भजन संग्रह 51:10 - Sunuwar Bible

¹⁰ परमप्रभु, आं थुं क्‍येख सुन खोदेंशो सेलीन। मिनु नक नु ठीक पाइब सोक्‍त गेयीनी। मत्ती ५:८; इजीकीएल ३६:२६-२७

भजन संग्रह 51:10 ပူးပေါင်းရင်းမြစ်များ

भजन संग्रह 24:4

आन गुइमी काइ मरिम्‍शो मपाइबपुकी, रिम्‍शो थुं पाइश्‍शोपुकी, मूर्ति आन ङोंइती सेउ मपाइबपुकी नु जोल पा कसम मजाइबपुकी ला मेकेर ङोइक्‍ने चाप्‍नीम।

भजन संग्रह 35:10

मिनु गो आं रां नेल्‍लेमी “परमप्रभु यावे, इन खोदेंशो सु बाक्‍बा?” देंनुङ। गे मचाप्‍ब नु श्‍येत जाइब आन कली बोल्‍यो मुर आ गुइ रे प्रोंइनीनी।

भजन संग्रह 73:1

परमप्रभु इस्राएल ङा मुर आन कली थमा पा रिम्‍शो पाइब बाक्‍ब। आन पाप क्‍याम्‍चा पुंइसीशा, रिम्‍शो थुं पाइश्‍शो आन कली रिम्‍शो पाइब बाक्‍ब। अय्‍युब २१:७

भजन संग्रह 78:37

आन थुंमी थमा पा मेको आ नोले मखोदेम। आ पशो कबल मटीमे।

भजन संग्रह 78:8

मेको आन किकी पिपी खोदेंशो मदुम्‍मल। मेकोपुकी खकटा थुं पाइश्‍शो नु मटीब पाला ङा मुर बाक्‍तेक्‍म। मेकोपुकी नोले शोंइसीशा, परमप्रभु कली प्रोंइतेक्‍म। ब्‍यवस्‍था ३२:५-६

हितोपदेस 20:9

मिनु सुमी “गो आं थुं रिम्‍शो सेल्‍ता। आं पाप क्‍याम्‍ताक्‍ङ” देंने चाप्‍बा ङा? हितोपदेस ३०:१२; अय्‍युब ४:१७; अय्‍युब ९:२-३

येरमीया 13:27

गो पहाडीम नु रू मेर इ पशो ग्रांग्रा दिशो गेय ताता। इ मुरपुकी नु इप्‍शो, इ रेयके पशो नु इ मुने मपथु, तेल्‍लेम दुम्‍शो तशो बाक्‍नुङ। आबी आबी, यरूसलेम गे ग्रांग्रा दिशो दुम्‍नेवे। गेना सम्‍म मोदेंशो बाक्‍नेवे?” देंत।

येरमीया 32:39

गो मेको आन कली थुं का दुम्‍तीक नु गाक्‍तीक लां का गेनुङमी। मेकोपुकी गेना हना यो आं कली मान पा हिंनीम। मेको आंम आन कली नु आन आल आन कली रिम्‍शो दुम्‍ब। इजीकीएल ३६:२७

इजीकीएल 11:19

मिनु गो मेको आन कली थुं का ङा दुम्‍पाइक्‍नुङमी। मिनु मेको आन आगामी नक सोक्‍त का कुरपाइ‍नुङ। मिनु गो मेको आन फुल्‍लु खोदेंशो थुं ग्रुंइशा, श्‍ये के थुं कुरपाइ‍नुङमी। इजीकीएल ३६:२६; येरमीया २४:७

इजीकीएल 18:31

गे इन आं कली हेंथे पशो नेल्‍ल प्रोंइशा, गे नक थुं नु नक सोक्‍ती ताक्‍कीन। ए इस्राएल आ खिं ङा मुर, गे मारदे बेक्‍चा दाक्‍नीनी? इजीकीएल ११:१९

इजीकीएल 36:37

मिनु परमप्रभु, परमप्रभु यावेमी “गो इस्राएल आ खिं ङा मुर आन पुंइशो नेंशा, मेको आन मुर आन कली क्‍यारश भेडा खोदेंशो पा शुश सेल्‍नुङमी। मीका २:१२

मत्ती 5:8

आन पाप क्‍याम्‍चा पुंइसीशा, रिम्‍शो थुं दुम्‍शोपुकी आसीक राइनीम। मारदे हना परमप्रभु यावे कली ताइनीम। भजन संग्रह २४:३-५; भजन संग्रह ५१:१२-१३; १यूहन्‍ना २:२-३

