भजन संग्रह 51:1 - Sunuwar Bible

¹ परमप्रभु इन गेना हना यो दाक्‍तीकेमी आं कली शिशी पने। इन शुश शिशीमी आं हेंथे पशो क्‍याम्‍दीन। लूका १८:१७

भजन संग्रह 51:1 ပူးပေါင်းရင်းမြစ်များ

२ सामुएल 11:2

काबु नाक्‍ती नाक्‍नाक्‍दो दाऊद आ इप्‍तीक रे बोक्‍शा, खिं तार हिरसेनु, मेकोमी मीश मुर का चिक्‍शो तवा बाक्‍त। मेको थम दारशो बाक्‍माक्‍त। मत्ती ५:२८-२९

नेहेम्‍याह 4:5

मेको आन मरिम्‍शो पतीके नेल्‍ल क्‍याम्‍शा मगेने। मारदे हना मेकोपुकीमी गारो प्रोव़‍ब आन कली शुक्‍शी पा, आन थुं तोक्‍शा गेम्‍तेक्‍म” दे परमप्रभु कली पुंइता।

भजन संग्रह 106:45

मिनु मेकोमी मेको आन कली पशो कबल मिम्‍ता बाक्‍त। मिनु मेको आ गेना हना यो शुश दाक्‍तीक ङा शिशी कोंइदीमी बाक्‍त।

भजन संग्रह 106:7

इजीप्‍त रागीम बाक्‍शो आंइ किकी पिपीम इन छक लाक्‍चा ङा गेय ममिम्‍शो बाक्‍तेक्‍म। मिनु इन शुश गेना हना यो दाक्‍तीके प्रेंशो बाक्‍तेक्‍म। मिनु लल समुन्‍द्रमी नेल्‍ल क्‍येङा ठेयब कली गाइश्‍शा लोव़ पशो बाक्‍तेक्‍म। प्रस्‍थान १४:११-१२

भजन संग्रह 109:21

तन्‍न परमप्रभु यावे, परमप्रभु, गे इन नें आ पर्बम आं कली वारच पाइय्‍यीनी। मारदे हना इन गेना हना यो दाक्‍तीके ठेयब बाक्‍ब।

भजन संग्रह 119:124

इन गेय पाइब कली इन गेना हना यो दाक्‍तीकेमी वारच पने। मिनु आं कली इन फुल्‍लुम मुशा ब्रेक्‍शो लोव़ शेंदीनी।

भजन संग्रह 145:9

परमप्रभु यावे नेल्‍ल आन कली रिम्‍शो पाइब बाक्‍ब। मिनु आ सेल्‍शो नेल्‍ल आन कली शिशी पाइब।

भजन संग्रह 4:1

गो इन कली लोव़ पङानु, आं कली लोव़ लेत्‍तीने। गे आं कली ठीक सेल्‍ब परमप्रभु बाक्‍नीनी। गो श्‍येत जङानु, आं कली बाक्‍तीक गेतीनी। गे आं कली शिशी पने। आं पुंइशो नेंशा गेयीनी।

भजन संग्रह 40:11

परमप्रभु यावे, गे इन शिशी पतीके मतेक्‍कीन। इन गेना हना यो दाक्‍तीक नु दाक्‍शा गेनायो मप्रोंइतीकेम आं कली गेना हना यो खाल पयीसील।

भजन संग्रह 5:7

गो चहिं इन गेना हना यो ठेयब दाक्‍तीकेमी इन खिं ओव़चा ताइनुङ। मिनु गो इन कली मान पा हिंशा, इन खिं गे कोव़शा, पोक्‍च थेक्‍शा ठेयब सेल्‍नुङ। भजन संग्रह २६:८

भजन संग्रह 51:9

इन कुल आं पाप रे ख्रुइक्‍तीन। मिनु आं मरिम्‍शो पशो नेल्‍ल क्‍याम्‍दीन।

भजन संग्रह 69:13

तन्‍न परमप्रभु यावे, गो इन कली इन शिशी पाइक्‍ची ना लोव़ पाइनुङ। इन गेना हना यो दाक्‍तीकेमी आं पुंइशो श्‍येत रे प्रोंइतीके गेयीनी। परमप्रभु आं कली लोव़ लेत्‍तीनी। यसैया ४९:८

