भजन संग्रह 54:7 - Sunuwar Bible

⁷ गे आं श्‍येत नेल्‍ल रे प्रोंइतीनी। मिनु गो आं जोरी सत्रु आन कली ग्राती।

भजन संग्रह 54:7 ပူးပေါင်းရင်းမြစ်များ

उत्पत्ती 48:16

आं कली श्‍येत रे प्रोंइब परमप्रभु यावे आ स्‍वर्ग ङा गेय पाइबम एको वोंइश आल आस कली आसीक गेवल। मिनु एको आस पतीके आं नें नु आं किकी पिपी अब्राहाम नु इसहाक आस नें मप्रेंसेक्‍ल। एको निक्‍शी रे पा रागीमी शुश दुम्‍मल” दे आसीक गेम्‍सी बाक्‍त। उत्‍पत्ती ३२:२५-३०; यसैया ४१:१४

२ सामुएल 4:9

मिनु दाऊदमी बेयरोथ सहर ङा रिम्‍मोन आ तौ रेकाब नु बानाह आस कली “परमप्रभु यावे ब्रोंइशा बाक्‍शो खोदेंशो पा, मेकोमी आं कली आं श्‍येत नेल्‍ल रे प्रोंइती।

भजन संग्रह 112:8

मेको आन थुं ग्‍येत्‍थ लुक्‍च मपथु, महिंनीम। मिनु नोले आन जोरी सत्रु आन कली ब्रुशो ताइनीम। भजन संग्रह ९१:८

भजन संग्रह 118:7

परमप्रभु यावे गो नु बाक्‍शा, आं कली वारच पाइब बाक्‍ब। गो आं कली काइ मदाक्‍ब आन कली ग्राशा कोंइनुङमी।

भजन संग्रह 143:12

इन गेना हना यो दाक्‍तीकेमी आं जोरी सत्रु आन कली खतम पोक्‍कीन। मिनु आं जोरी सत्रु नेल्‍ल आन कली सतीन। मारदे हना गो इन गेय पाइब बाक्‍नुङ।

भजन संग्रह 34:19

ठीक पाइबपुकी शुश श्‍येत जाइनीम। तन्‍न परमप्रभु यावेमी मेको आन कली श्‍येत नेल्‍ल रे प्रोंइब। २कोरिन्‍थी १:५

भजन संग्रह 34:6

एको श्‍येत जाइबम पुंइतु। मिनु परमप्रभु यावेमी आ लोव़ नेंशा, आ श्‍येत रे प्रोंइतु।

भजन संग्रह 37:34

परमप्रभु यावे कली रिम्‍दीन। मेको आ लांम गाक्‍कीन। मेकोमी इन कली ठेयब सेल्‍शा, रागी इन कली गेब। मिनु गे परमप्रभु आ अरेशो मटीब आन कली खतम सेल्‍चा ताइनीनी।

भजन संग्रह 59:10

परमप्रभुम आं कली गेना हना यो दाक्‍तीकेम ग्रुम्‍ब। मिनु मेकोमी आं कली आं जोरी सत्रु आन कली ग्रापाइक्‍ब।

भजन संग्रह 91:8

परमप्रभु कली मटीबपुकी दोपा क्‍येक्‍क लेत्‍चा पुंइसीनीमी, गे मेको ताइनेवे।

भजन संग्रह 92:11

गो आं जोरी सत्रु ब्रुशो तशा ग्‍येरसीनुङ। आं कली मरिम्‍शो पाइबपुकी खतम दुम्‍शो लोव़ नेंशा, ग्‍येरसीनुङ।

२ तिमोथी 4:18

प्रभुमी आं कली आ स्‍वर्ग ङा राज्‍य लचा, दे नेल्‍ल श्‍येत रे प्रोंइब। मेको कली गेना हना यो मान पय। आमेन।

१ सामुएल 26:24

दोपा मुलाक्‍त गो इन ब्रोंइतीक ठेयब मिम्‍तु, मोपा परमप्रभु यावेम आं ब्रोंइतीक कली ठेयब मिम्‍तल। मिनु आं कली हिंचा ङा श्‍येत नेल्‍ल रे प्रोंइ‍यील” देंमाक्‍त।