भजन संग्रह 59:5 - Sunuwar Bible

⁵ परमप्रभु यावे, मुर नेल्‍ल आन परमप्रभु, इस्राएल आ परमप्रभु, रागी रागी आन कली सजाइ गेचा कली बोक्‍कीन। इन कली प्रोंइशा, मरिम्‍शो पाइब आन कली काइ शिशी मपने। ठेयब सेंदा पा।

भजन संग्रह 59:5 ပူးပေါင်းရင်းမြစ်များ

उत्पत्ती 33:20

मिनु मेकेर चढ़ेतीक का सेला बाक्‍त। मेको आ नें “एल-एलोहे-इस्राएल” दे वोदा बाक्‍त। मेको आ अर्थ परमप्रभु, इस्राएल आ परमप्रभु बाक्‍ब। उत्‍पत्ती १२:७-८

भजन संग्रह 54:3

मरिम्‍शो पाइबपुकी आं गे बारतेक्‍म। हुश ख्राक्‍श पोक्‍बपुकीमी साइक्‍चा माल्‍तीमी। मेकोपुकी परमप्रभु कली ममिम्‍थु, महिंनीम। ठेयब सेंदा पा।

भजन संग्रह 55:15

बेक्‍पाइक्‍बमी आं जोरी सत्रु आन कली आन मतुइक्‍चा ङा पा जाक्‍शा दाक्‍गल। मेकोपुकी सेलीन बेक्‍शो मुर आन बाक्‍तीके लमल। मारदे हना मेको आन दातेमी मरिम्‍शो पतीके बाक्‍ब। गन्‍ती १६:३१-३३

भजन संग्रह 7:7

मिनु रागी रागी ङा मुरपुकी इन ङोंइती राप्‍नीम। मोपतीके इर ङा इन बाक्‍तीकेम मेको आन कली निसाफ पचा कली इन ठेयब नित्‍तीकेमी निस्‍सीन।

भजन संग्रह 80:4

परमप्रभु यावे, मुर नेल्‍ल आन परमप्रभु, इन मुर आन पुंइशो आ पर्बम गेना सम्‍म गाइक्‍नीनी?

भजन संग्रह 84:8

परमप्रभु यावे, मुर नेल्‍ल आन परमप्रभु, आं पुंइशो लोव़ नेनीन। याकूब आ परमप्रभु आं लोव़ नेनीन! ठेयब सेंदा पा।

भजन संग्रह 9:15

रागी रागी ङा मुरपुकी आंमा दोशो ठेयब खाल्‍टाम बिक्‍शो बाक्‍नीम। मिनु आन दाइश्‍शो ग्‍याइलीमी आंमा रेश्‍शो बाक्‍नीम।

प्रस्‍थान 20:5

मेको आन कली बाप्‍शा सेउ मपने। मेको आन कली ठेयब मसेलीने। मारदे हना गो परमप्रभु यावे, इन परमप्रभु नङ। गो रुश पाइब परमप्रभु नङ। आं कली काइ मदाक्‍ब नु आ अरेशो मटीब मुर आन आल, चच, युइ नु युइ आन युइ आन पाला सम्‍म यो सजाइ गेब परमप्रभु नङ। प्रस्‍थान ३४:१४; ब्‍यवस्‍था ४:२४; ब्‍यवस्‍था ५:९; ब्‍यवस्‍था ६:१५; अय्‍युब २१:१९; येरमीया ३१:२९-३१; इजीकीएल १८:२५

प्रस्‍थान 3:15

मिनु लेंशा परमप्रभुमी मोसा कली “इस्राएल ङा मुर आन कली मार देंचा माल्‍नेवे देंशा हना ‘परमप्रभु यावे, इन किकी पिपी अब्राहाम, इसहाक नु याकूब आन परमप्रभुमी इन कली ग्रुम्‍थ सोइक्‍ताक्‍यी। आं नें गेना हना यो लीब। नेल्‍ल पाला ङा मुरुम आं नें आन थुंमी मिम्‍शा वोइक्‍चा माल्‍नीम’ देंचा माल्‍नेवे। प्रस्‍थान ६:२-३; यसैया ४२:८

यसैया 1:10

सोदोम ङा सासन पाइबपुकी, परमप्रभु यावे आ लोव़ नेनीन। गोमोररा ङा मुरपुकी आंइ परमप्रभु आ शेंशो लोव़ नेनीन।

यसैया 27:11

मिनु मेको आ राशी सोव़शा, जिक्‍नीम। मिनु मीश मुरपुकी जाक्‍शा, चोचा कली शी खुप्‍‍नीम। मारदे हना मेकोपुकी रुप्‍तीक मपाइश्‍शो थर ङा मुर बाक्‍नीम। मोपतीके मेको आन कली सेल्‍बमी मेको आन कली शिशी मपाइब। येरमीया ४:२२; ब्‍यवस्‍था ३२:१८

येरमीया 18:23

मिनु परमप्रभु यावे, आं कली साइक्‍चा माल्‍शो नु मरिम्‍शो पाइब नेल्‍ल आन कली तुइक्‍ताक्‍नी। मेको आन मरिम्‍शो पशो माफ मगेने। इन ङोंइती रे मेको आन पाप मतिलीन। मेको इन ङोंइती दाइल पांइसीमल। गे गाइक्‍तीनीनु, मेको आन कली मार पचा माल्‍बा, मेको पने” देंत। मत्ती ६:१५

दानीएल 6:7

गो इन राज्‍य ङा ठेयब कोव़ब, आइक्‍च नु ठेयब हुकुम पाइब, अर्ती गेब नु इन रागी ङा ठेयब मुर नेल्‍ल नु गारशा, गे पिपमी, कानुन का सेल्‍चा माल्‍नीनी। मार कानुन सेल्‍चा माल्‍नीनी देंशा हना, मुल ३० नाक्‍त सम्‍म इन क्‍येङा लाक्‍शा, सुइ मुरपुकीम आंम देवी देवता नु मुर आन कली मारेइ पुंइने मचाप्‍नीम। इन क्‍येङा लाक्‍शा अरु सुइ कली पुंइतेक्‍म हना, मेको मुर गुप्‍स वोइक्‍तीकेमी ताइक्‍चा पुंइसीब, दे ब्रेक्‍शा छाप थोक्‍शा वोतीन।

आमोस 9:7

मिनु परमप्रभु यावेमी इस्राएल ङा मुर आन कली “गे आं कली एथीयोपीया ङा मुर खोदेंशो बाक्‍नीनी। गो इस्राएली आन कली इजीप्‍त रागी रे, पलिस्‍ती आन कली काफ्‍तोर रागी रे नु अरामी आन कली कीर रागी रे ग्रुंइशा चाक्‍शो मनङमी ङा?” देंशो बाक्‍ब। ब्‍यवस्‍था ७:७; येरमीया ४७:४

रोमी 9:6

परमप्रभु यावे आ लोव़ मदुम्‍थु मलीब। मारदे हना इस्राएल रागी ङा मुर नेल्‍ल इस्राएली मदुम्‍नीम। गन्‍ती २३:१९; रोमी २:२८

याकूब 2:13

शिशी मपाइबपुकीमी निसाफ पची नाक्‍त शिशी मताइनीम। निसाफ क्‍येङा शिशी ठेयब बाक्‍ब। मत्ती ५:७; मत्ती १८:३०,३४; मत्ती २५:४०,४६