भजन संग्रह 56:6 - Sunuwar Bible

⁶ मिनु मेकोपुकीमी आं कली क्‍यारी पा बाप्‍शा साइक्‍चा माल्‍नीम।

भजन संग्रह 56:6 ပူးပေါင်းရင်းမြစ်များ

अय्‍युब 14:16

गे आं पशो नेल्‍ल मकोव़नीनी। गे आं पाप हिक्‍शा मवोइक्‍नीनी।

अय्‍युब 16:10

मुरपुकीम आं कली शुक्‍शी पशो बाक्‍तेक्‍म। मेकोपुकीम आं चोव़चो शुश राप्‍शो बाक्‍तेक्‍म। आं कली मरिम्‍शो पाइक्‍चा कली बुक्‍तेक्‍म।

अय्‍युब 31:4

परमप्रभुम आं पशो नेल्‍ल तुइक्‍ब। मिनु आं गाक्‍शो नेल्‍ल कोव़ब। अय्‍युब २३:१०

भजन संग्रह 140:2

मेकोपुकीमी आन थुंमी मरिम्‍शो पतीक मिम्‍ना मिम्‍न बाक्‍नीम। मिनु जिचा पोक्‍नीम।

भजन संग्रह 37:32

परमप्रभु आ अरेशो मटीबपुकीमी बाप्‍शा, ठीक पाइब आन कली साइक्‍चा माल्‍नीम।

भजन संग्रह 57:6

मेकोपुकीमी आं खोइली रेप्‍पाइक्‍चा कली ब्‍वारद दाइक्‍ताक्‍म। गो श्‍येत जशा गुर ब्‍वेशो बाक्‍नुङ। मेकोपुकीमी आं लांम खाल्‍टा दोम्‍तेक्‍म। तन्‍न मेकोपुकी मेकेर आंमा बिक्‍तेक्‍म। ठेयब सेंदा पा।

भजन संग्रह 59:3

कोव़ङीन, मेकोपुकीमी आं कली साइक्‍चा कली बाप्‍शा बाक्‍शो बाक्‍नीम। परमप्रभु यावे, गो मारेइ मरिम्‍शो मपथु, मेको मुर साइक्‍बपुकीमी आं कली जिचा तोशो बाक्‍नीम।

भजन संग्रह 71:10

मारदे हना आं जोरी सत्रुमी आं पर्बम मरिम्‍शो लोव़ पाइनीम। आं कली साइक्‍चा माल्‍बपुकीमी लोव़ गारपाइक्‍नीम।

भजन संग्रह 89:51

परमप्रभु यावे, मारदे इन जोरी सत्रुमी आं कली शुक्‍शी पाइय्‍यीमी? मेकोपुकीमी मारदे इन तेल लुक्‍शो, आं कली ते ते थेक्‍तु, मेक मेक शुक्‍शी पाइय्‍यीमी?

हितोपदेस 24:15

गे परमप्रभु यावे आ अरेशो मटीब ठीक पाइब आन खिं खतम पोक्‍चा कली बाप्‍शा मबाक्‍को। मेको ठीक पाइब आ बाक्‍तीकेमी हुश ख्राक्‍श मपोक्‍को।

यसैया 54:15

मिनु “सुइ इ कली श्‍येत गेचा कली खुम्‍साक्‍म हना, आं पशो ममाइ। सुमी इ कली लडाइ तोइबा, मेको इ पर्बम साइक्‍चा पुंइसीनीम।

येरमीया 20:10

गो शुश मुरपुकीम नोफा मुइक्मुशा लोव़ पशो नेंता। मेकोपुकीमी ‘एर ओंथ नेल्‍ल हिंचा ङा श्‍येत बाक्‍ब। येरमीया कली दोस गेय। मेको आ पर्बम उजुर पय’ देंनीम। आं नेक्‍था ङा वारच नेल्‍लेमी ‘गेना दाइल पांइसीबा’ दे आं कली कोव़नीम। मिनु लेंशा ‘गो मेको आ पर्बम लोव़ पा मेको कली ग्राने चाप्‍नीकी। गो मेको क्‍येङा ग्राशा क्‍येक्‍क लेत्‍नय’ देंतेक्‍म” देंत। येरमीया २०:३; येरमीया १८:१८

दानीएल 6:4

मिनु मेको ठेयब कोव़ब मुर नु सहे का २० जना पारसी रागी कली हुकुम पाइबपुकीमी गेहे पा दानीएल कली दोस गेचा, दे क्‍यारी पचा गोव़मे बाक्‍त। तन्‍न मरिम्‍शो नु दोस गेतीक मारेइ मथिदमे बाक्‍त। मारदे हना दानीएल रिम्‍शो, मारेइ दोस मपाइश्‍शो गेय पाइब मुर बाक्‍‍त।

मत्ती 26:57

मिनु येसु कली ग्‍याइक्‍बपुकीमी मेकेर रे लाइश्‍शा, नेल्‍ल क्‍येङा ठेयब चढ़ेब काइयाफास आ खिंमी चाक्‍दीत्‍मे बाक्‍त। मेकेर सास्‍त्री नु जोक्‍ब तुइक्‍ब खाल्‍पा नेल्‍ल खुम्‍सीशा बाक्‍शो बाक्‍मा बाक्‍त।

मत्ती 27:1

मिनु नां सोव़मेनु, ठेयब चढ़ेब नु जोक्‍ब तुइक्‍ब खाल्‍पापुकीमी येसु कली साइक्‍पाइक्‍चान, दे सल्‍ला पामे बाक्‍त।

लूका 20:20

सास्‍त्री नु ठेयब चढ़ेबपुकीमी मुर योव़शा, येसु आ थुं नाक्‍शा, आ लोव़ खुइ पथ सोइक्‍तमे बाक्‍त। मारदे हना दोस गेशा हुकुम पाइब आ गुइमी गेचा माल्‍शो बाक्‍मा बाक्‍त। मेको सोइश्‍शोपुकीमी येसु आ लोव़ नेंशा, थमा सुइश्‍शो खोदेंशो प‍खु पामे बाक्‍त। लूका ११:५४; लूका २३:२