन्‍ती 12:13

मिनु मोसामी परमप्रभु यावे कली “परमप्रभु, एको कली सापतीन” दे पुंइतु। प्रस्‍थान १५:२६

मत्ती 4:24

मिनु सिरीया रागी नेल्‍ल मेको आ पर्बम लोव़ ब्रम्‍माक्‍त। मिनु रोइ पशो मुर नेल्‍ल आन कली येसु आ बाक्‍तीकेमी चाक्‍स ङा चाक्‍स पाइबाक्‍मा बाक्‍त। वोलमी तशो, वोलमी सुम्‍शो नु गुइ खोइल मदुक्‍ब मुर चाक्‍गमे बाक्‍त। मिनु येसुमी मेको नेल्‍ल आन कली सापाइक्‍मी बाक्‍त। मर्कूस ६:५५

ब्‍यवस्‍था 32:39

मुल कोव़ङीन, गो ला परमप्रभु नङ। आं क्‍येङा लाक्‍शा सुइ परमप्रभु मबाक्‍ब। गो साइक्‍ब नु ब्रोंइपाइक्‍ब नङ। गो गार सेल्‍ब नु सापाइक्‍ब नङ। आं गुइ रे ब्रोंइब सुइ मबाक्‍ब। ब्‍यवस्‍था ४:३५; यसैया ४५:५; १सामुएल २:६; प्रस्‍थान १५:२६; अय्‍युब ५:१८; होसे ६:१-२