भजन संग्रह 49:7 - Sunuwar Bible

⁷ सुइमी आंम लोक्‍ब कली क्‍येट थाप्‍शा, बेक्‍चा रे प्रोंइने मचाप्‍ब। मोपा मेकोमी परमप्रभु कली शुश क्‍येट थाप्‍शा आ गिंम प्रोंइने मचाप्‍ब। मीका ६:६-८; मत्ती १६:२६

भजन संग्रह 49:7 ပူးပေါင်းရင်းမြစ်များ

एस्‍तर 5:11

मिनु मेको आन कली “आं शोंप, आं थेरशो रू नु शुश तौ बाक्‍नीम। मिनु पिपमी सासन पाइब नु गेय पाइब नेल्‍ल आन क्‍येङा आं कली शुश मान गेशो बाक्‍ब” दे आ नें बोरपाइश्‍शा लोव़ पाप्‍तु।

हितोपदेस 18:11

थीब मुर आन शोंप मेको आन कली बोल्‍यो सहर खोदेंशो बाक्‍ब। मेकोपुकीमी आन शोंप कली ठेयब गारो खोदेंशो मिम्‍नीम। हितोपदेस १०:१५

येरमीया 9:22

परमप्रभु यावेमी “गे मुर आन कली मोदेंशो लोव़ पावो ‘मुर आन बेक्‍शो रां रूम मोव़ल खोदेंशो पा दोक्‍नीम। अन्‍न खुप्‍ब मुर आन नोले प्रोंइशो अन्‍न खोदेंशो पा, गोल्‍शा लीशो बाक्‍नीम। मिनु मेको आन कली सुइम सिला मपाइनीम’ देनो” देंत। येरमीया ७:३३; येरमीया १४:१६; येरमीया १६:४; येरमीया २५:३३; भजन संग्रह ७९:२

होसे 12:9

मिनु “गो परमप्रभु यावे, इन परमप्रभु नङ। गो इन कली इजीप्‍त रागी रे चाक्‍शो नङ। गो ङोंइती ङा चाड नाक्‍ती खोदेंशो पा इन कली लेंशा इन ताम्‍बुमी बाक्‍चा गेनुङ” देंत। होसे १३:४

मत्ती 16:26

रागी नेल्‍ल आंम के सेल्‍शा, आ गिंम चहिं खतम दुम्‍त हना, मार रिम्‍शो दुम्म ङा? खतम दुम्‍शो गिंम मार गेशा लेन्‍ने चाप्‍बा ङा? लूका १२:२०; भजन संग्रह ४९:९

मत्ती 20:28

रागीम जरमेशो मान पपांइसीचा कली जाक्‍शो ममाइ। तन्‍न गेय पथ नु शुश मुर आन कली प्रोंइचा कली आ गिंम सोइक्‍थ जाक्‍शो बाक्‍ब” दे माइक्‍तीमी। फिलिप्‍पी २:७; १पत्रुस १:१८-१९

मत्ती 25:9

तन्‍न निप्‍स पाइश्‍शोपुकीमी ‘गो आंइ कुरशो तेलमी गो नेल्‍ल इं बत्ती आन कली मजाक्‍दीप्‍ब। पसल लशा ग्‍याप्‍शा, चाक्‍शा दाङीन’ देंनीम।

मर्कूस 8:37

मारदे हना गे मार गेशा ब्रोंइने चाप्‍नीनी ङा?

१ तिमोथी 2:6

मेकोमी मुर नेल्‍ल आन कली पाप रे प्रोंइचा, दे आंम कली जिम्‍मा गेप्‍तु। एको लोव़ मेना रे शेंचा गोम्‍तेक्‍म। गलाती १:४; गलाती २:२०; तीतस २:१४

१ पत्रुस 1:18

इन किकी पिपी रे “गो नरक लाइब बाक्‍नीकी” दे तुइक्‍नीनी। मुल गे नरक लतीक लां रे प्रोंइचा पुंइसीशो बाक्‍तीनी। दोपा प्रोंइचा पुंइसीशो बाक्‍तीनी देंशा हना, जाम्‍शा लाइब सुन नु चांदी थाप्‍शा ममाइ, १कोरिन्‍थी ६:२०; १कोरिन्‍थी ७:२३; १पत्रुस ४:३