भजन संग्रह 55:2 - Sunuwar Bible

² आं पुंइशो नेंशा, लोव़ लेत्‍तीनी। गो श्‍येत जशा, आं थुं ग्‍येत्‍थ लुक्‍च दुम्‍शा, मारदे रोंका पा गाक्‍ती देंशा हना,

भजन संग्रह 55:2 ပူးပေါင်းရင်းမြစ်များ

भजन संग्रह 17:1

“परमप्रभु यावे, गे ठीक पशो आ पर्बम आं लोव़ नेनीन। आं ब्रेश्‍शो नेनीन। आं जोल मपथु पुंइशो लोव़ इन नोफा दाइश्‍शा नेनीन।

भजन संग्रह 32:3

गो आं मरिम्‍शो पशो आ पर्बम सिक्‍सी पा बाक्‍शा, नाक्‍त रे आं श्‍येत जशोमी हुक‍यी पाता। मिनु आं रुश नेल्‍ल मुक्‍ताक्‍मे।

भजन संग्रह 38:6

गो नाक्‍त रे आं पिया खुक्‍शा, रोंका पा गुर ब्‍वेशा गाक्‍शो बाक्‍नुङ।

भजन संग्रह 43:2

परमप्रभु, गे आं कली प्रोंइब बोल्‍यो दरवार बाक्‍नीनी। गे आं कली मारदे प्रोंइयीनी? गो मारदे आं जोरी सत्रुम खेदा पचा पुंइसीशा, रोंका पचा माल्‍ङा?

भजन संग्रह 64:1

परमप्रभु, आं कली श्‍येत गेशो आ पर्बम इन कली शेंदुनु, आं लोव़ नेनीन। आं कली आं जोरी सत्रु आन क्‍येङा प्रोंइयीनी।

भजन संग्रह 66:19

तन्‍न परमप्रभुमी आं लोव़ थमा पा नेंतु। मेकोमी आं पुंइशो लोव़ नेंतु।

भजन संग्रह 77:3

गो परमप्रभु कली मिम्‍ताक्‍ङ, गो रोंका पाता। गो आं श्‍येत मिम्‍ना मिम्‍न बाक्‍ती। मिनु आं थुं लुक्‍च लत। ठेयब सेंदा पा।

यसैया 38:14

गो बेल्‍लुम नु बोकुला खोदेंशो पा ग्रीती। ढुकुर खोदेंशो पा रोंका पाता। गो शुश ग्‍येत्‍थ कोव़तीके आ मिक्‍च पारताक्‍यी। आं थुं लुक्‍च लत। गो “परमप्रभु, गो श्‍येत जाइनुङ। आं कली वारच पाइय्‍यीनी।

यसैया 59:11

गो नेल्‍ल वां खोदेंशो पा ग्रीनीकी। ढुकुर खोदेंशो पा रोंका पाइनीकी। गो ठीक निसाफ माल्‍ना माल्‍न बाक्‍नीकी, तन्‍न मथित्‍नीकी। पाप रे ब्रोंइतीक माल्‍नीकी, तन्‍न मेको आंइ क्‍येङा ङोन बाक्‍ब।

बिलाप 3:56

गे आं थोशो लोव़ नेंतीनी। आं कली प्रोंइचा कली आ थोशो लोव़ नेनीन। इन नोफा मसुने। तन्‍न आं कली श्‍येत रे प्रोनीन।