भजन संग्रह 56:4 - Sunuwar Bible

⁴ मिनु गो परमप्रभु आ लोव़ ठेयब सेल्‍नुङ। मेकोमी प्रोंइब, दे थमा सुइश्‍शा, महिंथु बाक्‍नुङ। मुरपुकीमी आं कली मार पाइक्‍ने चाप्‍नीमी ङा? भजन संग्रह २७:१; भजन संग्रह ११८:६; यसैया १२:२; यसैया ५१:१२; मत्ती १०:२८

भजन संग्रह 56:4 ပူးပေါင်းရင်းမြစ်များ

२ इतिहास 20:3

मिनु येहो-शाफातम हिंशा, परमप्रभु यावे कली पुंइचा, दे थुं पवा बाक्‍त। यहूदा रागी ङा मुर नेल्‍ल कली “माइजा बाक्‍कीन” दे हुकुम पवा बाक्‍त।

२ इतिहास 20:4

मिनु यहूदा ङा मुरपुकी परमप्रभु यावे कली “वारच पाइक्‍की” दे पुंइचा कली बुक्‍मा बाक्‍त। यहूदा रागी ङा सहर नेल्‍ल ङा मुरपुकी परमप्रभु यावे कली पुंइथ जाक्‍मा बाक्‍त। २इतिहास १५:९-१५

भजन संग्रह 118:6

परमप्रभु यावे गो नु बाक्‍तीके गो महिंनुङ। मुरपुकीमी आं कली मार पाइक्‍ने चाप्‍नीमी ङा? रोमी ८:३१; भजन संग्रह ५६:५; हिब्रू १३:६

भजन संग्रह 119:160

इन लोव़ नेल्‍ले थमा बाक्‍ब। मिनु इन निसाफ पतीक लोव़ गेना हना यो ठीक बाक्‍नीम। यूहन्‍ना १७:१७

भजन संग्रह 12:6

परमप्रभु यावे आ लोव़ थमा बाक्‍ब। मेको ७ खेयप यपाइश्‍शो क्‍येख चांदी खोदेंशो बाक्‍ब।

भजन संग्रह 138:2

गो इन खिं गे बाप्‍शा, इन कली “गे रिम्‍शो पाइब बाक्‍नीनी” देंनुङ। मारदे हना इन गेना हना यो दाक्‍तीकेमी दाक्‍शा मप्रोंइनीनी। मिनु इन नें नु इन लोव़ नेल्‍ल आन क्‍येङा ठेयब बाक्‍नीम।

भजन संग्रह 27:1

परमप्रभु यावे आं छेङछेङ नु आं कली श्‍येत रे प्रोंइब बाक्‍ब। गो सु नु हिंचा माल्‍नुङा ङा? परमप्रभु यावे आं ब्रोंइतीक सक्ति नु आं ख्रुइक्‍तीक बाक्‍ब। आं कली सुम हिंच कोंइने चाप्‍बा ङा? मीका ७:८; भजन संग्रह ५६:५

यसैया 31:3

इजीप्‍त ङा मुर, मुर ला बाक्‍नीम। मेको परमप्रभु मनम। आन शारा बेक्‍ब बाक्‍नीम। सोक्‍त मनम। परमप्रभु यावेमी आ गुइ दिंदानु, वारच पाइब दाइल पांइसीनीम। मिनु वारच पपांइसीब नेल्‍ले कालेमी बेक्‍नीम।

यसैया 41:10

महिनो, मारदे हना गो गे नु बाक्‍नुङ। आइक्‍च थुं मपावो। मारदे हना गो इ परमप्रभु नङ। गो इ कली बोल्‍यो सेल्‍शा, वारच पाइनुङ। गो इ कली आं ग्राब ग्‍युरा गुइमी वारच पाइनुङ। यसैया ४३:१

यूहन्‍ना 10:35

परमप्रभु यावेमी आ लोव़ नेंब आन कली आ तमी तौ देंब। मिनु मेको किताब ङा लोव़ मक्‍याम्‍सीब। मत्ती ५:१७

हिब्रू 13:6

प्रभु आ देंशो तुइश्‍शा “प्रभुमी आं कली कोव़शा, वारच पाइब। मुरपुकीमी मार पने चाप्‍नीमी ङा? मारेइ पने मचाप्‍नीम। मोपतीके महिंथु बाक्‍ती” दे ठेयब थुं पा बाक्‍य। भजन संग्रह ११८:६

१ सामुएल 30:6

दाऊद कली हिंचा ङा दुम्‍शो बाक्‍त। मारदे हना मुरपुकीम मेको आन तमी तौ नेल्‍ल योल्‍ने थुम्‍तीके, दाऊद कली फुल्‍लु आप्‍शा साइक्‍नीकी देंशो बाक्‍मा बाक्‍त। तन्‍न दाऊदमी परमप्रभु यावे, आ परमप्रभु कली सक्ति पुना बाक्‍त।