भजन संग्रह 56:5 - Sunuwar Bible

⁵ नाक्‍त रे मेकोपुकीमी आं लोव़ दूली सेल्‍शा लोव़ पाइनीम। मेको आन मिम्‍शो नेल्‍ले आं कली श्‍येत गेचा कली ला बाक्‍ब।

भजन संग्रह 56:5 ပူးပေါင်းရင်းမြစ်များ

१ राजा 18:2

मोपतीके एलीया आहाब कली ग्रुम्‍थ लमाक्‍त। मेना सामरीया सहरम ठेयब अन्‍काल दुम्‍शो बाक्‍माक्‍त।

भजन संग्रह 118:6

परमप्रभु यावे गो नु बाक्‍तीके गो महिंनुङ। मुरपुकीमी आं कली मार पाइक्‍ने चाप्‍नीमी ङा? रोमी ८:३१; भजन संग्रह ५६:५; हिब्रू १३:६

भजन संग्रह 41:7

आं कली ग्रांग्रा दिप्‍ब नेल्‍ल ग्रुम्‍शा, आं पर्बम “मार मरिम्‍शो पाइक्‍चा” दे नोफा मुइक्‍मुइक्‍नीम।

भजन संग्रह 49:6

मेकोपुकीमी आन शुश क्‍येटीम थमा सुइक्‍नीमी। आन शुश क्‍येटीम ठेयब लेत्‍नीमी।

येरमीया 18:18

मिनु मेकोपुकीम “मुल गोपुकीम येरमीया कली दोस गेय। मारदे हना चढ़ेब आन शेंशो लोव़ मग्‍याम्‍ब। जोक्‍ब तुइक्‍ब आन अर्ती यो मग्‍याम्‍ब। मिनु परमप्रभु यावे आ लोव़ पाइब आन देंशो लोव़ यो मजाम्‍ब। मोपतीके मुल गो येरमीया कली दोस गेय। मिनु मेको आ देंशो तेकोइ लोव़ मनेंय” देंतेक्‍म।

मत्ती 22:15

मिनु फरिसीपुकीमी “एको कली दोपा आंम आ लोव़ ख्राइक्‍पपाइश्‍शा दोस गेचा” दे लोव़सी पमुमा बाक्‍त।

मत्ती 26:61

“एको ग्‍याइश्‍शो मुरुमी साबेर मार देंत देंशा हना ‘परमप्रभु यावे आ खिं प्रेश्‍शा, नाक्‍त सांमी नक सेल्‍नुङ’ देंत” देंसा बाक्‍त। प्रेरित ६:१४; यूहन्‍ना २:१९-२१

लूका 11:54

मारदे हना आ लोव़ ख्राइक्‍पाइश्‍शा, दोस गेचा माल्‍मे बाक्‍त। लूका २०:२०

यूहन्‍ना 2:19

येसुमी “परमप्रभु यावे आ खिं प्रेतीन। गो नाक्‍त सांमी लेंशा सेल्‍ने थुम्‍नुङ” दे माइक्‍तीमी। मत्ती २६:६१; मत्ती २७:४०

२ पत्रुस 3:16

मेको आ पर्बम आ चिठी नेल्‍लेमी लोव़ पाइब। पावल आ ब्रेक्‍शो लोव़ का निक्‍शी रुप्‍चा कली श्‍येत बाक्‍ब। मजोक्‍ब नु थमा मसुइक्‍ब मुरपुकीमी मेको दूली शेंनीम। परमप्रभु यावे आ ब्रेक्‍पाइश्‍शो अरु लोव़ यो दूली शेंनीम। मोपा आंमा जाम्‍शा लाइब दुम्‍नीम।

१ सामुएल 18:17

मिनु सावलम दाऊद कली “गो आं ठेयब तमी मेराब इ कली गेशा ग्‍युं‍बे पपाइक्‍नुङ। तन्‍न गे मेको आ पर्बम बोल्‍यो पा आं गेय पचा माल्‍नेवे। मिनु परमप्रभु यावे आ पर्बम लडाइ पावो” दे मदा बाक्‍त। मारदे हना सावलम दाऊद कली आंम आ गुइम ममाइ पलिस्‍ती आन गुइ रे साइक्‍पाइक्‍चा माल्‍शो बाक्‍माक्‍त।

१ सामुएल 18:21

मेको आ थुंमी “गो मेको कली दाऊद नु ग्‍युं‍बे पपाइक्‍नुङ। पलिस्‍ती आन गुइम बेक्‍पाइक्‍चा कली मेको वाल्‍पाइक्‍तीक गेय बाक्‍ब” देंमाक्‍त। मोपतीके सावलमी आ चांइवा सेल्‍चा कली लोव़ पवा बाक्‍त।

१ सामुएल 18:29

मिनु सावल दाऊद क्‍येङा शुश हिंचा गोवा बाक्‍त। मिनु आ लीशो ब्रोंइतीक नाक्‍त सम्‍मन मेको दाऊद आ जोरी सत्रु दुम्‍माक्‍त। १सामुएल १८:१२

१ सामुएल 20:33

मेको लोव़म पतीके सावलमी आ तूतीक क्‍युक्‍शा, आ तौ कली साइक्‍चा मला बाक्‍त। मिनु योनाथनमी आ आफोम दाऊद कली साइक्‍चान माल्‍शो बाक्‍माक्‍त, दे तुइक्‍ता बाक्‍त। १सामुएल १८:११

१ सामुएल 20:7

मिनु मेकोम ‘ठीक बाक्‍ब’ देंत हना, मेको रिम्‍शो बाक्‍ब। तन्‍न मेको गाइश्‍शा चुरशा पाप्‍तु हना, मेकोमी आं पर्बम मरिम्‍शो मिम्‍शो बाक्ब, दे गे तुइक्‍नीनी।