भजन संग्रह 48:3 - Sunuwar Bible

³ मिनु परमप्रभु मेको सहर ङा बोल्‍यो दरवारम बाक्‍ब। मेको ठेयब नु सक्ति पाइश्‍शो बाक्‍ब, दे नेल्‍लेम तुइक्‍नीम।

भजन संग्रह 48:3 ပူးပေါင်းရင်းမြစ်များ

२ सामुएल 5:7

मो हना यो दाऊदमी गारो हिरशो सियोन ग्रामाक्‍त। मिनु मेको दाऊद आ सहर दुम्‍माक्‍त।

२ इतिहास 12:7

मिनु परमप्रभु यावेमी मेको आन थुं ब्रेम्‍शो दुम्‍शो तशा, मेको शेमायाह कली “मेकोपुकी ब्रेम्‍शो दुम्‍तीके, गो मेको आन कली खतम मसेल्‍नुङमी। तन्‍न गो मेको आन कली ब्रोंइचा गेनुङमी। आं गाइश्‍शो शीशक आ पतीके रे पा यरूसलेमम ममोइक्‍नुङ।

भजन संग्रह 125:1

परमप्रभु यावे कली थमा सुइक्‍बपुकी सियोन डांडा खोदेंशो बाक्‍नीमी। मेको याक्‍ने मचाप्‍सीब। गेना हना यो बाक्‍ब।

भजन संग्रह 135:21

सियोन रे परमप्रभु यावे कली ठेयब सेल्‍मेक्‍ल। यरूसलेमम बाक्‍बपुकीमी परमप्रभु यावे कली ठेयब सेल्‍मेक्‍ल। परमप्रभु यावे कली ठेयब सेलीन।

भजन संग्रह 46:7

मुर नेल्‍ल आन परमप्रभु यावे गोपुकी नु बाक्‍ब। याकूब आ परमप्रभु आंइ बोल्‍यो दरवार बाक्‍ब। ठेयब सेंदा पा।

भजन संग्रह 50:2

परमप्रभु सियोन रे आ दारसम ग्‍योम्‍सीशा छेङछेङ दुम्‍शा, ग्रूशो बाक्‍ब। यसैया ६२:१

ठेयब कुम्सो 6:4

आं दाक्‍शो मीश आल, गे तिरचा सहर खोदेंशो बाक्‍नेवे। यरूसलेम सहर खोदेंशो रिम्‍शो तांइसीनेवे। गे छेदर क्‍युक्‍शो लडाइ पाइब खोदेंशो सक्ति पाइश्‍शो बाक्‍नेवे।

बिलाप 2:15

इ नेक्‍था रे पा लाइब नेल्‍लेमी इ कली तशा शुक्‍शी पाइनीम। यरूसलेम आ तमी तशा शुक्‍शी पा आन पिया हिम्‍नीम। मेकोपुकीमी “एको सहर कली नेल्‍ल क्‍येङा दारशो नु रागी ङा नेल्‍ल क्‍येङा दाक्‍शो सहर देंनीमी, ममाइ ङा?” देंनीम। भजन संग्रह ४८:३; इजीकीएल १६:१४