भजन संग्रह 49:6 - Sunuwar Bible

⁶ मेकोपुकीमी आन शुश क्‍येटीम थमा सुइक्‍नीमी। आन शुश क्‍येटीम ठेयब लेत्‍नीमी।

भजन संग्रह 49:6 ပူးပေါင်းရင်းမြစ်များ

१ तिमोथी 6:17

गे मुल शुश क्‍येट थीब आन कली “ठेयब लेश्‍शो मदुमीन। जाम्‍शा लाइब शोंप कली आस मपथु, परमप्रभु यावे कली आस पने। मारदे हना परमप्रभु यावेमी इं कली शुश तेम्‍शा गेब। आ गेशो तशा ग्‍येरसीन” दे माइक्‍मी। भजन संग्रह ६२:११; लूका १२:१५-२१

येरमीया 9:23

परमप्रभु यावेम “जोक्‍ब तुइक्‍ब मुरपुकी आन जोक्‍तीक तुइक्‍तीक आ पर्बम ठेयब मलेम्‍मल। सक्ति पाइश्‍शो मुरपुकी आन सक्ति आ पर्बम ठेयब मलेम्‍मल। शुश शोंप पाइश्‍शो मुरपुकी आन शुश शोंपोम ठेयब मलेम्‍मल।

भजन संग्रह 52:7

एको मुर कली कोव़ङीन। एकोमी परमप्रभु कली जिम्‍मा मगेंसे। आ शुश शोंपोम “गो मारेइ मारेइ पने चाप्‍नुङ देंशा, अरु आन कली खतम पोक्‍शा, बोल्‍यो दुम्‍त” दे रिश्‍शा, कोव़नीम।

मर्कूस 10:24

मेको लोव़ नेंशा, शेंसीबपुकी छक लाक्‍मा बाक्‍त। मिनु येसुमी लोव़ थोक्‍शा “आलपुकी, आन शोंपोम थमा सुइक्‍ब आन कली परमप्रभु यावे आ राज्‍य ओव़चा शुश श्‍येत दुम्‍ब।

लूका 12:19

मिनु मेकोमी ‘शुश बर्स कली जाक्‍दीप्‍ब। शुश शोंप गे नु बाक्‍ब। मोपतीके जशा तूशा ग्‍येरशा बाक्‍को’ दे आंम थुं कली देंमाक्‍त। भजन संग्रह ४९:१-२०

होसे 12:8

एफ्राइममी “गो शुश क्‍येट थीब दुम्‍ती। गो शोंप पाइश्‍शो बाक्‍नुङ। आं शुश क्‍येट चेम्‍तीके ‘गे पाप पाप्‍तीवी’ दे दोस गेने मचाप्‍नीम” देंत। प्रकाश ३:१७

हितोपदेस 23:5

मेको याम का तशा नोले, चिक्‍ब खोदेंशो पा बेरशा लाइब। मेको ककाकुली खोदेंशो पा सरीङ गे बेरशा लाइब।

हितोपदेस 11:28

सुमी आ शोंप कली थमा सुइक्‍बा, मेको रीब पा बेक्‍ब। ठीक मुर चहिं गिग घांस खोदेंशो पा बारशा लाइब। भजन संग्रह ५२:९-१०

हितोपदेस 10:15

शोंप पाइश्‍शो मुर आन शोंप मेको आन बोल्‍यो दरवार खोदेंशो बाक्‍ब। प्रुङग मुर आन श्‍येत दुम्‍तीकेम मेको आन कली खतम सेल्‍ब। हितोपदेस १८:११

भजन संग्रह 62:10

मुर आन कली दिप्‍शा “रिम्‍शो दुम्‍नुङ” दे ममिम्‍तीन। खुइ पशो मार मार तशा, ठेयब मलेतीन। इन शोंप शुश दुम्‍त हना यो, मेको कली थमा मसुतीन। मत्ती १९:२२; लूका १२:१५-२१; १तिमोथी ६:९,१७

एस्‍तर 5:11

मिनु मेको आन कली “आं शोंप, आं थेरशो रू नु शुश तौ बाक्‍नीम। मिनु पिपमी सासन पाइब नु गेय पाइब नेल्‍ल आन क्‍येङा आं कली शुश मान गेशो बाक्‍ब” दे आ नें बोरपाइश्‍शा लोव़ पाप्‍तु।

भजन संग्रह 56:5

नाक्‍त रे मेकोपुकीमी आं लोव़ दूली सेल्‍शा लोव़ पाइनीम। मेको आन मिम्‍शो नेल्‍ले आं कली श्‍येत गेचा कली ला बाक्‍ब।

भजन संग्रह 56:7

परमप्रभु, मेको आन कली काइ प्रोक्‍चा मगेन। इन गाइक्‍चामी मेको मुर आन कली खतम पोक्‍कीन।

भजन संग्रह 112:7

मेको मरिम्‍शो लोव़ नेंशा, महिंनीम। मेको आन थुं नेल्‍लेमी परमप्रभु यावे सक्ति पाइश्‍शो बाक्‍ब, दे तुइक्‍नीम।

भजन संग्रह 112:8

मेको आन थुं ग्‍येत्‍थ लुक्‍च मपथु, महिंनीम। मिनु नोले आन जोरी सत्रु आन कली ब्रुशो ताइनीम। भजन संग्रह ९१:८