भजन संग्रह 49:2 - Sunuwar Bible

² ठेयब नु आइक्‍च, क्‍येट थीब नु प्रुङग नेल्‍लेमी नोफा दाइश्‍शा, नेनीन।

भजन संग्रह 49:2 ပူးပေါင်းရင်းမြစ်များ

अय्‍युब 34:19

मेकोम पिप आ तौ आन कुल मकोव़ब। मेकोम शोंप पाइश्‍शो नु प्रुङग नेल्‍ल आन कली उइक्‍थ मिम्‍ब। मारदे हना मेको नेल्‍ल आ सेल्‍शो नम।

भजन संग्रह 62:9

महिक्‍सीशो मुरपुकी फश ला बाक्‍नीम। हिक्‍सीशो मुर आन ठेयब दुम्‍तीके जोल ला बाक्‍ब। मेकोपुकी नाक्‍सीमानु, मारेइ मबाक्‍नीम। हिक्‍सीशो नु महिक्‍सीशो मुर नेल्‍ल मुठी का सोक्‍त ङा ला बाक्‍नीम।

हितोपदेस 22:2

क्‍येट थीब नु प्रुङग मुर के गारतीक का बाक्‍ब। मेको मार बाक्‍ब देंशा हना, परमप्रभु यावेमी मेको निम्‍फा आस कली सेल्‍तु। हितोपदेस २९:१३

यसैया 34:1

गे रागी रागी ङा मुर, आं नेक्‍था जाक्‍कीने। जात जात ङा मुर नोफा दाइश्‍शा नेनीन। रागी नु रागीम बाक्‍शो मारेइ मारेइम नेन्‍मेक्‍ल।

मीका 1:2

मिनु परमप्रभु यावेमी मार कोंइशो नु देंशो बाक्‍त देंशा हना “जात जात ङा मुर, गे नेल्‍लेमी नोफा दाइक्‍तीन। रागी नु मेकेर बाक्‍ब नेल्‍लेमी नेनीन। परमप्रभु, परमप्रभु यावे आ बाक्‍तीके रे पा इन मरिम्‍शो पशो आ पर्बम सांकछी दुम्‍ब।