भजन संग्रह 5:9 - Sunuwar Bible

⁹ आं जोरी सत्रुमी जोल ला पाइनीम। आन थुंमी “दोपा खतम सेल्‍नुङा” दे ला मिम्‍नीम। आन लकचा मुर थिम्‍तीके खोदेंशो बाक्‍ब। मेकोपुकी मिलो शिलो पाइब बाक्‍नीम। रोमी ३:१३

भजन संग्रह 5:9 ပူးပေါင်းရင်းမြစ်များ

एज्रा 8:21

मिनु गो अहावा खोलाम बाक्‍कानु, गो मुर आन कली “परमप्रभु कली पुंइचा कली गो माइजा बाक्‍चा माल्नय” देंती। “परमप्रभु आ ङोंइती आंइ दाक्‍शो मपथु, आंइ कली, आंइ आल आन कली नु आंइ शोंप कली लांम रिम्‍शो दुम्‍ल” दे परमप्रभु कली पुंइत‍क।

भजन संग्रह 27:11

परमप्रभु यावे, आं कली इन लां शेंदीनी। मिनु आं जोरी सत्रु आन पर्बमी आं कली ठीक लां कोंइदीनी। भजन संग्रह ८६:११; भजन संग्रह १३९:२४

भजन संग्रह 51:6

गे आंम पर्बम आंम थुं ङा थमा मिम्‍तीकेम दाक्‍नीनी। मोपतीके गे आं थुं कली जोक्‍तीक तुइक्‍तीक शेंदीने।

भजन संग्रह 52:2

गे नाक्‍त रे खतम सेल्‍चा आ पर्बम मिम्‍नीनी? इन शोव़ शेप्‍शो करद खोदेंशो बाक्‍ब। गे जोल पाइब ला बाक्‍नीनी।

भजन संग्रह 62:4

मेकोपुकीमी ठेयब मुर कली साइक्‍चा माल्‍शो बाक्‍नीम। मेकोपुकी जोल पतीकेमी ग्‍येरसीनीम। मिनु शोव़म आसीक गेखु पाइनीम। तन्‍न आन थुंमी चहिं सराप पाइनीम। ठेयब सेंदा पा।

भजन संग्रह 62:9

महिक्‍सीशो मुरपुकी फश ला बाक्‍नीम। हिक्‍सीशो मुर आन ठेयब दुम्‍तीके जोल ला बाक्‍ब। मेकोपुकी नाक्‍सीमानु, मारेइ मबाक्‍नीम। हिक्‍सीशो नु महिक्‍सीशो मुर नेल्‍ल मुठी का सोक्‍त ङा ला बाक्‍नीम।

भजन संग्रह 64:6

मेकोपुकीमी मरिम्‍शो पतीक आ पर्बम गारशा “गो शुश मिम्‍शा, गेय पाइतय” देंनीम। थमा पा मुर आन मिम्‍तीके नु थुं मरिम्‍शो बाक्‍ब।

भजन संग्रह 69:19

मुरपुकीमी आं पर्बम दोपा रित्‍तीमी, मुने तोक्‍यीमी नु शुक्‍शी पाइय्‍यीमी, गे मेको नेल्‍ल तुइक्‍नीनी। आं जोरी सत्रु नेल्‍ल इन ङोंइती बाक्‍नीम।

हितोपदेस 29:5

सुमी आ नेक्‍था ङा मुर कली क्‍युक्‍शा लोव़ पाइबा, मेकोमी मेको कली ग्‍याइल दाइश्‍शो बाक्‍ब।

यसैया 26:7

ठीक निसाफ पाइब आ लां ग्‍येत्‍थ बाक्‍ब। गे ठीक पाइब आ लां थेल्‍तीनी।

येरमीया 17:9

मुर आन थुं नेल्‍ल क्‍येङा जोल पाइब बाक्‍ब। गेना हना यो दूली पाइब बाक्‍ब। मेको कली सुम रुप्‍ने चाप्‍बा ङा? १सामुएल १६:७; बजन संग्रह ७:१०; हितोपदेस १५:११; रोमी २:६

येरमीया 4:14

मिनु परमप्रभु यावेम “ए यरूसलेम, गे पाप रे ब्रोंइचा तचा कली इ थुं इ परमप्रभु यावे कली मटितीके रे चिक्‍सो। गेना सम्‍म इ मरिम्‍शो मिम्‍तीक इ थुंम बाक्‍चा गेनेवे? येरमीया ६:८; यसैया १:१४

मीका 6:12

मेको आ शोंप पाइश्‍शो मुरपुकी हुश ख्राक्‍श पोक्‍तीकेम ब्रीशो बाक्‍नीम। मेको सहर ङा मुरपुकी जोल पाइनीम। मेको आन शोव़ जोल पतीकेमी ब्रीशो बाक्‍ब।

लूका 11:39

मिनु प्रभु येसुमी मेको कली “गे फरिसीपुकी बोस शेक्‍तीनीनु, आ तार ला शेक्‍नीनी। आगा मशेक्‍नीनी। मेको खोदेंशो पा इन थुंमी रोइक्‍तीके नु परमप्रभु कली मटितीकेमी ब्रीशो बाक्‍ब।

लूका 11:44

आबी, फरिसीपुकी, गे खतम बाक्‍नीनी। मारदे हना गे मततीक तुरस खोदेंशो बाक्‍नीनी। मुरपुकीमी मेको कली मतुइक्‍थु, दिम्‍‍शा गाक्‍नीमी” देंत।

रोमी 3:13

“ग्रांग्रा दिचा ङा लोव़ ला पाइनीम। जोल पाइनीम। शुक्‍शी पा थुं खाइक्‍चा ङा लोव़ पाइनीम। भजन संग्रह ५:१०; भजन संग्रह १४०:४

१ थिस्‍सलोनिकी 2:5

गो इन कली मिलो शिलो मपक, दे तुइक्‍नीनी। इन क्‍येट ताइनीकी कों, दे मिम्‍शा मशेंदक, मेको परमप्रभु यावेमी तुइक्‍ब। मत्ती १२:४०; प्रेरित २०:३३