भजन संग्रह 5:6 - Sunuwar Bible

⁶ गे जोल पाइब आन कली खतम पाइनीनी। मिनु हुश ख्राक्‍श पोक्‍ब नु थमा मसुइक्‍ब मुर आन कली ग्रांग्रा दित्‍नीनी।

भजन संग्रह 5:6 ပူးပေါင်းရင်းမြစ်များ

उत्पत्ती 34:14

“गो आंइ समी ख्रोइक्‍तीक चिनु मख्रोइश्‍शो मुर आन कली गेने मचाप्‍नीकी। मेको आंइ कली मशिरब।

२ सामुएल 16:8

मिनु “परमप्रभु यावेम सावल आ खिं ङा मुर आन हुश आ क्‍येक्‍क लेत्‍ताक्‍वे। गे मेको आ पा ङा सासन पाप्‍तीवी। मिनु परमप्रभु यावेमी एको राज्‍य इ तौ अब्‍सालोम कली गेप्‍तु। मुल गे खतम दुम्‍ते श्‍येत जाइनेवे। मारदे हना गे हुश ख्राक्‍श पोक्‍ब बाक्‍नेवे” देंमाक्‍त।

२ सामुएल 20:1

शेबा नें पाइश्‍शो मरिम्‍शो पाइब मुर का बाक्‍माक्‍त। मेको बेन्‍यामीन आ थर ङा बिक्री आ तौ बाक्‍माक्‍त। मेकोम तुराही ताप्‍शा ग्रीशा “दाऊद नु आंइ के मार बाक्‍बा ङा? येस्‍से आ तौ नु आंइ के मारेइ मबाक्‍ब। ए इस्राएली, गे इन ताम्‍बु ताम्‍बुम लने” देंमाक्‍त। १राजा १२:१६

भजन संग्रह 11:5

परमप्रभु यावेमी ठीक पाइब नु आ अरेशो मटीब आन कली नाक्‍ब। मिनु हुश ख्राक्‍श पोक्‍चा दाक्‍ब आन कली काइ मदाक्‍ब।

भजन संग्रह 4:2

गे मुरपुकी, गेना सम्‍म आं कली मान मपाइनीनी? गेना सम्‍म गेपुकी जाम्‍शा लाइब थोव़क दाक्‍नीनी नु जोल पाइनीनी? ठेयब सेंदा पा।

भजन संग्रह 43:1

परमप्रभु, आं कली वारच पाइय्‍यीनी। इन कली थमा मसुइक्‍ब मुर आन पर्बम आं पोन बोक्‍कीन। मिनु जोल पाइब नु मरिम्‍शो पाइब मुरपुकी रे आं कली प्रोंइयीनी।

भजन संग्रह 55:23

तन्‍न परमप्रभु, गे मरिम्‍शो पाइब आन कली खतम दुम्‍तीकेमी ताइक्‍नीनी। हुश ख्राक्‍श पोक्‍ब नु जोल पाइब आन ब्रोंइतीक नाक्‍त उइक्‍थ यो मब्रोंइनीम। तन्‍न गो इन कली थमा सुइश्‍शा बाक्‍नुङ। भजन संग्रह १०२:२५

यसैया 26:21

मारदे हना परमप्रभु यावे आ बाक्‍तीके रे जाक्‍ब। मिनु रागीम बाक्‍ब मरिम्‍शो पाइब आन कली सजाइ गेब। मिनु रागी तार देम्‍शो हुश नु साइश्‍शो मुर नेल्‍ल मख्रुइक्‍थु कोंइब” दे कुम्‍सो पाइनीम। उत्‍पत्ती ४:१०-११; प्रकाश १८:२४

रोमी 1:29

मिनु आन थुं पापम ब्रीशो दुम्‍तेक्‍म। मिनु मार पाम्‍तेक्‍म देंशा हना, मारेइ मारेइ मरिम्‍शो ला पमुम्‍तेक्‍म, शिंम दुम्‍तेक्‍म, थुं चोमुम्‍तेक्‍मे, रुश पमुम्‍तेक्‍मे, मुर साइक्‍तेक्‍मे, जिम्‍तेक्‍मे, जोल पाम्‍तेक्‍मे, ख्रुइश्‍शा मुर आन लोव़ पाम्‍तेक्‍म।

प्रकाश 21:8

तन्‍न मुर तशा हिंबपुकी, परमप्रभु यावे कली थमा मसुइक्‍बपुकी, पापमी ग्रुम्‍शोपुकी, मुर आन कली साइक्‍बपुकी, तेल्‍लेम पाइबपुकी, टुना मुना पाइबपुकी, देवी देवता आन कली पूजा पाइबपुकी, नु जोल पाइबपुकी नेल्‍ल गन्‍धक रे हुरुर पा ब्रशो मीमी हुम्‍चा पुंइसीनीम। मिनु मेको नोले ङा बेक्‍तीक बाक्‍ब” दे माइक्‍ती।

प्रकाश 22:15

सु सुमी चहिं टुना मुना पाइनीमी, तेल्‍लेम पाइनीमी, मुर साइक्‍नीमी, मूर्ति नु फुल्‍लु कली सेउ पाइनीमी। जोल पना पन बाक्‍नीमी। मेको कुचुम खोदेंशो पा सहर रे लाङगा बाक्‍नीमी” देंत। प्रकाश २१:८,२७; १कोरिन्‍थी ६:९-१०