भजन संग्रह 54:5 - Sunuwar Bible

⁵ सु सुम आं कली मरिम्‍शो पाइ‍नीमी, मेको आन कली मरिम्‍शो दुम्‍ल। इन दाक्‍शा मप्रोंइतीकेमी मेको आन कली खतम पोक्‍कीन।

भजन संग्रह 54:5 ပူးပေါင်းရင်းမြစ်များ

भजन संग्रह 137:8

बेबीलोन सहर, गे मुल खतम पोक्‍चा पुंइसीनेवे। गे मार पवी मेको आ क्‍येक्‍क लेप्‍ब ग्‍येरसीशो मुर बाक्‍ब।

भजन संग्रह 143:1

परमप्रभु यावे, आं पुंइशो लोव़ नेनीन। “गो शिशी तङल” दे इन दाक्‍शा मप्रोंइतीकेमी आं पुंइशो लोव़ नेनीन। मिनु इन ठीक पतीकेमी आं लोव़ लेत्‍तीनी।

भजन संग्रह 143:12

इन गेना हना यो दाक्‍तीकेमी आं जोरी सत्रु आन कली खतम पोक्‍कीन। मिनु आं जोरी सत्रु नेल्‍ल आन कली सतीन। मारदे हना गो इन गेय पाइब बाक्‍नुङ।

भजन संग्रह 27:11

परमप्रभु यावे, आं कली इन लां शेंदीनी। मिनु आं जोरी सत्रु आन पर्बमी आं कली ठीक लां कोंइदीनी। भजन संग्रह ८६:११; भजन संग्रह १३९:२४

भजन संग्रह 31:23

परमप्रभु यावे आ मुर नेल्‍लेमी परमप्रभु कली दाक्‍तीन। परमप्रभु यावेमी आ कली थमा सुइक्‍ब आन कली कोव़ब। ठेयब लेश्‍शो आन कली आन क्‍येक्‍क लेप्‍ब।

भजन संग्रह 5:8

आं जोरी सत्रु शुश बाक्‍नीमी। मोपतीके आं कली इन ठीक पतीके लां कोंइदीने। आं ङोंइती इन लां ठीक सेलीन।

भजन संग्रह 86:14

परमप्रभु, शिशी मपाइब मुरपुकीमी आं कली खेदा पतीमी। मरिम्‍शो पाइब आन हुलमी साइक्‍चा माल्‍तीमी। मेकोपुकीमी इन कली ममिम्‍नीम।

भजन संग्रह 89:49

परमप्रभु यावे, इन साइ ङा गेना हना यो दाक्‍तीके ते लाक्‍गा? गे दाऊद कली कसम जशा, इन दाक्‍शा मप्रोंइतीकेमी लोव़ पाइतीनी।

भजन संग्रह 94:23

मेकोमी मेको आन मरिम्‍शो पशो आन पिया तार मोइक्‍ब। मिनु मेको आन अरेशो मटितीके मेको आन कली साइक्‍ब। परमप्रभु यावे, आंइ परमप्रभुमी मेको आन कली खतम पोक्‍ब।

२ तिमोथी 4:14

अलेक्‍जन्‍डर तांबा तुप्‍तीलमी शुश श्‍येत गेती। प्रभुमी मेको आ गेय तशा, सजाइ गेब। १तिमोथी १:२०

प्रकाश 18:6

मिनु गे इन कली गेशो श्‍येत मेको कली लेत्‍तीन। श्‍येत का ला ममाइ, निक्‍शी खेयप श्‍येत गेने। इन कली गेशो श्‍येत निक्‍शी खेयप गेचा ठीक दुम्‍ब। भजन संग्रह १३७:८; येरमीया ५०:१५,२९; २थिस्‍सलोनिकी १:६