3 गे रिम्शो पचा क्येङा मरिम्शो पचा ला दाक्नीनी। थमा लोव़ पचा क्येङा जोल पचा ला दाक्नीनी। ठेयब सेंदा पा।
मेकोपुकीमी ठेयब मुर कली साइक्चा माल्शो बाक्नीम। मेकोपुकी जोल पतीकेमी ग्येरसीनीम। मिनु शोव़म आसीक गेखु पाइनीम। तन्न आन थुंमी चहिं सराप पाइनीम। ठेयब सेंदा पा।
परमप्रभु यावे आ अरेशो मटीबपुकीमी मरिम्शो ला पचा दाक्नीम। मेकोपुकीमी आन नेक्था ङा मुर आन कली यो शिशी मपाइनीम।
आं मुर मूर्ख बाक्नीम। मेकोपुकीमी आं कली मतुइक्नीम। मेको निप्स मपाइश्शो आल बाक्नीम। मेको आन के रुप्तीक मबाक्ब। मेको मरिम्शो पचा कली जोक्ब बाक्नीम। तन्न रिम्शो पस मजोक्नीम। यसैया २७:११
मेको आन लें बीस पाइश्शो ब्रा खोदेंशो बाक्ब। मेकोपुकीम जोल लोव़ ला पाइनीम। मुर नेल्लेम आन नेक्था ङा मुर नु रिम्शो लोव़ पखु पाइनीम। तन्न आन थुंमी दोपा मेको कली ब्वारद दाइक्चा, दे मिम्नीम। बजन संग्रह १२:३
गेपुकी रिम्शो पचा काइ मदाक्नीनी। मिनु मरिम्शो पतीक दाक्नीनी। गेपुकीमी आं मुर आन कुशुल उक्नीनी। मिनु मेको आन रुश रे आन श्ये रिक्नीनी।
इन आफ सैतान बाक्ब। मिनु गे इन आफ आ दाक्शो पचा दाक्नीनी। मेको चहिं ङोंइती रे मुर आन कली साइक्ब नु जोल पाइब बाक्त। मारदे हना मेको नु थमा देंशो बाक्सीन मबा। मोपतीके जोल ला पाइब। मेको जोल पना पन बाक्ब। जोल आ आफ बाक्त। १यूहन्ना ३८-१०; उत्पत्ती ३:४,१९
मेकोपुकीमी परमप्रभु यावे आ थमा लोव़ कली जोल सेल्तेक्म। नेल्ल सेल्ब परमप्रभु यावे क्येङा आ सेल्शो मुर आन कली ठेयब सेल्तेक्म। गोपुकीमी मारेइ मारेइ सेल्ब परमप्रभु यावे कली गेना हना यो ठेयब सेल्य, आमेन।
मुर आन कली श्येतम ख्रुम्नीम। चुइश्शा गेय पाइनीम। “गो जोक्नुङ” दे बोरशा, मुर आन लोव़ मनेंनीम। आंम दला दाक्स ला पाइनीम। परमप्रभु यावे कली मदाक्नीम।
सु सुमी चहिं टुना मुना पाइनीमी, तेल्लेम पाइनीमी, मुर साइक्नीमी, मूर्ति नु फुल्लु कली सेउ पाइनीमी। जोल पना पन बाक्नीमी। मेको कुचुम खोदेंशो पा सहर रे लाङगा बाक्नीमी” देंत। प्रकाश २१:८,२७; १कोरिन्थी ६:९-१०