भजन संग्रह 53:3 - Sunuwar Bible

³ मुर नेल्‍ले हेंथे लां खोइश्‍शो बाक्‍नीम। मेको नेल्‍ले दूली पाइब बाक्‍नीम। रिम्‍शो पाइब का यो मबाक्‍नीम।

भजन संग्रह 53:3 ပူးပေါင်းရင်းမြစ်များ

२ सामुएल 20:2

मोपतीके इस्राएली नेल्‍लेमी दाऊद कली प्रोंइ‍शा, बिक्री आ तौ शेबा आ नोले खो‍दमे बाक्‍त। तन्‍न यहूदा ङा मुरपुकी चहिं दाऊद कली मप्रोंइथु, यर्दन रे यरूसलेम सम्‍म आ नोले खोइक्‍स ङा खोइक्‍स पामे बाक्‍त।

अय्‍युब 15:16

मेको आन क्‍येङा ग्रांग्रा दिशो नु खराप दुम्‍शो कली दोपा थमा सुइक्‍बा ङा? मेकोमी मरिम्‍शो पतीक ब्‍वाक्‍कु तूशो खोदेंशो पा तूब कली दोपा थमा सुइक्‍बा ङा?

भजन संग्रह 14:3

तन्‍न मुर नेल्‍ल परमप्रभु कली प्रोंइशा, दूली पाइब दुम्‍तेक्‍म। रिम्‍शो पाइब का यो मबाक्‍नीम। उत्‍पत्ती ६:१२; रोमी ३:१०-१२

यसैया 53:6

गो नेल्‍ले भेडा खोदेंशो दुम्‍शा लां साम्‍तक। गो नेल्‍ले आंम आंमा लां खोइक्‍तक। परमप्रभु यावेमी आंइ मरिम्‍शो पशो नेल्‍ले मेको आ तारी वोइक्‍तु। १पत्रुस २:२५; १यूहन्‍ना ३:५

यसैया 64:6

गो नेल्‍ल ग्रांग्रा दिशो मुर खोदेंशो दुम्‍तक। आंइ ठीक पतीके नेल्‍ल ग्रांग्रा दिशो लुम्‍सीशो वा खोदेंशो दुम्‍त। गो सफा खोदेंशो पा सोल सुल बेक्‍नीकी। आंइ मरिम्‍शो पशो फश खोदेंशो दुम्‍शा, आंइ कली बेरपाइक्‍ब।

इजीकीएल 36:25

गो इन तार रिम्‍शो ब्‍वाक्‍कु ब्रुइक्‍नुङ। मिनु गे इन ग्रांग्रा दिशो गेय नु इन मूर्ति पूजा पतीक ताइश्‍शा रिम्‍शो दुम्‍नीनी। इन ग्रांग्रा दिशो दुम्‍शो नेल्‍ल रे ग्रांग्रा मदिशो सेल्‍नन्‍नी। जकरिया १३:१; हिब्रू १०:२२

सेफन्‍याह 1:6

गो, परमप्रभु यावे, आं कली ममाल्‍थु, मपुंइथु आं नोले खोइक्‍चा प्रोंइशा, नोले शोंइसीब आन कली खतम पोक्‍नुङमी।

रोमी 3:12

नेल्‍लेमी रिम्‍शो लां प्रोंइशा हेंथे गाक्‍नीम। रिम्‍शो पाइब का यो मबाक्‍नीम” दे ब्रेक्‍शो बाक्‍ब। भजन संग्रह १४:१-३

२ कोरिन्‍थी 7:1

आं दाक्‍शोपुकी, गो नेल्‍लेमी परमप्रभु यावे आ गेशो लोव़ तुइश्‍शो बाक्‍नय। मोपतीके इं रां थुं नेल्‍ल मरिम्‍शो पतीक रे ङोन बाक्‍नय। मिनु इं परमप्रभु यावे कली ला मान पा हिंशा ठेयब सेल्‍नय।

१ यूहन्‍ना 2:29

“येसु ख्रीस्‍त नेल्‍ल ठीक पाइब बाक्‍ब” दे तुइक्‍ताक्‍नी हना, सु सुम ठीक पाइनीमी, मेको नेल्‍ल परमप्रभु आ आलपुकी नमी, दे तुइक्‍नीनी। १यूहन्‍ना ३:७-१०

३ यूहन्‍ना 1:11

आं दाक्‍शो थमा सुइक्‍ब लोक्‍ब, मरिम्‍शो मुर आन तस मखोतो। तन्‍न रिम्‍शो मुर आन तस खोतो। सु रिम्‍शो गेय पाइबा, मेको परमप्रभु यावे आ मुर बाक्‍ब। सु चहिं मरिम्‍शो पाइबा, मेको परमप्रभु यावे कली मतुइक्‍ब बाक्‍ब।

प्रकाश 22:11

सु सुमी पाप पाइनीमी, मेको पामेक्‍ल। सु सु ग्रांग्रा दिचा ङा बाक्‍मा, मेको मोदेंन बाक्‍मल। सु सु चहिं ठीक पाइब बाक्‍नीमी, मेको ठीक पा बाक्‍मल। सु सु प्रभु आ मुर बाक्‍मा, मेको मोदेंशोन बाक्‍मल” दे परमप्रभु यावे आ स्‍वर्ग ङा गेय पाइबमी देंत। दानीएल १२:१०