भजन संग्रह 69:16

परमप्रभु यावे, इन गेना हना यो दाक्‍तीकेमी आं कली लोव़ लेत्‍तीनी। इन ठेयब शिशी आं गे लेत्‍तीन। गन्‍ती ६:२६

भजन संग्रह 77:9

मार, परमप्रभुमी शिशी पचा प्रेंशो बाक्‍बा? मेको गाइश्‍शा, आ शिशी पतीके तेक्‍शो बाक्‍बा? ठेयब सेंदा पा।

यसैया 43:25

गो नङ, इ हेंथे पशो क्‍याम्‍नुङ। गो मेको आं पर्बम पाइनुङ। गो इ पाप लेंशा ममिम्‍नुङ। यसैया ४४:२२; येरमीया ३१:३४

यसैया 44:22

गो इ पाप गोस्‍स खोदेंशो पा जाम्‍पाइक्‍ता। इ हेंथे पशो यो क्‍याम्‍ताक्‍ङ। गे आं गे लेतो। मारदे हना गो इ कली पाप रे प्रोंइतन। यसैया ४३:२५

यसैया 63:15

सरीङ ङा इन छेङछेङ ङा बाक्‍तीके रे उइ कोव़ङीन। इन वारच पचा दाक्‍तीके नु इन सक्ति ते बाक्‍मे? इन थुं ङा आंइ कली दाक्‍तीके नु इन शिशी पतीके ते बाक्‍म? गो मेको मतक। ब्‍यवस्‍था २६:१५

यसैया 63:7

गो परमप्रभु यावे आ मुर आन कली शिशी पतीक गेय मिम्‍नुङ। मारदे हना मेको आ पर्बम परमप्रभु यावे कली ठेयब सेल्‍चा माल्‍नीकी। मिनु आंइ कली मार मार पशो आ पर्बम, इस्राएल आ खिं ङा मुर आन कली शुश दाक्‍ताक्‍व। मिनु मेको आन कली शिशी कोंइशा, गेना हना यो दाक्‍शो बाक्‍त। मोपतीके मेको कली ठेयब सेल्‍चा माल्‍नीकी।

येरमीया 18:23

मिनु परमप्रभु यावे, आं कली साइक्‍चा माल्‍शो नु मरिम्‍शो पाइब नेल्‍ल आन कली तुइक्‍ताक्‍नी। मेको आन मरिम्‍शो पशो माफ मगेने। इन ङोंइती रे मेको आन पाप मतिलीन। मेको इन ङोंइती दाइल पांइसीमल। गे गाइक्‍तीनीनु, मेको आन कली मार पचा माल्‍बा, मेको पने” देंत। मत्ती ६:१५

बिलाप 3:32

मेकोमी श्‍येत गेप्‍तु हना यो, लेंशा शिशी पाइब। मेको आ गेना हना यो दाक्‍तीक थम ठेयब बाक्‍ब।

दानीएल 9:18

आं परमप्रभु इन नोफा दाइश्‍शा नेनीन। मिनु आंइ कली दुम्‍शो श्‍येत नु इन नेंम सेल्‍शो सहर यरूसलेम कली कोव़ङीन। आंइ ठीक पतीके आ पर्बम ममाइ, तन्‍न इन शुश शिशी पतीके आ पर्बम पुंइनीकी।

दानीएल 9:9

गोपुकी इन देंशो गन गन पा मटीतक हना यो, परमप्रभु, आंइ होव़प, गे शिशी पाइब नु पाप क्‍याम्‍ब बाक्‍नीनी। भजन संग्रह १३०:४

प्रेरित 3:19

मुल चहिं इन थुं परमप्रभु यावे गे लेश्‍शा, ख्रीस्‍त कली थमा सुतीन। मिनु मेकोमी इन पाप क्‍याम्‍ब। प्रेरित २:३८

कलस्‍सी 2:14

नेल्‍ल गेचा चिक्‍शो दोस नु सजाइ ब्रेक्‍शो कागज लाइश्‍शा, कांटी थोक्‍शा साइक्‍तीक शीम वोइक्‍तु। एफिसी २:१५