भजन संग्रह 5:12 - Sunuwar Bible

¹² मिनु परमप्रभु यावे, गे मेको ठीक पाइब आन कली आसीक गेनीनी। इन दाक्‍तीके मेको आन कली एर ओंथ वोइश्‍शो तेक्‍तीक खोदेंशो बाक्‍ब।

भजन संग्रह 5:12 ပူးပေါင်းရင်းမြစ်များ

भजन संग्रह 112:1

परमप्रभु यावे कली ठेयब सेलीन। सु परमप्रभु यावे कली मान पा हिंबा, मेको ग्‍येरसीशो मुर बाक्‍ब। मेकोमी परमप्रभु आ शेंशो शुश दाक्‍ब। भजन संग्रह १:२; हितोपदेस २०:७

भजन संग्रह 115:13

मेकोमी परमप्रभु यावे कली मान पा हिंब आइक्‍च ठेयब नेल्‍ल आन कली आसीक गेब।

भजन संग्रह 118:15

ठीक पाइब आन ताम्‍बुमी ग्‍येरशो नु ग्राशा कुम्‍सो पशो नेंसीब। परमप्रभु यावेमी सक्ति पाइश्‍शो गेय पाइब।

भजन संग्रह 119:132

गे आं गे लेश्‍शा शिशी पने। इन नें दाक्‍ब आन कली शिशी पशो खोदेंशो पा आं कली यो शिशी पने।

भजन संग्रह 29:11

परमप्रभु यावेमी आ मुर आन कली सक्ति गेब। परमप्रभु यावेमी आ मुर आन कली आसीक गेशा, थुं नाइक्‍पाइक्‍ब।

भजन संग्रह 3:3

परमप्रभु यावे, गे आं एर ओंथ वोइश्‍शो तेक्‍तीके खोदेंशो बाक्‍नीनी। गे आं कली ठेयब सेल्‍पाइक्‍ब, आं थुं बारपाइक्‍ब नु आं पिया पोक्‍ब बाक्‍नीनी। उत्‍पत्ती १५:१

भजन संग्रह 3:8

परमप्रभु यावे, गे मुर आन कली प्रोंइब बाक्‍नीनी। इन आसीक इन मुर नु बाक्‍ब। ठेयब सेंदा पा।

भजन संग्रह 32:10

इन अरेशो मटीबपुकी शुश श्‍येत जाइनीम। तन्‍न परमप्रभु यावे कली थमा सुइक्‍बपुकी आ गेना हना यो दाक्‍तीक ताइनीम।

भजन संग्रह 32:7

गे आं ख्रुइश्‍शा बाक्‍तीके बाक्‍नीनी। गे आं कली श्‍येत रे प्रोंइनीनी। गे आं कली श्‍येत रे प्रोंइतीक कुम्‍सो पपाइक्‍नीनी। ठेयब सेंदा पा।

भजन संग्रह 68:4

परमप्रभु कली कुम्‍सो पने। मेको आ नें आ पर्बम कुम्‍सो पने। गोस्‍स तार गाक्‍ब कली ठेयब सेल्‍तीक कुम्‍सो पने। मेको आ नें परम‍प्रभु यावे बाक्‍ब। गे मेको आ ङोंइती ग्‍येरशा सोम्‍शा बाक्‍कीन। यसैया ५७:१४

भजन संग्रह 84:11

मारदे हना परमप्रभु, परमप्रभु यावे नां नु तेक्‍तीक बाक्‍ब। परमप्रभु यावेम ठेयब दुम्‍तीक नु मान गेब। मेकोमी ठीक लां खोइक्‍ब आन कली रिम्‍शो पाइब।