भजन संग्रह 48:9 - Sunuwar Bible

⁹ परमप्रभु, गो इन खिंमी बाक्‍शा, इन गेना हना यो दाक्‍तीके मिम्‍शा, बाक्‍नीकी।

भजन संग्रह 48:9 ပူးပေါင်းရင်းမြစ်များ

१ राजा 10:6

मिनु मेकोमी पिप कली “गो आं रागीमी इन गेय नु जोक्‍तीक तुइक्‍‍तीक आ पर्बम लोव़ नेंता।

१ राजा 10:7

तन्‍न गो आंमा जाक्‍शा, मतङा सम्‍म थमा मसुदु। मेको आं कली नें‍शो दा उइक्‍थ लाइ यो मनें‍शो बाक्‍ती। इन जोक्‍तीक तुइक्‍तीक, इन पशो गेय नु इन शोंप आ पर्बम आं नेंशो क्‍येङा यो शुश बाक्‍त।

भजन संग्रह 104:34

मेकोमी आं मिम्‍शो दाक्‍तल। मारदे हना गो परमप्रभु यावे कली मिम्‍शा ग्‍येरसीनुङ।

भजन संग्रह 26:3

इन गेना हना यो दाक्‍तीक आं ङोंइती बाक्‍ब। मिनु गो इन कली मप्रोंइथु, गाक्‍शो बाक्‍नुङ।

भजन संग्रह 40:10

गो इन मुर आन कली श्‍येत रे प्रोंइतीके आं थुंम ख्रुइश्‍शा मवोइक्‍थु, इन दाक्‍शा मप्रोंइतीके नु मुर आन कली श्‍येत रे प्रोंइतीके आ पर्बम लोव़ पाता। गो इन गेना हना यो दाक्‍तीके नु दाक्‍शा मप्रोंइतीके आ पर्बम मख्रुइक्‍थु, ठेयब ग्रुम्‍तीकेमी शेंताक्‍ङमी।

भजन संग्रह 87:5

सियोन आ पर्बम चहिं “मुर नेल्‍ल मेकेर रेन जरमेशो बाक्‍नीम। मारदे हना नेल्‍ल क्‍येङा ठेयबमी मेको कली रिम्‍शो सेल्‍शा कोव़ब” देंनीम।

ठेयब कुम्सो 1:4

गे आं कली लाइय्‍यीनी। गो रीब पा लय। पिपमी आं कली आ बाक्‍तीकेम लाइक्‍ती। गो इन कली तशा ग्‍येरसीनीकी। गोपुकी अङगुर शांबु क्‍येङा यो, इन दाक्‍तीक कली ठेयब सेल्‍नीकी। मेकोपुकीम गे दारशो दुम्‍तीके इन कली दाक्‍नीमी।

यसैया 26:8

परमप्रभु यावे, गो इन निसाफ पतीके कली रिम्‍नीकी। आंइ थुं नेल्‍लेमी इन नें नु इन कली मिम्‍शा बाक्‍नीकी।

येरमीया 31:40

बेक्‍शो मुर आन बेंसी नेल्‍ल पुलु ताइक्‍तीक दिंम नु किद्रोन कोल्‍सा सम्‍म ङा रू नेल्‍ल नु शारा लाप्‍चो ङा कुना सम्‍म परमप्रभु यावे के दुम्‍ब। मिनु मेको गेनायो तुल्‍शा खतम मपोक्‍सीब” देंत।