प्रेरित 11:23

बारनाबास एन्‍टीओकम जाक्‍दीश्‍शा, परमप्रभु यावेमी शुश मुर आन कली शिशी पा आन थुं लेप्‍पाइश्‍शो तशा थाम्‍पा ग्‍येरसे बाक्‍त। मिनु मेको आन कली “मार दुम्‍त हना यो, प्रभु कली मप्रोंइचा, है” दे आन थमा सुइक्‍तीक थुं बारपाइक्‍मी बाक्‍त।

प्रेरित 15:9

मेकोपुकीमी येसु ख्रीस्‍त कली थमा सुइक्‍तीकेमी माफ तशा, गो नेल्‍ल का दुम्‍शो बाक्‍नीकी।

रोमी 12:2

परमप्रभु यावे कली मटीब आन पशो खोदेंशो मपने। तन्‍न परमप्रभु यावे कली इन थुं कली फाइक्‍चा गेन। मो पाइतीनी हना, परमप्रभु यावे आ मिम्‍‍शो मार में, रिम्‍शो मार में, आ दाक्‍शो मार में नु नेल्‍लेम ठीक दुम्‍शो तुइक्‍नीनी। एफिसी ४:२३; एफिसी ५:१०,१७

१ कोरिन्‍थी 15:58

मोपतीके आं दाक्‍शो लोक्‍बपुकी, इन खोइली थेक्‍शा, दल्‍गीर मपथु, प्रभु आ गेय पना पन बाक्‍कीन। प्रभु आ नेंमी पशो गेय गेनायो मोशीन मलाइब, दे तुइक्‍तीन।

२ कोरिन्‍थी 5:17

सुइ ख्रीस्‍त आगाम बाक्‍त हना, मेको नक सेल्‍सीशो मुर का दुम्‍ब। ङोंइती ङा नेल्‍ल जाम्‍शा लत। नेल्‍ल नक दुम्‍ने नुप्‍त। रोमी ८:१०; गलाती २:२०; गलाती ६:१५; प्रकाश २१:५

एफिसी 2:10

गोपुकी परमप्रभु यावे रे ख्रीस्‍त येसु आ पतीकेमी सेल्‍शो बाक्‍नय। परमप्रभु यावेमी इं कली रिम्‍शो गेय वोइश्‍शो बाक्‍त। मेको पचा माल्‍नय। तीतस २:१४

कलस्‍सी 3:10

रिम्‍शो पाइब नक मुर दुमीन। परमप्रभु यावेमी इन थुं आ थुं खोदेंशो पा नक सेल्‍ना सेल्‍न बाक्‍ब। मारदे मो पाइब देंशा हना, आंम कली नेल्‍ल तुइक्‍पाइक्‍चा कली मोदेंशो पाइब। एफिसी ४:२४; उत्‍पत्ती १:२६-२७

तीतस 3:5

मेकोमी इं कली मरिम्‍शो गेय रे प्रोंइतु। इं पशो ठीक गेय तशा मप्रोन, तन्‍न आ शिशीमी इं कली प्रोंइतु। दोपा पाप रे प्रोंइतु देंशा हना, इं कली मरिम्‍शो गेय रे चिक्‍शो खोदेंशो पा, आ सोक्‍त आ पशोमी नक मुर सेल्‍तु। योएल ३:१; २तिमोथी १:९; यूहन्‍ना ३:५; एफिसी ५:२६

याकूब 1:8

थुं निक्‍शी पाइश्‍शो मुर आ थुं कामी परमप्रभु यावे आ लां खोइक्‍ब, थुं कामी मुर आन लां खोइक्‍ब।

यहोसु 14:14

मोपतीके मुल सम्‍म केनीज्‍जी यपुन्‍ने आ तौ कालेब आ रागी हेब्रोन बाक्‍ब। मारदे हना मेकोमी परमप्रभु यावे, इस्राएली आन परमप्रभु कली आ थुं नेल्‍लेमी आ नोले खोइश्‍शो बाक्‍त। गन्‍ती ३२:१२

१ पत्रुस 1:22

दोपा येसु ख्रीस्‍त आ देंशो टिशा, थमा गेय पा पाप रे ङोन बाक्‍नी, मोपा गे लोक्‍ब आन कली यो थमा पा दाक्‍नीनी। गे थमा सुइक्‍बपुकी इन थुं नेल्‍लेमी थमा पा दाक्‍मुने।